ٹی ایم سی ناظم آباد، پوزیشن ہولڈر طلبہ میں لیپ ٹاپ و اسناد تقسیم
اشاعت کی تاریخ: 22nd, October 2025 GMT
data-id="863a0a8" data-element_type="widget" data-widget_type="theme-post-content.default">
کراچی (اسٹاف رپورٹر) ٹاؤن میونسپل کارپوریشن ناظم آباد کی جانب سے راشد منہاس اسکول میں پوزیشن ہولڈر طلبہ و طالبات کے اعزاز میں تقریب تقسیم انعامات کا انعقاد ہوا، پروقار تقریب میں سالانہ امتحانات میں نمایاں کارکردگی دکھانے والے پوزیشن ہولڈر طلبہ و طالبات کو لیپ ٹاپس، شیلڈز، سرٹیفکیٹس اور اسناد سے نوازا گیا۔ تقریب کی صدارت امیر جماعت اسلامی ضلع وسطی سید واجیہ حسن نے کی جبکہ چیئرمین ناظم آباد ٹاؤن سید محمد مظفر، وائس چیئرمین محمد نعمان صدیقی، ڈائریکٹر ایڈمن ظہیر احمد، ڈائریکٹر ایجوکیشن نوید حبیب، اینٹی انکروچمنٹ کے راشد کمال اور سینی ٹیشن کے عارف الدین بھی اس موقع پر موجود تھے۔ امیر جماعت اسلامی ضلع وسطی سید واجیہ حسن نے اپنے جذباتی خطاب میں کہا کہ علم ہی وہ روشنی ہے جو اندھیروں کو مٹا دیتی ہے۔ طلبہ و طالبات کو چاہیے کہ وہ تعلیم کو صرف کامیابی کا ذریعہ نہیں بلکہ خدمت خلق اور ملک کی ترقی کا ہتھیار بنائیں، یہ سارے لیپ ٹاپ جو آج یہاں تقسیم ہو رہے ہیں، ان شاء اللہ آئندہ اس سے کئی گنا زیادہ بچوں کو دیے جائیں گے۔ آپ سب بچے وعدہ کریں کہ آپ دل لگا کر پڑھیں گے، اپنے اساتذہ اور اسکول کا نام روشن کریں گے۔ ان شاء اللہ جب آپ محنت کریں گے تو نہ صرف آپ کے گھروں میں خوشحالی آئے گی بلکہ یہ ملک بھی ترقی کرے گا۔ چیئرمین ناظم آباد ٹاؤن سید محمد مظفر نے کہاآج کے یہ ہونہار طلبہ ہمارا فخر ہیں، یہ بچے پاکستان کا روشن مستقبل ہیں اور ہمیں ان کی حوصلہ افزائی کیلیے ہر ممکن تعاون جاری رکھنا ہوگا۔ ناظم آباد ٹاؤن کی انتظامیہ تعلیم کے فروغ کیلیے بھرپور اقدامات کر رہی ہے تاکہ ہمارے ادارے معیاری تعلیم کے ساتھ ساتھ باصلاحیت طلبہ کو بہتر مواقع فراہم کرسکیں۔ وائس چیئرمین محمد نعمان صدیقی نے کہا کہ نوجوان نسل کو جدید ٹیکنالوجی سے روشناس کرانا وقت کی اہم ضرورت ہے۔ آج تقسیم کیے گئے لیپ ٹاپس کا مقصد طلبہ کو ڈیجیٹل دنیا سے ہم آہنگ کرنا ہے تاکہ وہ علم و تحقیق کے میدان میں اپنی صلاحیتوں کو مزید نکھار سکیں۔
ذریعہ
ذریعہ: Jasarat News
پڑھیں:
کراچی کے سرکاری کالجز میں انٹرسال اول کیلیے داخلے شروع نہ ہوسکے، سوا لاکھ طلبا منتظر
محکمہ کالج ایجوکیشن سندھ واضح اعلان کے باوجود کراچی میں سرکاری کالجوں میں داخلہ شروع نہیں کرسکا ہے اور کم از کم سوا لاکھ طلبہ انٹر سال اول میں داخلوں کے منتظر ہیں۔
تفصیلات کے مطابق انٹر سال اول میں داخلہ یکم جون سے شروع ہونے تھے اس سلسلے میں 23 مئی کو قومی اخبارات میں اشتہارات جاری کیے گئے تھے جس کے مطابق تمام سرکاری کالجوں میں انٹر سال اول میں نویں جماعت کے نتائج کی بنیاد پر یکم جون سے داخلہ فارم کی رجسٹریشن شروع ہوجانی تھی جبکہ داخلہ فارم رجسٹریشن کی آخری تاریخ 15 جولائی مقرر کی گئی ہے۔
انٹر سال اول میں صرف کراچی کے سرکاری کالجوں میں سوا لاکھ کے قریب طلبہ داخلہ لیتے ہیں جن کے لیے سینٹرلائزڈ ایڈمیشن پالیسی کے تحت 6 مختلف فیکیلٹیز پری انجینئرنگ، پری میڈیکل، کمپیوٹر سائنس ، کامرس ، ہیومینیٹیز اور ہوم اکنامکس میں داخلے دیے جاتے ہیں۔
اس سلسلے میں جب میٹرک کا امتحان دینے والے داخلے کے خواہشمند طلبہ نے www.seccap.dgcs..gos.pk کے پورٹل پر داخلہ رجسٹریشن فارم تک پہنچنے کی کوشش کی تو معلوم ہوا کہ یہ پورٹل ہی بند ہے۔
ادھر "ایکسپریس" نے اس سلسلے میں ڈائریکٹر جنرل کالجز سندھ پروفیسر زاہد راجپر سے جب اس سلسلے میں رابطہ کیا تو ان کا کہنا تھا کہ تکنیکی وجوہات کی بنا پر پورٹل بند ہے ہماری ٹیکنیکل ٹیم کام کررہی ہے۔
انہوں نے کہا کہ پوری امید ہے کہ بدھ کی صبح تک پورٹل کھل جائے جس کے بعد طلبہ داخلے کے لیے اپلائی کرسکیں گے۔
ڈی جی کالجز کا یہ بھی کہنا تھا کہ اس بار ہم نے تمام سرکاری کالجوں میں "ڈیس ایبل" کوٹہ مختص کیا ہے تاکہ ایسے طلبہ اس کوٹے کی بنیاد پر اپنے قرب و جوار کے کالجوں میں بھی اپلائی کرسکتے ہیں۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ