پاکستانیوں کا معیشت پر اعتماد کم سطح پر برقرار، مہنگائی اور بے روزگاری سب سے بڑے مسائل
اشاعت کی تاریخ: 6th, December 2025 GMT
اسلام آباد:
پاکستان میں معاشی صورتحال کے حوالے سے عوامی اعتمادکم سطح پربرقرار ہے،جبکہ ذاتی مالی حالات کے متعلق امید میں نمایاں اضافہ دیکھاگیاہے۔ یہ بات آئیپسوس کے جاری چوتھی سہ ماہی2025 کے کنزیومرکانفیڈنس انڈیکس سروے میں سامنے آئی ہے۔
سروے کے مطابق صرف 18 فیصد پاکستانی معیشت کومضبوط سمجھتے ہیں،جبکہ صرف ہر 5میں سے ایک شہری ملک کی معاشی حالت کو بہتر تصورکرتاہے۔ اسی طرح صرف 16 فیصد لوگ مستقبل میں سرمایہ کاری کیلیے پْراعتماد ہیں، مرد، نوجوان اور خوشحال طبقہ نسبتاً زیادہ پْراعتمادپایاگیا۔
آئیپسوس نے سروے ایسے وقت میں جاری کیاہے جب گورنر اسٹیٹ بینک جمیل احمدنے حال ہی میں کہاتھاکہ موجودہ معاشی نموکاماڈل 25 کروڑ آبادی کابوجھ نہیں اٹھاسکتا۔ اسی طرح ایس آئی ایف سی کے کوآرڈینیٹر لیفٹیننٹ جنرل سرفراز احمدنے بھی اعتراف کیاکہ ملک کے پاس کوئی واضح "گروتھ پلان" موجودنہیں ہے۔
رپورٹ کے مطابق مجموعی اعتمادمیں معمولی بہتری آئی ہے، لیکن یہ اب بھی پاک بھارت تنازع کے بعد پیداہونیوالی عارضی لہرکے مقابلے میں کم ہے اور صرف تنازع سے پہلے کی سطح تک پہنچ سکاہے۔ سروے میں یہ بھی بتایاگیاکہ 89 فیصد پاکستانی گھریلوخریداری میں خودکو غیر مطمئن محسوس کرتے ہیں، تاہم خیبر پختونخواکے شہری نسبتاً زیادہ پْراعتماد ہیں، جہاں یہ شرح 18 فیصدہے،جبکہ ملک کے دیگر حصوں میں یہ اوسط 10 فیصدکے قریب ہے۔
آئیپسوس کے ایم ڈی عبدالستار بابرکے مطابق مہنگائی پر اب بھی عوام کی سب سے بڑی تشویش ہے،گزشتہ سہ ماہی کے مقابلے میں اسکی اہمیت میں 6 فیصداضافہ ہواہے، عوام بڑی خریداریوں کے معاملے میں بھی غیر یقینی کاشکار ہیں ۔ رپورٹ کامثبت پہلو یہ ہے کہ ذاتی مالی امیددوسہ ماہیوں سے تاریخی سطح پر پہنچ چکی ہے،خصوصاً نوجوانوں کی جانب سے سب سے زیادہ مالی بہتری کی توقع کی جا رہی ہے۔
ملک کی سمت کے بارے میں 3 میں سے 1 پاکستانی سمجھتاہے کہ پاکستان درست سمت میں جارہاہے۔ پنجاب، دیہی علاقوں، مردوں اور خوشحال طبقے میں یہ اعتمادزیادہ پایاگیا،پاک بھارت تنازع کے بعداعتمادمیں اچانک اضافہ ہواتھا،جودوبارہ پری کانفلکٹ سطح پر واپس آچکاہے۔ سروے کے مطابق ہر تین میں سے ایک پاکستانی آئندہ چھ ماہ میں معیشت کے مضبوط ہونے کی امیدرکھتاہے،جبکہ سندھ اس حوالے سے سب سے زیادہ مایوس صوبہ قرار دیاگیا۔
ذاتی مالی حالت کے بارے میں دو میں سے ایک کے قریب پاکستانی چھ ماہ میں بہتری کی امید ظاہرکر رہے ہیں،روزگارکے تحفظ کے حوالے سے بھی بہتری سامنے آئی ہے، 22 فیصد پاکستانی اپنی نوکری کومحفوظ سمجھتے ہیں۔
.ذریعہ: Express News
کلیدی لفظ: کے مطابق
پڑھیں:
اسٹاک ایکسچینج میں مثبت رجحان برقرار، انڈیکس میں 892 پوائنٹس کا اضافہ
پاکستان اسٹاک ایکسچینج میں جمعہ کو مثبت رجحان دیکھا گیا، جہاں کے ایس ای 100 انڈیکس نے تجارتی سیشن کے دوسرے نصف حصے میں تقریباً 900 پوائنٹس کا اضافہ ریکارڈ کیا۔
شام 4:10 بجے، انڈیکس 167,176.11 پوائنٹس پر تھا، جو 892.56 پوائنٹس یعنی 0.54 فیصد کا اضافہ ظاہر کرتا ہے۔
یہ بھی پڑھیں: پاکستان اسٹاک مارکیٹ کی تاریخی بلندی کا ملک کی معیشت سے کتنا تعلق ہے؟
اہم شعبوں میں یکساں خریداری کا رجحان دیکھا گیا، جن میں آٹو موبائل اسمبلرز، سیمنٹ، کھاد، کمرشل بینک، تیل و گیس کی کھوج کرنے والی کمپنیز، آئل مارکیٹنگ کمپنیز اور بجلی پیدا کرنے والی کمپنیاں شامل ہیں۔
Market is up at midday ????
⏳ KSE 100 is positive by +1078.03 points (+0.65%) at midday trading. Index is at 167,361.59 and volume so far is 120.37 million shares (12:00 PM) pic.twitter.com/9cyPI8bKEL
— Investify Pakistan (@investifypk) December 5, 2025
یہ مثبت رجحان اس وقت آیا جب سعودی عرب کی جانب سے سعودی فنڈ فار ڈویلپمنٹ نے 8 دسمبر 2025 کو میچور ہونے والی 3 ارب ڈالر کی جمع پونجی کی مدت ایک سال کے لیے بڑھا دی۔
اسٹیٹ بینک نے ایک بیان میں کہا کہ جمع پونجی کی مدت میں توسیع پاکستان کے زر مبادلہ کے ذخائر کو مستحکم کرنے اور ملکی اقتصادی ترقی میں مدد فراہم کرے گی۔
مزید پڑھیں: اسٹاک ایکسچینج میں تیزی برقرار، انڈیکس میں 900 سے زائد پوائنٹس کا اضافہ
مزید برآں، صدر مملکت آصف زرداری نے جمعرات کو وزیراعظم شہباز شریف کی سمری کی منظوری دی، جس کے تحت چیف آف آرمی اسٹاف فیلڈ مارشل سید عاصم منیر کو 5 سالہ مدت کے لیے ملک کا پہلا چیف آف ڈیفنس فورسز مقرر کیا گیا۔
جمعرات کو بھی پی ایس ایکس میں مستحکم بحالی دیکھی گئی، جہاں دوبارہ خریداری نے اہم انڈیکسز کو سہارا دیا اور مارکیٹ نے ایک دن پہلے کے بھاری ادارہ جاتی فروخت کے بعد اپنی پوزیشن بحال کی۔
گزشتہ روز کے ایس ای 100 انڈیکس 166,283.55 پوائنٹس پر بند ہوا، جو 138.20 پوائنٹس یعنی 0.08 فیصد کا اضافہ تھا۔
مزید پڑھیں: دسمبر کے پہلے سیشن میں اسٹاک مارکیٹ کا مضبوط آغاز، اہم سیکٹرز میں خریداری
عالمی سطح پر، جمعہ کو جاپان کا نکی 225 مندی میں رہا اور ہفتے کے دوران حاصل شدہ منافع ختم ہوگیا، جبکہ ایشیا کے دیگر حصوں میں بھی کارکردگی سست رہی۔
جاپان میں افراط زر کے اثرات نمایاں ہوئے اور بینک آف جاپان کے ممکنہ سود کی شرح میں اضافے کی توقعات بڑھیں۔
نکی 225 میں 1.5 فیصد کی کمی ہوئی، جبکہ جاپان کے علاوہ ایشیا پیسفک کے حصص کا ایم ایس سی آئی انڈیکس 0.1 فیصد نیچے آیا، تاہم ہفتہ وار بنیاد پر 0.5 فیصد کا اضافہ ریکارڈ ہوا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
انڈیکس پاکستان اسٹاک ایکسچینج سیمنٹ فرٹیلائزر
پولیس کی زیر حراست تشدد اور ماورائے عدالت قتل پر سپریم کورٹ کا تاریخی فیصلہ