نرسنگ کے شعبے میں افرادی قوت کی شدید قلت کا سامنا ہے‘ناصر شاہ
اشاعت کی تاریخ: 6th, December 2025 GMT
data-id="863a0a8" data-element_type="widget" data-widget_type="theme-post-content.default">
کراچی(پ ر)اعلی و ارفع مقصد پر وقف ادارے اور شخصیات قومی اثاثہ ہوتے ہیں۔ تعلیم اور صحت بنیادی ضرورت ہوتی ہے اور کسی بھی معاشرے کی زندگی اور کامیابی کی ضمانت ہیں۔ ان خیالات کا اظہار صوبائی وزیر سید ناصر حسین شاہ نے کھارادر جنرل ہسپتال اسکول آف نرسنگ کے پہلے کانووکیشن تقریب سے خطاب کرتے ہوئے کیا۔ انہوں نے مزید کہا کہ کھارادر جنرل ہسپتال کی لیاری اور اس سے ملحقہ ضرورت مند آبادی کی سو سال سے زائد معیاری طبی خدمات مستقل مزاجی، اخلاص اور نیک نیتی کی روشن مثال ہے۔انہوں نے کہا کے تعلیم بالخصوص نرسنگ کے شعبے میں افرادی قوت کی شدید قلت کا سامنا ہے اس باوقار اور مقدس پیشے سے وابستہ ہو کر نہ صرف قیمتی جانوں کو بچایا جا سکتا ہے بلکہ انسانی زندگی میں آسانی لائی جا سکتی ہے۔ اس موقع پر کھارادر جنرل ہسپتال کے صدر،انسان دوست اور معروف صنعتکار محمد بشیر جان محمد نے کہا کہ تعلیم اور صحت کے شعبے کو پروان چڑھانا ہماری قومی زمہ داری ہے۔ انہوں نے کہا کھارادر جنرل ہسپتال ہر سال لاکھوں زندگیوں کو بچانے اور ان زندگیوں میں بہتری لانے کا اہم فریضہ انجام دے رہا ہے۔ اس کے ساتھ کھارادر جنرل ہسپتال اسکول آف نرسنگ کے ہزاروں گریجویٹس شعبہ صحت میں اپنا اہم کردار ادا کر رہے ہیں۔ کھارادرجنرل ہسپتال کے چیئر مین معروف کمیونٹی ڈیولپمنٹ لیڈر، ستارہ امتیاز پروفیسر عبدالغفار بلو نے کہا کہ آج کی کانووکیشن کی تقریب خوشی، امید اور روشن مستقبل کی نوید ہے۔ آج کے گریجویٹس کل کے مسیحا ہوں گے۔ اور انسانی زندگیوں کو بچانے کا فر یضہ انجام دیں گے۔ اس موقع پر ملائیشین قونصل جنرل ہرمین دائنتا احمد نے کہا کہ کھارادر جنرل ہسپتال اسکول آف نرسنگ جدید تعلیم، اعلی تربیت اور تحقیقی رجحانات کو فروغ دے کر بہترین پروفیشنل معاشرے کو دے رہا ہے۔
ذریعہ
ذریعہ: Jasarat News
کلیدی لفظ: کھارادر جنرل ہسپتال نرسنگ کے کہا کہ نے کہا
پڑھیں:
بلاول بھٹو زرداری کی فیلڈ مارشل کی امن کوششوں کیلئے دعا
گلگت: بلاول بھٹو زرداری نے کہا ہے کہ وہ دعا گو ہیں کہ جنگ کے خاتمے کے لیے فیلڈ مارشل کی کوششیں کامیاب ہوں کیونکہ خطے اور دنیا میں امن کا قیام وقت کی اہم ضرورت ہے۔
گلگت بلتستان میں انتخابی جلسے سے خطاب کرتے ہوئے بلاول بھٹو زرداری نے کہا کہ ایران میں ایک اسکول پر میزائل حملے کے نتیجے میں معصوم بچوں کی شہادت افسوسناک ہے۔ ان کا کہنا تھا کہ جنگ کا بوجھ صرف متاثرہ ممالک ہی نہیں بلکہ دنیا بھر کے عوام اٹھا رہے ہیں، اس لیے امن کی تمام کوششوں کا کامیاب ہونا ضروری ہے۔
پیپلز پارٹی کے چیئرمین نے کہا کہ ملک میں کوئی ایسا سیاستدان نہیں جس نے ان کی طرح ملک کے مختلف علاقوں کا دورہ کیا ہو۔ انہوں نے دعویٰ کیا کہ وہ گلگت بلتستان کی ہر تحصیل تک پہنچے ہیں اور عوام کے مسائل سے بخوبی آگاہ ہیں۔
انہوں نے بینظیر انکم سپورٹ پروگرام (بی آئی ایس پی) کا ذکر کرتے ہوئے کہا کہ یہ ملک کا واحد ایسا فلاحی پروگرام ہے جو براہِ راست غریب عوام تک پہنچتا ہے۔ ان کے مطابق اس پروگرام کے خلاف کی جانے والی تمام سیاسی سازشیں ناکام ہوں گی۔
بلاول بھٹو نے کہا کہ پاکستان کے دفاع کو مضبوط بنانے میں ذوالفقار علی بھٹو اور شہید بینظیر بھٹو کا تاریخی کردار رہا ہے۔ انہوں نے زور دیا کہ ملک کو دفاعی اور معاشی دونوں لحاظ سے مضبوط ہونا چاہیے اور ایسی معاشی پالیسی اختیار کی جانی چاہیے جس سے عام آدمی کو فائدہ پہنچے۔
انہوں نے گلگت بلتستان کے عوام کو یقین دلایا کہ پیپلز پارٹی مقامی لوگوں کو ان کے وسائل پر حق ملکیت دلانے کے لیے کام کرے گی۔ ان کا کہنا تھا کہ ترقیاتی منصوبوں میں مقامی آبادی کو حصہ دار بنایا جانا چاہیے تاکہ ترقی کے ثمرات سب سے پہلے مقامی لوگوں تک پہنچ سکیں۔
چیئرمین پیپلز پارٹی نے کہا کہ اگر عوام نے انتخابات میں ان کی جماعت پر اعتماد کیا تو گلگت بلتستان میں صحت، تعلیم اور دیگر بنیادی سہولیات کی فراہمی کو مزید بہتر بنایا جائے گا۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ