آئی سی سی مینز ون ڈے بیٹنگ رینکنگ: بھارتی اوپنر روہت شرما پہلے نمبر پر آگئے
اشاعت کی تاریخ: 29th, October 2025 GMT
بھارتی اوپنر روہت شرما نے شاندار کارکردگی کا مظاہرہ کرتے ہوئے آئی سی سی مردوں کی ون ڈے بیٹنگ رینکنگ میں پہلی بار نمبر ون پوزیشن حاصل کر لی ہے۔
آسٹریلیا کے خلاف 3 میچوں کی سیریز میں روہت نے ایڈیلیڈ میں 73 رنز کی اننگز کے بعد سڈنی میں ناقابلِ شکست 121 رنز بنا کر ٹیم کو فتح دلائی اور سیریز کے بہترین کھلاڑی قرار پائے۔ اس کارکردگی کے نتیجے میں وہ 781 ریٹنگ پوائنٹس کے ساتھ افغانستان کے ابراہیم زدران اور کپتان شبمن گل کو پیچھے چھوڑ گئے۔ روہت کا یہ پہلا موقع ہے کہ وہ ون ڈے میں نمبر ون بنے ہیں، اس سے قبل وہ جولائی 2018 میں دوسری پوزیشن تک پہنچے تھے۔
یہ بھی پڑھیے: آئی سی سی رینکنگ: ٹاپ 10 میں بیٹنگ میں کوئی پاکستانی نہیں، بولرز میں نعمان علی 5ویں نمبر پر
دوسری جانب ابراہیم زدران مختصر مدت کے لیے افغانستان کے پہلے بیٹر بنے جنہوں نے ون ڈے رینکنگ میں ٹاپ پوزیشن حاصل کی تھی، جب دوسرے اور تیسرے میچ کے درمیان گل ان سے نیچے چلے گئے تھے اور روہت ابھی آگے نہیں بڑھے تھے۔
بھارتی نائب کپتان شریاس ایّر ایک درجہ بہتری کے ساتھ نویں نمبر پر آگئے ہیں، جب کہ آسٹریلیا کے فاسٹ بولر جوش ہیزل ووڈ دو درجے ترقی کے ساتھ آٹھویں نمبر پر پہنچ گئے۔ لیگ اسپنر ایڈم زمپا بھی دو درجے اوپر ہو کر بارہویں پوزیشن پر آگئے ہیں۔ بھارت کے اسپنرز اکشر پٹیل چھ درجے اوپر ہو کر 31ویں اور واشنگٹن سندر 22 درجے ترقی کے بعد 73ویں نمبر پر آگئے ہیں۔
انگلینڈ کے کپتان ہیری بروک نے نیوزی لینڈ کے خلاف ماؤنٹ مانگانوئی میں 135 رنز کی شاندار اننگز کھیل کر 23 درجے ترقی پاتے ہوئے کیریئر کی بہترین 25ویں پوزیشن حاصل کی۔
یہ بھی پڑھیے: آئی سی سی بھارت کا ترجمان بن گیا، کھیل کے بجائے سیاست کی زبان بولنے لگا
ٹیسٹ رینکنگ میں پاکستان کے سعود شکیل ایک درجہ اوپر ہو کر 12ویں اور کپتان شان مسعود پانچ درجے اوپر ہو کر 42ویں نمبر پر پہنچ گئے ہیں، جب کہ جنوبی افریقہ کے ٹونی ڈی زورزی سات درجے ترقی کے ساتھ 47ویں نمبر پر آگئے۔
جنوبی افریقہ کے اسپنر کیشَو مہاراج نو درجے ترقی کے ساتھ 13ویں نمبر پر آگئے ہیں، جنہوں نے راولپنڈی ٹیسٹ میں پاکستان کے خلاف نو وکٹیں حاصل کیں۔ سائمن ہارمر نے دوسری اننگز میں چھ وکٹیں حاصل کر کے 26 درجے ترقی کے بعد 45ویں پوزیشن حاصل کی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
آئی سی سی باولر روہت شرما رینکنگ کرکٹ.ذریعہ: WE News
کلیدی لفظ: باولر روہت شرما کرکٹ درجے ترقی کے پوزیشن حاصل پر آگئے ہیں اوپر ہو کر گئے ہیں کے ساتھ حاصل کی
پڑھیں:
کپل شرما کی نئی فلم تنازع کا شکار ہوگئی، وجہ کیا ہے؟
بھارتی کامیڈین کپل شرما کی نئی فلم ”کس کس کو پیار کروں 2“ نے ریلیز ہوتے ہی صارفین کی رائے کو دو حصوں میں تقسیم کردیا ہے۔
بارہ دسمبر 2025 کو بھارتی سنیما گھروں میں ریلیز ہو نے والی یہ فلم 2015 کی ہٹ کامیڈی فلم کا سیکوئل ہے، کپل شرما فلم میں موہن کا کردار ادا کررہے ہیں، جو لومیرج کرنا چاہتے ہیں، لیکن کچھ عجیب و غریب حالات کی وجہ سے تین مختلف مذاہب سے تعلق رکھنے والی خواتین میں الجھ جاتے ہیں۔ فلم میں کئی مزاحیہ سین ہیں، جسےکچھ لوگوں نےسراہا تو کچھ نے اسے پرانا اور گھسا پٹا کہا۔
فلم کی ریلیز کے بعد سوشل میڈیا پر مختلف ردعمل سامنے آئے ہیں۔ کچھ لوگوں نے اسے ”کپل شرما شو کا ایک اور ورژن“ قرار دیا ہے، جبکہ کئی صارفین کا کہنا ہےکہ ”کہانی زبردستی کھنیچی گئی ہے اور مذاق بھی پرانا ہے۔ ڈائیلاگ ایسے ہیں، جسے بولتے ہوئے اداکار خود بھی شرمندہ نظر آتے ہیں۔“
⭐
Absolutely Terrible! ????
“Kis Kisko Pyaar Karoon 2”
The story feels forced, the jokes are painfully recycled, and the dialogues are so cringe that even the actors look embarrassed saying them.
The performances? — No one could save this disaster.#KisKiskoPyaarKaroon2 pic.twitter.com/BvcWTplTVF
— ????ℝ???????? (@Arif011111) December 12, 2025
ایک صارف نے کہا، ”کس کس کو پیار کروں 2 بہت ہی بے زار مووی ہے۔ پرانی کہانی کو دوبارہ پیش کیا گیا ہے۔“
ایک اور صارف نے رائے دیتے ہوئے کہا، ”فلم میں کچھ بھی نیا پن نہیں ہے، بس نام بدل کر سیکوئل بنا دیا ہے۔کپل شرما کی اداکاری فلم میں بہت اچھی ہے، لیکن باقی ادکاروں کی اداکاری نے بہت زیادہ مایوس کیا ہے۔“
کچھ اور تبصروں میں کہا گیا ہے کہ یہ فلم ایک ”ٹیکسٹ بک مثال ہے“ کہ کس طرح ایک اچھی فلم کو برباد کیا جا سکتا ہے۔
#KisKiskoPyaarKaroon2 Review:
Pure Comedy Therapy After #Dhurandhar ????????
Craving light-hearted entertainment?
You’ve hit the jackpot with #KKPK2—a 2h22m hilarious ride that’s pure stress-buster ????@KapilSharmaK9‘s comedy is therapy amid life’s tensions—job, relationships,… pic.twitter.com/LjuU4Fb8D2
— Ashwani kumar (@BorntobeAshwani) December 11, 2025
ایک اور صارف اسد نے مختلف زاویہ پیش کرتے ہوئے اسے اچھی کامیڈی کہا ہے۔ ان کا کہنا ہے، اگرچہ کہانی پچھلی فلم سے ملتی جلتی ہے، لیکن فلم تفریح فراہم کرنے میں کامیاب رہی ہے اور یہی سب سے اہم ہے۔ مرکزی اداکارائیں تریدھا چوہدری، عائشہ خان اور پارول گُلاٹی نے اپنا کردار اچھے سے نبھایا ہے۔ موسیقی بھی بہت اچھی ہے۔ مجموعی طور پر یہ ایک ہلکی پھلکی تفریحی فلم ہے جو ٹریلر میں دکھائے گئے وعدے کو پورا کرتی ہے۔
#KisKiskoPyaarKaroon2 Review
⭐️⭐️⭐️⭐️/5#KKPK2 from start to finish is a full-on #KapilSharma show. He carries the entire film on his shoulders with his trademark comic timing and effortless screen presence. #ManjotSingh also delivers several effective punchlines that add to… pic.twitter.com/BJatPeKzDx
— Asad (@KattarAaryan) December 11, 2025
بقول ایک صارف کپل شرما کی فلم ”کس کس کو پیار کروں تفریح اور مزاح کا حسین امتزاج ہے۔ کپل شرما کی کامیڈی اور منجوت سنگھ کی شاندار پرفارمنس نے اس فلم کو مزید مزے دار بنا دیا ہے۔“
اس فلم کو انوکلپ گوسوامی نے ڈائریکٹ کیا ہے اور پروڈکشن رتن جین اور گنیش جین نے کی ہے۔ اس میں حرا ورینہ، عائشہ خان، ترِیدھا چودھری اور منجوت سنگھ جیسے اداکار بھی اہم کردار ادا کر رہے ہیں۔
پی ٹی آئی ورکرز کے حقوق پر ایک اور ڈاکا منظور نہیں: اکبر ایس بابر