عمران خان کی رہائی مشروط، محاذ آرائی کی پالیسی بدلے بغیر 2026 تک جیل میں رہنے کے امکانات
اشاعت کی تاریخ: 25th, October 2025 GMT
پی ٹی آئی کے اندرونی ذرائع کے مطابق، اگر کوئی معجزہ نہ ہوا، کوئی سیاسی ڈیل نہ ہوئی، یا عدالتوں سے غیر متوقع ریلیف نہ ملا تو سابق وزیرِاعظم عمران خان کے جلد رہائی کے امکانات نہ ہونے کے برابر ہیں، اور وہ 2026 تک یا ممکنہ طور پر اس کے بعد بھی جیل میں رہ سکتے ہیں۔
پارٹی کے سخت گیر عناصر اب بھی محاذ آرائی کی پالیسی پر قائم ہیں، لیکن پارٹی کے تحمل مزاج رہنما عمران خان کی موجودہ صورتحال پر شدید تشویش کا اظہار کر رہے ہیں۔ ان کے مطابق، جب تک یہ تصادم ختم نہیں ہوتا، عمران خان کی رہائی ممکن نہیں۔
ذرائع کا کہنا ہے کہ عمران خان اور ان کی اہلیہ بشریٰ بی بی کے خلاف زیر سماعت مقدمات اور دی گئی سزاؤں کی نوعیت پیچیدہ ہے۔ القادر ٹرسٹ کیس میں انہیں 14 سال قید کی سزا سنائی گئی تھی اور اپیل 31 جنوری 2024 کو دائر کی گئی، مگر اسلام آباد ہائی کورٹ میں تاحال سماعت کے لیے تاریخ مقرر نہیں ہوئی۔
ہائی کورٹ کی جاری کردہ فکسیشن پالیسی کے مطابق، اپیلوں کی سماعت مقدمات کی دائر ہونے کی ترتیب میں کی جاتی ہے، جس میں پرانے اور سنگین مقدمات کو ترجیح دی جاتی ہے۔ اس پس منظر میں، القادر ٹرسٹ کیس پر رواں سال سماعت کے امکانات نہ ہونے کے برابر ہیں۔
پی ٹی آئی ذرائع کے مطابق، پارٹی کے مذاکرات مخالف سخت گیر عناصر نے عمران خان کی قانونی مشکلات مزید بڑھا دی ہیں۔ توشہ خانہ دوم کیس اور 9 مئی کے دیگر مقدمات بھی زیر سماعت ہیں، اور استغاثہ کے قانونی حربے ان مقدمات کو طول دینے کے لیے استعمال ہو سکتے ہیں، جس سے رہائی میں مزید تاخیر ہو سکتی ہے۔
ذرائع کا کہنا ہے کہ حتیٰ کہ اگر عمران خان تمام بڑے مقدمات میں ہائی کورٹ سے بری بھی ہو گئے، تو بھی عدالتی کارروائیوں میں طویل وقت لگے گا۔ اس لیے موجودہ عدالتی اور سیاسی حالات کے پیش نظر، عمران خان کی رہائی 2026 تک یا اس سے آگے تک ممکن نہیں دکھائی دیتی۔
ذریعہ
ذریعہ: Daily Mumtaz
کلیدی لفظ: عمران خان کی کے مطابق
پڑھیں:
صومالی بحری قزاقوں کے ہاتھوں پاکستانیوں کے اغوا کا معاملہ، متاثرہ خاندان کا موقف سامنے آگیا
متاثرہ خاندان نے حکومتِ پاکستان، وزارتِ خارجہ اور متعلقہ اداروں سے اپیل کی ہے کہ مغوی پاکستانیوں کی جلد اور محفوظ رہائی کے لیے مؤثر اقدامات کیے جائیں اور اہلِ خانہ کو صورتحال سے باخبر رکھا جائے۔ اسلام ٹائمز۔ صومالی بحری قزاقوں کے قبضے میں موجود پاکستانی شہریوں کی رہائی سے متعلق معاملے پر متاثرہ خاندان کا موقف سامنے آگیا ہے۔ متاثرہ خاندان نے بعض سفارتی ذرائع سے زیر گردش خبروں کی تردید کرتے ہوئے کہا ہے کہ صومالی بحری قزاقوں نے یرغمالیوں کی رہائی کے لیے کبھی 10 ملین ڈالر کے تاوان کا مطالبہ نہیں کیا۔ خاندان کے مطابق مغوی پاکستانیوں نے خود اطلاع دی ہے کہ بحری قزاق ان کی رہائی کے لیے رقم کا مطالبہ کر رہے ہیں۔ متاثرہ خاندان کا کہنا ہے کہ قزاقوں نے ابتدا میں 3 ملین ڈالر تاوان مانگا تھا جبکہ اب یہ مطالبہ کم کرکے 2.5 ملین ڈالر کردیا گیا ہے۔ خاندان نے مزید کہا کہ میڈیا اور سفارتی ذرائع میں گردش کرنے والی بعض اطلاعات حقائق کے منافی ہیں اور ان کی تصدیق نہیں کی گئی۔
ان کے بقول انہیں اس بات کا بھی کوئی علم نہیں کہ بحری جہاز "آنر 25" کے مالک، صومالیہ کی حکومت اور بحری قزاقوں کے درمیان کس نوعیت کی بات چیت جاری ہے۔ متاثرہ خاندان نے بتایا کہ بحری قزاق مسلسل پاکستانی نیوز چینلز سے براہِ راست بات چیت کی خواہش کا اظہار کر رہے ہیں اور اس حوالے سے بار بار مطالبات بھی سامنے آ رہے ہیں۔ خاندان نے حکومتِ پاکستان، وزارتِ خارجہ اور متعلقہ اداروں سے اپیل کی ہے کہ مغوی پاکستانیوں کی جلد اور محفوظ رہائی کے لیے مؤثر اقدامات کیے جائیں اور اہلِ خانہ کو صورتحال سے باخبر رکھا جائے۔ واضح رہے کہ صومالی بحری قزاقوں کے قبضے میں موجود پاکستانیوں کی رہائی کے حوالے سے مختلف اطلاعات سامنے آ رہی ہیں، تاہم متاثرہ خاندان نے اپنے مقف میں بعض زیر گردش دعوں کی واضح تردید کی ہے۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ