ٹی20 کرکٹ میں واپسی: بابر اعظم اب کس نمبر پر بیٹنگ کریں گے؟ اعلان ہوگیا
اشاعت کی تاریخ: 26th, October 2025 GMT
پاکستان کے وائٹ بال ہیڈ کوچ مائیک ہیسن نے اعلان کیا ہے کہ بابراعظم کو ٹی20 اسکواڈ میں شامل کرلیا گیا ہے، اور وہ نمبر 3 پر بیٹنگ کریں گے۔
ورلڈ کپ کی تیاریوں سے متعلق گفتگو کرتے ہوئے ہیڈ کوچ نے کہاکہ مختلف آپشنز پر غور کیا جا رہا ہے۔ محمد حارث کو کافی مواقع دیے گئے، لیکن وہ ان سے فائدہ نہیں اٹھا سکے، البتہ وہ کم عمر ہیں اور مزید نکھار کی ضرورت ہے۔
Rawalpindi: White-ball head coach Mike Hesson announced in a press conference that Babar Azam has been included in the T20 squad and will bat at number three.
— Abubakar Bin Tallat (@AbubakarAbbasii) October 26, 2025
سابق کپتان بابر اعظم کے حوالے سے انہوں نے امید ظاہر کی کہ وہ شاندار انداز میں کم بیک کریں گے۔
مائیک ہیسن کے مطابق عثمان خان اسپنرز کے خلاف بہتر کھیل پیش کرتے ہیں، اسی لیے انہیں ٹی20 سیریز میں موقع دیا گیا ہے۔
انہوں نے ایشیا کپ کے فائنل میں شکست پر مایوسی کا اظہار کرتے ہوئے کہا کہ یہ ایک بڑا موقع تھا، جو ضائع کردیا گیا، کئی پہلوؤں میں بہتری کی ضرورت ہے۔
ہیڈ کوچ نے کہاکہ جو کھلاڑی اسکواڈ میں شامل نہیں ہیں، انہیں ملکی کرکٹ پر توجہ دینی چاہیے۔ سفیان مقیم کو فرسٹ کلاس کرکٹ کے لیے واپس بھیج دیا گیا ہے، جبکہ عثمان طارق کو ایک باصلاحیت اسپن بولر کے طور پر دیکھا جا رہا ہے۔
انہوں نے مزید بتایا کہ جنوبی افریقہ کے خلاف سیریز اور آئندہ سہ ملکی سیریز ورلڈ کپ کی تیاریوں کے لیے اہم ثابت ہوں گی۔
ان کا کہنا تھا کہ فخر زمان بدستور ون ڈے ٹیم کا حصہ ہیں، تاہم انہیں اپنی کارکردگی بہتر بنانے کے لیے فرسٹ کلاس کرکٹ میں مزید محنت کرنا ہوگی۔
یہ بھی پڑھیں: بابر اعظم کی جھلک دیکھنے کے لیے دیوار پھلانگ کر ڈریسنگ روم پہنچنے والا نوجوان گرفتار، مقدمہ درج
واضح رہے کہ اس سے قبل سابق کپتان بابر اعظم کو ٹی20 فارمیٹ سے باہر کر دیا گیا تھا، اور وہ ایشیا کپ کے اسکواڈ کا حصہ نہیں تھے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews بابر اعظم بیٹنگ نمبر ٹی20 کرکٹ ٹی20 ورلڈ کپ مائیک ہیسن ہیڈ کوچ واپسی وی نیوز
ذریعہ
ذریعہ: WE News
کلیدی لفظ: بیٹنگ نمبر ٹی20 کرکٹ ٹی20 ورلڈ کپ مائیک ہیسن ہیڈ کوچ واپسی وی نیوز ہیڈ کوچ کے لیے
پڑھیں:
خیبر پختونخوا میں بارشوں اور فلش فلڈز کے حادثات میں 22 افراد جاں بحق
صوبائی ڈیزاسٹر مینجمنٹ اتھارٹی کی جانب سے جاری اعلامیے کے مطاق 19 جولائی سے اب تک خیبرپختونخوا کے مختلف علاقوں میں بارشوں اور فلش فلڈز سے مجموعی طور پر 9 مرد، 10 بچے اور تین خواتین جاں بحق ہوئیں۔ اسلام ٹائمز۔ خیبر پختونخوا میں ہونے والی بارشوں اور فلش فلڈز کے حادثات میں 5 روز کے دوران 22 شہری جاں بحق جبکہ 23 زخمی ہوگئے۔ صوبائی ڈیزاسٹر مینجمنٹ اتھارٹی کی جانب سے جاری اعلامیے کے مطاق 19 جولائی سے اب تک خیبرپختونخوا کے مختلف علاقوں میں بارشوں اور فلش فلڈز سے مجموعی طور پر 9 مرد، 10 بچے اور تین خواتین جاں بحق ہوئیں۔ اعلامیے کے مطابق زخمیں میں 11 مرد، 5 خواتین 7 بچے شامل ہیں جبکہ تیز بارشوں اور فلش فلڈ کے باعث مجموعی طور پر 37 گھروں کو نقصان پہنچا جس میں 29 گھروں کو جزوی جبکہ 8 گھر مکمل منہدم ہوگئے۔ پی ڈی ایم اے کے مطابق حادثات پشاور، نوشہرہ، خیبر، مردان , بونیر، باجوڑ، شانگلہ، صوابی، چترال لوئر، دیر لوئر اور اپر، ایبٹ آباد، مانسہرہ،ہری پور، ٹانک، تور غر اور کرم اور شمالی و جنوبی وزیرستان میں پیش آئے۔
اعلامیے میں بتایا گیا ہے کہ پی ڈی ایم اے، ریسکیو 1122، ضلعی انتظامیہ اور متعلقہ اداراے آپس میں رابطے میں اور امدادی سرگرمیاں جاری رکھے ہوئے ہیں جبکہ متاثرہ اضلاع کی انتظامیہ کو ہدایت کی گئی ہے کہ وہ متاثرین میں جلد امدادی سامان تقسیم کردے۔ ڈی جی پی ڈی ایم اے نے ضلعی انتظامیہ کو امدادی سرگرمیاں تیز کرنے اور متاثرین کو فوری معاونت فراہم کرنے کی ہدایت کی اور بتایا کہ صوبہ کے تمام دریاؤں اور ندی نالوں میں پانی کی سطح اور بہاو معمول کے مطابق ہے۔ پی ڈی ایم اے کے مطابق تیز بارشوں کا یہ سلسلہ آج تک وقفے وقفے سے جاری رہنے کا امکان ہے۔ پی ڈی ایم اے نے عوام سے اپیل کی کہ وہ غیر ضروری سفر سے گریز کریں اور حساس سیاحتی مقامات کا رخ نہ کریں جبکہ حکومتی اداروں کی جانب سے الرٹس/ اور ایڈوائزری پر عمل کریں۔
ڈی جی پی ڈی ایم اے کے مطابق ایمرجنسی آپریشن سینٹر مکمل طور پر فعال ہے، عوام کسی بھی نا خوشگوار واقعے کی اطلاع ، موسمی صورتحال سے آگائی اور معلومات کے لیے فری ہیلپ لائن 1700 پر رابطہ کریں۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار