گورنمنٹ اسکول غلام محمد آرائیں میں 31ویں سالانہ ایوارڈ واسکالرشپ تقریب کا انعقاد
اشاعت کی تاریخ: 6th, December 2025 GMT
data-id="863a0a8" data-element_type="widget" data-widget_type="theme-post-content.default">
بدین(نمائندہ جسارت ) گورنمنٹ بوائز ہائی اسکول غلام محمد آرائیں میں محکمہ تعلیم اور سماجی بہبود کے تعاون سے 31ویں سالانہ ایوارڈ اور اسکالر شپ تقریب منعقد کی گئی۔ تقریب کے مہمانِ خصوصی چیئرمین ضلع کونسل اور صدر پیپلزپارٹی ضلع بدین جام علی اصغر ہالیپوتہ تھے، جنہوں نے اسکول کے ہونہار طلبہ کو سالانہ بہترین کارکردگی پر ایوارڈز جبکہ مستحق طلبہ میں اسکالرشپ کے چیک تقسیم کیے جام علی اصغر ہالیپوٹو نے اپنی طرف سے بھی قابل اور محنتی طلبہ کے لیے خصوصی نقد اسکالرشپ کا اعلان کیا۔ اس موقع پر ڈسٹرکٹ ایجوکیشن آفیسر سیکنڈری سکندر ملاح اور ڈاکٹر مرتضیٰ آرائیں بھی موجود تھے تقریب سے خطاب کرتے ہوئے چیئرمین ضلع کونسل جام علی اصغر ہالیپوتہ نے کہا کہ تعلیم سماج کی ترقی اور نوجوانوں کے روشن مستقبل کی بنیاد ہے۔ انہوں نے مزید کہا کہ بدین میں تعلیم کے معیار کو بہتر بنانے کے لیے ضلعی انتظامیہ، والدین اور اساتذہ کو مل کر کام کرنا ہوگا۔ ان کا کہنا تھا کہ ہمارا مقصد ہے کہ ضلع بدین کا ہر بچہ معیاری تعلیم حاصل کرے۔ ہونہار طلبہ ہمارا سرمایہ ہیں، اور ان کی حوصلہ افزائی و مدد ضلع کونسل بدین کی اولین ترجیحات میں شامل ہے ڈاکٹر مرتضیٰ آرائیں نے بھی خطاب کرتے ہوئے تعلیم کو سماجی بہتری کی بنیاد قرار دیا۔
محکمہ تعلیم میں جعلی ڈگریوں پر بھرتی ہونے والوں کیخلاف احتجاج
حیدرآباد(اسٹاف رپورٹر)) محکمہ تعلیم میں مبینہ جعلی بھرتیوں کے خلاف حیدرآباد پریس کلب کے سامنے دوڑ سے تعلق افراد نے احتجاج کیا اس موقع پردوڑ کے رہائشی محمد یونس نے الزام لگایا کہ محکمہ تعلیم نے پنجاب کے شہر اوکاڑہ کے رہائشی سہیل احمد جی ایس ٹی اور پنجاب کے رہائشی رمشاگل ایچ ایس ٹی کو مبینہ جعلی ڈومیسائل پر بھرتی کیا ہے۔ انہوں نے کہا کہ جعلی بھرتیوں کے خلاف محکمہ تعلیم سمیت اعلیٰ حکام کو ثبوت کے ساتھ خط لکھ چکے ہیں لیکن کوئی ان کے خلاف کارروائی کرنے کو تیار نہیں۔
ذریعہ
ذریعہ: Jasarat News
کلیدی لفظ: محکمہ تعلیم
پڑھیں:
کراچی ایئرپورٹ پر جعلی یو اے ای ورک ویزا فراڈ بے نقاب، مسافر آف لوڈ
مسافر کے مطابق اس نے ویزا اور سفری دستاویزات کے حصول کیلئے ایجنٹ کو 3 لاکھ 80 ہزار روپے ادا کیے تھے۔ اسلام ٹائمز۔ ایف آئی اے امیگریشن نے دبئی جانے والے مسافر سید ظل اللہ احسان الزمان کو جعلی یو اے ای ریزیڈنس، ورک ویزا پر سفر کی کوشش کے دوران آف لوڈ کر دیا۔ ترجمان ایف آئی اے کے مطابق دورانِ بورڈنگ عملے کو ٹکٹ کی تفصیلات ایئرلائن سسٹم میں نہ ملنے پر مسافر کو مزید جانچ کیلئے روکا گیا، تفصیلی جانچ کے دوران پیش کردہ یو اے ای ورک ویزا جعلی اور بوگس پایا گیا۔ ابتدائی تحقیقات میں مسافر نے انکشاف کیا کہ اس نے سوشل میڈیا کے ذریعے رابطہ کرنے والے ایجنٹ ملک شہباز اعوان سے بیرون ملک ملازمت کے انتظامات کروائے تھے، مذکورہ ایجنٹ مبینہ طور پر ’’مَلک اوورسیز‘‘ کے نام سے جوہرآباد، خوشاب میں کام کر رہا ہے۔
مسافر کے مطابق اس نے ویزا اور سفری دستاویزات کے حصول کیلئے ایجنٹ کو 3 لاکھ 80 ہزار روپے ادا کیے تھے۔ ادائیگیاں مختلف جاز کیش اور بینک اکاؤنٹس میں منتقل کی گئیں۔ مسافر نے مؤقف اختیار کیا کہ اسے ویزا کے جعلی ہونے کا علم نہیں تھا اور وہ خود بھی ویزا فراڈ کا شکار ہوا ہے۔ ترجمان ایف آئی اے کے مطابق مسافر کو تمام متعلقہ دستاویزات سمیت مزید قانونی کارروائی اور تحقیقات کیلئے ایف آئی اے اینٹی ہیومن ٹریفکنگ سرکل کراچی منتقل کر دیا گیا ہے۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ