وزیراعلیٰ خیبرپختونخوا کا سزا یافتہ قیدی سے مطالبے پر اصرار آئین کی خلاف ورزی اور بلیک میلنگ قرار
اشاعت کی تاریخ: 28th, October 2025 GMT
خیبر پختونخوا کے وزیراعلیٰ سہیل آفریدی کی جانب سے ایک سزا یافتہ قیدی سے مشاورت کا مطالبے آئینی اور اخلاقی اصولوں کی کھلی خلاف ورزی ہے۔
وزیراعلیٰ خیبر پختونخوا نے آئین کے تحت یہ حلف اٹھایا تھا کہ وہ ایمانداری، دیانتداری سے اور آئین و قانون کے مطابق اپنے فرائض انجام دیں گے۔ تاہم صوبائی معاملات چلانے سے قبل ایک سزا یافتہ قیدی سے مشاورت کا مطالبہ ان کے اس حلف کی صریح خلاف ورزی تصور کیا جا رہا ہے۔
مزید پڑھیں: خیبرپختونخوا میں کابینہ کی تشکیل، عمران خان نے سہیل آفریدی کو اہم پیغام پہنچا دیا
آئین کے مطابق وزیراعلیٰ کو صوبے کے انتظامی امور خودمختاری کے ساتھ چلانے کا مکمل اختیار حاصل ہے۔ کسی نااہل یا بیرونی شخص سے رہنمائی لینا صوبائی خودمختاری اور آئینی ڈھانچے کو متاثر کرتا ہے۔
ذرائع کے مطابق وزیراعلیٰ خیبر پختونخوا کا ایک ایسے شخص سے رہنمائی لینے پر اصرار جو متعدد مقدمات میں سزا یافتہ اور نااہل قرار دیا جا چکا ہے، آئینی حدود سے تجاوز ہے۔
سپریم کورٹ نے اپنے فیصلوں میں واضح طور پر قرار دیا تھا کہ آئین کے آرٹیکل 62 یا 63 کے تحت نااہل شخص کسی سیاسی جماعت کی سربراہی نہیں کر سکتا اور نہ ہی پارلیمانی یا جماعتی معاملات میں کسی حیثیت سے مداخلت کر سکتا ہے۔
عدالت نے یہ بھی قرار دیا تھا کہ عمران خان کی 2022 کی نااہلی انہیں 2027 تک کسی بھی سیاسی یا قیادت کے عہدے کے لیے نااہل بناتی ہے۔
آئین یا کسی صوبائی قانون میں وزیراعلیٰ کو کسی سیاسی رہنما، بالخصوص قانونی طور پر نااہل شخص سے صوبائی امور میں مشاورت کرنے کا پابند نہیں بنایا گیا۔ اس نوعیت کی ہدایت آئین سے متصادم اور اخلاقی طور پر بھی ناقابلِ قبول ہے۔
خیبرپختونخوا پاکستان کے اہم ترین صوبوں میں سے ایک ہے اور اس کی حکمرانی کو کسی مجرم یا سزا یافتہ شخص کی ذاتی وفاداریوں یا سیاسی احکامات کا یرغمال نہیں بنایا جا سکتا۔
مزید پڑھیں: سہیل آفریدی کی عمران خان سے پھر ملاقات نہ ہوسکی، توہین عدالت کی درخواست دائر کرنے کا اعلان
صوبائی انتظام کو سیاسی مقاصد کے لیے معطل کرنا یا کسی نااہل رہنما کو خوش کرنے کے لیے گورننس متاثر کرنا نہ صرف قانون اور حکمرانی کا مذاق اڑانے کے مترادف ہے بلکہ ریاستی اداروں کو بلیک میل کرنے کے زمرے میں آتا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews بلیک میلنگ سزا یافتہ قیدی سہیل آفریدی مشاورت وزیراعلیٰ خیبرپختونخوا وی نیوز.
ذریعہ
ذریعہ: WE News
کلیدی لفظ: بلیک میلنگ سزا یافتہ قیدی سہیل ا فریدی مشاورت وزیراعلی خیبرپختونخوا وی نیوز سزا یافتہ قیدی سہیل ا فریدی کے لیے
پڑھیں:
پاکستان کے خلاف ٹیسٹ سیریز: ویسٹ انڈیز نے 15 رکنی اسکواڈ کا اعلان کر دیا
پاکستان کے خلاف دو ٹیسٹ میچوں کی سیریز کے لیے ویسٹ انڈیز نے 15 رکنی اسکواڈ کا اعلان کر دیا۔
ویسٹ انڈیز کی قیادت روسٹن چیز کریں گے جبکہ جومیل واریکن کو نائب کپتان مقرر کیا گیا ہے۔
اسکواڈ میں جوشوا بیشپ، تیج نارائن چندرپال، جوشوا ڈی سلوا، جسٹن گریوز، کیوم بوج، شے ہوپ، عامر جینگو، شیمار جوزف، برینڈن کنگ، کرک میک کینزی، گڈاکیش موتی، کیمو پال، کیمار روچ، جیڈن سیلز اور جومیل واریکن شامل ہیں۔
واضح رہے کہ پاکستان اور ویسٹ انڈیز کے درمیان دو ٹیسٹ میچوں کی سیریز کا آغاز 25 جولائی سے ہوگا۔
View this post on Instagramقومی ٹیم نے آخری مرتبہ 2023 میں سری لنکا کو اس کی سرزمین پر 2-0 سے ٹیسٹ سیریز میں شکست دی تھی، تاہم اس کے بعد پاکستان مسلسل سات بیرونِ ملک ٹیسٹ میچ ہار چکا ہے۔
اس سیریز میں پاکستان کی قیادت دوبارہ بابر اعظم کر رہے ہیں جنہیں شان مسعود کی جگہ ٹیسٹ ٹیم کا کپتان مقرر کیا گیا ہے۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار