کراچی میں 22 ویں ہیلتھ ایشیا نمائش: متعدد ممالک پاکستان میں سرمایہ کاری کے لیے پرعزم
اشاعت کی تاریخ: 25th, October 2025 GMT
کراچی میں جاری 22 ویں ہیلتھ ایشیا نمائش عالمی سطح پر شعبہ صحت میں نئے تعاون اور جدت کی بنیاد رکھ رہی ہے، اور اس ایونٹ میں شرکت کرنے والے غیر ملکی مندوبین نے پاکستان کے شعبہ صحت میں سرمایہ کاری کے لیے اپنی دلچسپی کا اظہار کیا ہے۔
پاکستان کا سب سے بڑا بین الاقوامی ہیلتھ ایونٹ کامیابی سے جاری ہے، جس میں دنیا بھر سے شرکاء شرکت کر رہے ہیں۔ اس نمائش کا مقصد نہ صرف شعبہ صحت میں جدید ترین ٹیکنالوجیز اور مصنوعات کو متعارف کرانا ہے بلکہ عالمی سطح پر پاکستان کی صحت کے نظام میں سرمایہ کاری کی اہمیت کو اجاگر کرنا بھی ہے۔
ایک روسی مندوب نے اس موقع پر کہا کہ یہ نمائش پاکستان کے تاجروں کے ساتھ اپنے تعلقات کو مزید مستحکم کرنے اور کاروباری مواقع کو بڑھانے کا بہترین پلیٹ فارم ہے۔ ان کا کہنا تھا کہ روس کی 14 کمپنیوں کو پاکستان میں متعارف کرانے اور ممکنہ کاروباری شراکت داروں سے تعلقات استوار کرنے کے لیے وہ یہاں موجود ہیں۔
دوسری جانب، چینی مندوب نے اس نمائش کے حوالے سے کہا کہ پاکستان چینی کاروباری اداروں کے لیے ایک نہایت اہم مارکیٹ ہے، یہی وجہ ہے کہ ہم اس نمائش میں شرکت کر رہے ہیں۔ ان کا کہنا تھا کہ پاکستان میں صحت کے شعبے میں سرمایہ کاری کے بے شمار مواقع ہیں اور وہ اس نمائش کے ذریعے ان مواقع کا فائدہ اٹھانے کے لیے پرعزم ہیں۔
ذریعہ: Daily Mumtaz
کلیدی لفظ: میں سرمایہ کاری کے لیے
پڑھیں:
شعبہ صحت میں سرمایہ کاری سے متعلق رکاوٹیں دور کی جائیں، وزیراعظم کی ہدایت
وزیراعظم پاکستان شہباز شریف نے اقتصادی امور ڈویژن کو ہدایت کی ہے کہ امریکا میں مقیم پاکستانی نژاد ڈاکٹرز کی جانب سے پاکستان کے شعبہ صحت میں سرمایہ کاری سے متعلق تمام رکاوٹیں دور کی جائیں، اور ڈاکٹرز کے ساتھ مل کر صحت کے شعبے میں سرمایہ کاری کا قابلِ عمل روڈ میپ تیار کرکے پیش کیا جائے۔
اسلام آباد میں وزیراعظم شہباز شریف سے امریکا میں مقیم پاکستانی نژاد ڈاکٹرز کے وفد نے ملاقات کی، جس میں وفد نے پاکستان کے صحت کے شعبے کی بہتری کے لیے وزیرِ اعظم کی قیادت کو خراجِ تحسین پیش کیا اور ملک میں سرمایہ کاری میں گہری دلچسپی ظاہر کی۔
وزیرِ اعظم محمد شہباز شریف سے امریکہ میں مقیم پاکستانی نژاد ڈاکٹرز کے وفد کی ملاقات
امریکہ میں مقیم پاکستانی ڈاکٹرز کا وزیرِ اعظم کی قیادت میں پاکستان کے صحت کے شعبے کی ترقی پر وزیرِ اعظم کو خراج تحسین، پاکستان میں سرمایہ کاری میں گہری دلچسپی کا اظہار.
وزیرِ اعظم کی اقتصادی… pic.twitter.com/vzW5NdMAE9
— PTV News (@PTVNewsOfficial) December 8, 2025
وفد نے اس اعتماد کا اظہار کیاکہ موجودہ حکومت کی ترجیحات اور اصلاحات سے پاکستان کا ہیلتھ سیکٹر مثبت سمت میں آگے بڑھ رہا ہے اور وہ پاکستان میں جدید طبی سہولیات کے فروغ کے لیے اپنا کردار ادا کرنا چاہتے ہیں۔
ڈاکٹر سمیر شفیع کی سربراہی میں آنے والے وفد میں ڈاکٹر جواد شاہ، ڈاکٹر تجمل حسین، ڈاکٹر نعمان حیدر اور سماجی رہنما رانا زاہد امیر شامل تھے۔
ملاقات میں چیئرمین وزیرِاعظم یوتھ پروگرام رانا مشہود احمد اور ڈاکٹر سعید اختر بھی شریک ہوئے۔
وزیراعظم نے وفد سے گفتگو میں کہاکہ بیرون ملک مقیم پاکستانی ماہرینِ طب ملک کے لیے قیمتی اثاثہ ہیں، اور حکومت ان کے تجربات اور سرمایہ کاری کو سہولت دینے کے لیے پوری طرح پُرعزم ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews امریکی ڈاکٹرز سرمایہ کاری شعبہ صحت شہباز شریف وزیراعظم پاکستان وفد ملاقات وی نیوز
چین نے نیا سستا ترین ہائپرسونک میزائل متعارف کر کے دفاعی مارکیٹ میں ہلچل مچا دی