ایران: حجاب کیخلاف مظاہروں پر کریک ڈاؤن کرنے والے ایرانی مشیر کی بیٹی کی مغربی لباس میں ویڈیو پر تنازع
اشاعت کی تاریخ: 22nd, October 2025 GMT
ایران میں سپریم لیڈر آیت اللہ علی خامنہ ای کے قریبی ساتھی علی شمخانی کی بیٹی کی شادی کی ویڈیو نے ملک بھر میں تنازع کھڑا کر دیا ہے۔
ویڈیو میں ان کی بیٹی فاطمہ ایک بغیر آستینوں کے مغربی طرز کے شادی کے لباس میں نظر آتی ہیں، جبکہ کئی خواتین، بشمول شمخانی کی اہلیہ، بغیر حجاب کے دکھائی دیتی ہیں۔
یہ بھی پڑھیے: ایران میں حجاب قوانین کی خلاف ورزی پر ایک بار پھر ملک گیر کریک ڈاؤن شروع
شمخانی، جو سابق قومی سلامتی کونسل کے سربراہ اور خامنہ ای کے مشیر ہیں، وہی اہلکار ہیں جنہوں نے 2022 میں حجاب کے خلاف مظاہروں کے دوران سخت کارروائی کی قیادت کی تھی۔ سوشل میڈیا پر ایرانی صارفین نے اسے دوغلا پن قرار دیا۔ جلاوطن صحافی ماسیح علی نژاد نے کہا کہ یہی نظام خواتین کو بال دکھانے پر مارتا ہے اور خود محلوں میں مغربی انداز کی تقریبات مناتا ہے۔
حتیٰ کہ پاسدارانِ انقلاب سے منسلک خبر ایجنسی تسنیم نے بھی تنقید کرتے ہوئے کہا کہ اسلامی جمہوریہ کے حکام کا طرزِ زندگی قابلِ دفاع ہونا چاہیے۔
یہ بھی پڑھیے: حجاب کی خلاف ورزی: ایرانی ایتھلیٹکس فیڈریشن کے سربراہ مستعفی ہونے پر مجبور
شمخانی نے الزام لگایا کہ یہ ویڈیو اسرائیل نے لیک کی ہے، جبکہ سابق وزیر عزت اللہ ضرغامی نے ان کا دفاع کرتے ہوئے کہا کہ تقریب خواتین کے لیے مخصوص تھی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
iran hijab ایران حجاب.ذریعہ: WE News
کلیدی لفظ: ایران
پڑھیں:
پنجاب میں ون ڈش کی خلاف ورزی، کریک ڈاؤن کا فیصلہ
وزیراعلیٰ پنجاب مریم نواز - فوٹو: فائلوزیراعلیٰ پنجاب مریم نواز کے زیر صدارت اجلاس ہوا جس میں صوبے بھر میں شادیوں میں ون ڈش کی خلاف ورزی اور لاؤڈ اسپیکر کے غیر ضروری استعمال سے متعلق کریک ڈاؤن کا فیصلہ کیا گیا ہے۔
وزیراعلیٰ پنجاب مریم نواز نے تمام کمشنرز اور ڈپٹی کمشنرز کو ون ڈش کی پابندی یقینی بنانے کا حکم دے دیا ہے۔
اس کے ساتھ ساتھ وزیراعلیٰ نے شادیوں اور تقریبات میں بلند آہنگ میوزک پر سخت کارروائی کی ہدایت کی ہے اور تقریبات میں لاؤڈ اسپیکر کے غیر قانونی استعمال پر قانونی کارروائی کا حکم دے دیا ہے۔
وزیراعلیٰ نے فارم ہاؤس اور گراؤنڈز میں بھی لاؤڈ اسپیکر کے غیر قانونی استعمال پر پابندی کےلیے اقدامات کی ہدایت کی ہے۔
اجلاس کے دوران فارم ہاؤس اور گراؤنڈز میں بھی ون ڈش پر پابندی یقینی بنانے کا اصولی فیصلہ کیا گیا ہے جبکہ میرج ہالز کےلیے مقررہ اوقات کار کی پابندی کی مانیٹرنگ کی ہدایت کی گئی ہے۔
پیپلز پارٹی پنجاب سے متعلق اپنی کوتاہی تسلیم کرے: اعتزاز احسن