پاکستان میں امریکی سرمایہ کاروں کے لئے زبردست کاروباری مواقع ہیں: رضوان سعید
اشاعت کی تاریخ: 7th, December 2025 GMT
پاکستان میں امریکی سرمایہ کاروں کے لئے زبردست کاروباری مواقع ہیں: رضوان سعید WhatsAppFacebookTwitter 0 7 December, 2025 سب نیوز
نیویارک: (آئی پی ایس) امریکا میں پاکستانی سفیر رضوان سعید شیخ نے کہا ہے کہ پاکستان میں امریکی سرمایہ کاروں کیلئے زبردست کاروباری مواقع موجود ہیں۔
ان خیالات کا اظہار رضوان سعید شیخ نے ییل سکول آف مینجمنٹ کے ایک وفد سے ملاقات کے دوران کیا۔
انہوں نے کہا کہ پاکستان امریکی کاروباری برادری اور سرمایہ کاروں کیلئے آئی ٹی، توانائی اور معدنیات جیسے شعبوں میں زبردست منافع بخش مواقع فراہم کرتا ہے، سرمایہ کاروں اور 250 ملین کی ایک متحرک مارکیٹ کا فائدہ اٹھانے والے خواہشمند کاروباری افراد اور سرمایہ کاروں کیلئے ایک سازگار اور سرمایہ کار دوست ماحول فراہم کرنے کیلئے پوری طرح سے پرعزم ہیں۔
ان کا کہنا تھا کہ تذویراتی طور پر پاکستان جنوبی ایشیا، وسطی ایشیا اور مشرق وسطیٰ کے سنگم پر واقع ہے اور ہمارا ملک ایک اہم تجارتی راہداری فراہم کرتا ہے جو امریکی کاروباری اداروں کو توانائی سے مالا مال وسطی ایشیائی منڈیوں اورسرمایے کی حامل خلیجی ریاستوں سے رابطے کی پیشکش کرتا ہے۔
رضوان سعید شیخ نے حالیہ دور میں پاک امریکا تعلقات میں ہونے والی مثبت پیش رفت خصوصاً تجارت اور سرمایہ کاری کو مضبوط بنانے کیلئے جاری کوششوں کو اجاگر کیا۔
انہوں نے اس بات پر زور دیا کہ پاکستان نے سیاحت، زراعت، توانائی، مینوفیکچرنگ اور انفارمیشن ٹیکنالوجی کے شعبوں میں قابل قدر مواقع موجود ہیں، اس تناظر میں انہوں نے لاگت اور کوالٹی کے ضمن پاکستان کے تقابلی فوائد کو اجاگر کیا۔
سفیر پاکستان نے ملک کے ٹیک سیوی (ٹیکنالوجی کے ماہر) نوجوانوں کو ، جو ملکی آبادی کا سب سے بڑاحصہ ہیں، کو ایک اہم قومی اثاثہ قرار دیتے ہوئے زور دیا کہ پاکستان کی باصلاحیت افرادی قوت امریکی مارکیٹ کی بڑھتی ہوئی ضروریات خاص طور پر کاروبار اور ٹیک انٹرپرینیورز کی ڈیمانڈ کو پورا کر سکتی ہے۔
رضوان سعید شیخ نے کاروبار میں آسانیاں پیدا کرنے اور غیر ملکی سرمایہ کاری کو راغب کرنے کیلئے حکومت پاکستان کی طرف سے کئے گئے مختلف پالیسی اقدامات خصوصاً ایس آئی ایف سی کے کردار کا خصوصی ذکر کیا۔
انہوں نے کہا کہ پاکستان میں 80 سے زائد امریکی کمپنیوں کی کامیابی ملک کی وسیع اقتصادی صلاحیت کی گواہی دیتی ہے۔
سفیر پاکستان نے یونائیٹڈ سٹیٹس پاکستان بزنس الائنس کی طرف سے ییل وفد کے دورے کے انتظام کا خیرمقدم کیا اور دورے کے دوران سفارت خانے کی جانب سے مکمل تعاون اور سہولت کاری کا یقین دلایا۔
اس موقع پر ییل سکول آف مینجمنٹ کے وفد نے بریفنگ پر سفیر پاکستان کا شکریہ ادا کیا۔
روزانہ مستند اور خصوصی خبریں حاصل کرنے کے لیے ڈیلی سب نیوز "آفیشل واٹس ایپ چینل" کو فالو کریں۔
WhatsAppFacebookTwitter پچھلی خبروزیراعظم اور چیف آف ڈیفنس فورسز ملکی ترقی کیلئے دن رات کوشاں ہیں: علی پرویز ملک وزیراعظم اور چیف آف ڈیفنس فورسز ملکی ترقی کیلئے دن رات کوشاں ہیں: علی پرویز ملک دہشت گرد قوم پر اپنا نظام مسلط نہیں کر سکتے، فوج کے ساتھ ہیں: وزیراعلیٰ بلوچستان موٹروے پولیس کی دھند کے موسم کیلئے ٹریول ایڈوائزری جاری حماس نے اسرائیل کے خلاف ہتھیار پھینکنے پر مشروط آمادگی ظاہر کر دی آئی ایم ایف ایگزیکٹو بورڈ کا اجلاس طلب، پاکستان کیلئے 1.2 ارب ڈالر کی منظوری متوقع الیکشن کمیشن نے بیرسٹر گوہر کو چیئرمین پی ٹی آئی تسلیم کرنے سے انکار کر دیا
Copyright © 2025, All Rights Reserved
رابطہ کریں ہماری ٹیم
ذریعہ
ذریعہ: Daily Sub News
کلیدی لفظ: رضوان سعید شیخ نے سرمایہ کاروں پاکستان میں کہ پاکستان اور سرمایہ انہوں نے
پڑھیں:
دوسرا ون ڈے: آسٹریلیا نے پاکستان کو جیت کیلئے 232 رنز کا ہدف دے دیا
تین ایک روزہ میچوں کی سیریز کے دوسرے میچ میں آسٹریلیا نے پاکستان کو جیت کے لیے 232 رنز کا ہدف دے دیا۔لاہور کے قذافی اسٹیڈیم میں کھیلے جارہے میچ میں پاکستان کے کپتان شاہین آفریدی نے ٹاس جیت کر آسٹریلیا کو پہلے بیٹنگ کی دعوت دی۔مہمان ٹیم نے پہلےکھیلتے ہوئے مقررہ 50 اوورز میں 9 وکٹ پر 231 رنز اسکور کیے۔آسٹریلیا کی جانب سے کیمرون گرین 53، جوش انگلس 51 اور میٹ رنشا 43 رنز بنا کر نمایاں رہے۔پاکستان کی جانب سے کپتان شاہین آفریدی نے 3 جب کہ حارث رؤف ، عرفات منہاس اور ابرار احمد نے 2،2 وکٹیں حاصل کیں۔پاکستان نے آسٹریلیا کے خلاف پہلا ون ڈے جیتنے والی ٹیم کو ہی برقرار رکھا ہے۔خیال رہے کہ پہلے ایک روزہ میچ میں پاکستان نے آسٹریلیا کو 5 وکٹ سے شکست دی تھی، تین ایک روزہ میچوں کی سیریز میں پاکستان کو ایک صفر کی برتری حاصل ہے۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ