نعمان علی کی آئی سی سی ٹیسٹ بولنگ رینکنگ میں کیریئر کی بہترین دوسری پوزیشن
اشاعت کی تاریخ: 22nd, October 2025 GMT
پاکستان کے اسپنر نعمان علی نے آئی سی سی مینز ٹیسٹ بولنگ رینکنگ میں اپنے کیریئر کی بہترین دوسری پوزیشن حاصل کرلی ہے۔ لاہور میں جنوبی افریقہ کے خلاف پہلے ٹیسٹ میچ میں شاندار کارکردگی کے باعث پاکستان کو کامیابی دلانے میں نمایاں کردار ادا کرنے پر انہیں یہ اعزاز حاصل ہوا۔
لیفٹ آرم اسپنر نعمان علی نے میچ میں 6 وکٹیں 112 رنز کے عوض اور 4 وکٹیں 79 رنز کے عوض حاصل کیں۔ ان شاندار کارکردگیوں کی بدولت وہ 4 درجے ترقی پا کر دوسرے نمبر پر آ گئے ہیں اور اس وقت بھارت کے جسپریت بمراہ سے صرف 29 ریٹنگ پوائنٹس پیچھے ہیں۔
مزید پڑھیں:اسپنر نعمان علی کا نیا ریکارڈ، ’یہ کسی اور ملک میں ہوتے تو سر آنکھوں پر بٹھایا جاتا‘
نعمان علی نے 853 ریٹنگ پوائنٹس کے ساتھ 850 پوائنٹس کی حد عبور کرنے والے 7ویں پاکستانی بولر ہونے کا اعزاز بھی حاصل کیا ہے۔ وہ 2016 میں یاسر شاہ کے بعد یہ سنگ میل عبور کرنے والے پہلے پاکستانی بولر بن گئے ہیں۔ اس سے قبل ان کی بہترین پوزیشن 5ویں تھی جو انہوں نے رواں سال ویسٹ انڈیز کے خلاف سیریز کے دوران حاصل کی تھی۔
پاکستان کے فاسٹ بولر شاہین شاہ آفریدی نے بھی نمایاں پیشرفت کی ہے۔ انہوں نے دوسری اننگز میں 4 وکٹیں 33 رنز کے عوض حاصل کرکے 3 درجے ترقی پائی اور اب وہ 19ویں پوزیشن پر پہنچ گئے ہیں۔
مزید پڑھیں:لاہور ٹیسٹ: اسپنر نعمان علی کا نیا کارنامہ، عبدالقادر کا 37 سالہ ریکارڈ توڑ دیا
بیٹنگ رینکنگ میں محمد رضوان (4 درجے ترقی کے بعد 16ویں پوزیشن) اور بابر اعظم (2 درجے ترقی کے بعد 22ویں پوزیشن) نے اپنی پوزیشن بہتر بنائی ہے، جبکہ سلمان آغا (8 درجے ترقی کے بعد 30ویں) اور امام الحق نے (44ویں پوزیشن) پر پیشرفت کی ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
آئی سی سی مینز ٹیسٹ بولنگ رینکنگ اسپنر نعمان علی فاسٹ بولر شاہین شاہ آفریدی نعمان علی.ذریعہ: WE News
کلیدی لفظ: آئی سی سی مینز ٹیسٹ بولنگ رینکنگ اسپنر نعمان علی فاسٹ بولر شاہین شاہ آفریدی نعمان علی اسپنر نعمان علی کے بعد
پڑھیں:
پنڈی ٹیسٹ: آصف آفریدی کے ڈیبیو پر پانچ شکار، پاکستان کی پوزیشن مستحکم
پنڈی ٹیسٹ میں ڈیبیو کرنے والے آصف آفریدی نے پانچ وکٹیں حاصل کرکے پاکستان کی پوزیشن مستحکم کردی۔
جنوبی افریقا نے 185 رنز 4 کھلاڑی آؤٹ پر اننگز کا آغاز کیا تو آصف آفریدی کی چوتھی گیند پر کائل ویرین محمد رضوان کو کیچ تھما بیٹھے۔
ٹرسٹان اسٹبس 76 اور سائمن ہارمر 2 رنز بناکر آصف آفریدی کا شکار بنے۔
آصف آفریدی پاکستان کی جانب سے ڈیبیو پر پانچ وکٹیں حاصل کرنے والے دوسرے لیفٹ آرم اسپنر بن گئے ہیں۔
جنوبی افریقا نے 7 وکٹوں کے نقصان پر 210 رنز بنالیے ہیں اور 123 رنز کا خسارہ ابھی باقی ہے۔
گزشتہ روز پاکستان کے 333 رنز کے جواب میں جنوبی افریقا نے اپنی پہلی اننگز کا آغاز کیا تو 22 کے مجموعی اسکور پر ریان ریکلٹن 14 رنز بناکر شاہین آفریدی کا شکار بن گئے۔
ٹونی ڈی زورزی 55، کپتان ایڈن مارکرم 32 اور ڈیوالڈ بریوس بغیر کوئی رن بنائے آؤٹ ہوئے تھے۔
فرانسیسی وزیر اعظم اعتماد کا ووٹ لینے میں کامیاب