بلدیاتی انتخابات میں فارم 47 کے ذریعے جیتنے نہیں دینگے، پشتونخوا نیپ
اشاعت کی تاریخ: 9th, December 2025 GMT
کوئٹہ میں تقریب سے خطاب کرتے ہوئے پشتونخوا نیپ نے نصراللہ زیرے نے کہا کہ فارم 47 کے ذریعے حکومت کرنیوالے عناصر سمجھتے ہیں کہ انہیں عوامی ووٹ کی ضرورت نہیں، کیونکہ ایجنسیوں اور حکومتی مشینری کی مکمل سرپرستی حاصل ہے۔ اسلام ٹائمز۔ پشتونخوا نیشنل عوامی پارٹی کے صوبائی صدر نصراللہ خان زیرے اور صوبائی ڈپٹی سیکریٹری عبدالرزاق خان بڑیچ نے کہا ہے کہ بلدیاتی ادارے عوامی فلاح و بہبود اور بنیادی سہولیات کی فراہمی کے لیے انتہائی اہمیت کے حامل ہیں۔ اس وقت وزرا اور حکومتی امیدوار سرکاری وسائل کا بے دریغ استعمال کر رہے ہیں، جبکہ الیکشن کمیشن اس کھلی مداخلت پر خاموش تماشائی بنی ہوئی ہے۔ انہوں نے کہا کہ صوبائی حکومت کی سرپرستی میں سرکاری پارٹی نے سول سیکرٹریٹ میں اپنا بلدیاتی انتخابی کنٹرول روم قائم کر رکھا ہے، جو انتخابات کی آزادانہ، غیر جانبدارانہ اور منصفانہ حیثیت کو مکمل طور پر مجروح کرنے کے مترادف ہے۔ اس عمل سے شفاف انتخابات کے تصور کو بری طرح سبوتاژ کیا گیا ہے۔ یہ بات انہوں نے یونین کونسل 44 کے انتخابی دفتر اور یونین کونسل 34 کے علاقے میں منعقد عوامی اجتماعات سے خطاب کرتے ہوئے کہی۔
مقررین نے کہا کہ ہمارا مقابلہ کرپشن، کمیشن خوری اور مافیا سے ہے، جو فارم 47 کے ذریعے حکومت تک پہنچے اور اب اپنے مفادات کی تکمیل کے لیے بلدیاتی اداروں پر قبضہ جمانے کا خواب دیکھ رہے ہیں۔ یہ عناصر سمجھتے ہیں کہ ہمیں عوامی ووٹ کی ضرورت نہیں، کیونکہ ہمیں ایجنسیوں اور حکومتی مشینری کی مکمل سرپرستی حاصل ہے۔ انہوں نے خبردار کیا کہ پشتونخوا نیپ کسی صورت فارم 47 کے کونسلرز کو منتخب نہیں ہونے دے گی اور عوام اپنے آزادانہ اختیار اور مرضی سے اپنے نمائندوں کا انتخاب کریں گے۔ آخر میں انہوں نے الیکشن کمیشن آف پاکستان، صوبائی الیکشن کمشنر، ڈسٹرکٹ الیکشن کمشنر، ڈسٹرکٹ ریٹرننگ افسر اور ریٹرننگ افسران سے مطالبہ کیا کہ سرکاری وسائل کے غلط استعمال میں ملوث وزراء اور ایم پی ایز کے خلاف فوری ایکشن لیا جائے اور انہیں سرکاری مشینری کے ناجائز استعمال سے روکا جائے۔
ذریعہ
ذریعہ: Islam Times
کلیدی لفظ: فارم 47 کے انہوں نے نے کہا
پڑھیں:
سلمان خان بیان، بھارتی طلباء کے احتجاج پر دبنگ خان کی کھل کر حمایت
ممبئی: سلمان خان بیان ایک بار پھر سوشل میڈیا پر موضوعِ بحث بن گیا ہے۔ بالی ووڈ سپر اسٹار سلمان خان نے بھارت میں طلباء کے احتجاج پر ردعمل دیتے ہوئے کہا ہے کہ بہتر تعلیمی نظام کے لیے نوجوانوں کی آواز سنی جانی چاہیے اور اس معاملے کو سیاسی رنگ دینے سے گریز کیا جائے۔
سلمان خان نے اپنے سوشل میڈیا پلیٹ فارم ایکس پر جاری بیان میں کہا کہ ابتدا میں یہ ایک پرامن تحریک تھی، تاہم بعد میں اس کا پرتشدد رخ اختیار کرنا افسوسناک ہے۔ انہوں نے احتجاج کے دوران متاثر ہونے والے طلباء اور ان کے اہل خانہ سے ہمدردی کا اظہار بھی کیا۔
اداکار نے کہا کہ پیپر لیک جیسے معاملات انتہائی سنجیدہ نوعیت کے ہیں اور انہیں فوری توجہ کی ضرورت ہے۔ ان کے مطابق یہ خوش آئند بات ہے کہ طلباء بہتر تعلیمی نظام کے مطالبے کے لیے متحد ہوئے، جبکہ والدین نے بھی ان کی جدوجہد میں بھرپور ساتھ دیا۔
سلمان خان بیان میں مزید کہا گیا کہ طلباء نے اپنے عزم، محنت اور خلوص سے ثابت کیا ہے کہ وہ تعلیم حاصل کر کے ملک کے روشن مستقبل میں کردار ادا کرنا چاہتے ہیں۔ انہوں نے نوجوانوں کے جذبے، ہمت اور تعلیم سے وابستگی کو قابلِ تعریف قرار دیتے ہوئے کہا کہ یہی نسل مستقبل میں ملک کی ترقی میں اہم کردار ادا کرے گی۔
بالی ووڈ اسٹار نے زور دیا کہ طلباء کے مطالبات کو سیاسی تنازع نہ بنایا جائے کیونکہ یہ معاملہ براہِ راست تعلیمی نظام اور طلباء کے مستقبل سے جڑا ہوا ہے۔ انہوں نے امید ظاہر کی کہ حکومت بھی اس معاملے کا مثبت حل نکالے گی اور تعلیمی نظام کو مزید مضبوط بنانے کے لیے مؤثر اقدامات کرے گی۔
سلمان خان نے اپنے پیغام کے اختتام پر دعا کی کہ علم حاصل کرنے والے تمام طلباء اپنی منزل حاصل کریں اور ملک میں ایسا تعلیمی ماحول قائم ہو جہاں میرٹ، شفافیت اور انصاف کو اولین ترجیح دی جائے۔
رمضان میں سحر و افطار کے دوران لوڈشیڈنگ نہ کرنے کا حکم، گیس فراہمی کا بھی اعلان