صدر مملکت ، وفاقی وزیر داخلہ اور وزیر اعلیٰ بلوچستان کا فتنہ خوارج کے خلاف آپریشن میں شہدا کو خراج عقیدت
اشاعت کی تاریخ: 29th, October 2025 GMT
سٹی 42: صدر مملکت آصف علی زرداری ، وفاقی وزیر داخلہ محسن نقوی اور وزیر اعلیٰ بلوچستان سرفراز بگٹی نے فتنہ خوارج کے خلاف آپریشن میں شہدا کو خراج عقیدت پیش کیا
صدرِ مملکت آصف علی زرداری نے دہشت گردی کے خلاف آپریشن میں شہداء کو خراجِ عقیدت کیا ۔صدرِ مملکت نے کرم کے علاقے ڈوگر میں خوارج کے خلاف کارروائی میں شہید ہونے والے کیپٹن نعمان سلیم اور اُن کے پانچ ساتھیوں کی قربانی کو خراجِ تحسین پیش کیا
لیسکو کا سموگ کے دوران بجلی بریک ڈاؤن سے بچاؤ کیلئے اقدامات کا آغاز
صدرِ مملکت نے کہا قوم اپنے بہادر سپوتوں کی قربانیوں پر فخر کرتی ہےصدرِ مملکت نے دہشت گردوں کے خاتمے کے لیے سیکیورٹی فورسز کے عزم، بہادری اور پیشہ ورانہ صلاحیتوں کو سراہا اور کہا کہ وژن عزمِ استحکام کے تحت بھارت کے حمایت یافتہ فتنۂ خوارج کے خلاف آپریشن دہشت گردی کے مکمل خاتمے تک جاری رہے گا۔شہداء کی قربانیاں قومی اتحاد، سلامتی اور استحکام کی ضمانت ہیں۔
صدرِ مملکت نے شہداء کے اہلِ خانہ سے دلی ہمدردی کا اظہار کیا اور اُن کے لیے صبر و حوصلے کی دعا کی۔
ماضی کی معروف اداکارہ سیمی زیدی کس حال میں اور کہاں؟
وفاقی وزیرداخلہ محسن نقوی نے کرم کے علاقے میں 7 خوارجیوں کو جہنم واصل کرنے پر سکیورٹی فورسز کی ستائش کی ۔ وزیرداخلہ محسن نقوی نے خوارجیوں کے خلاف بہادری سے لڑتے ہوئے جام شہادت نوش کرنے والے کیپٹن نعمان سیلم سمیت 6 جوانوں کو خراج عقیدت پیش کیا۔
محسن نقوی نے کہا کیپٹن نعمان سمیت 6 جوانوں نے فرض کی راہ میں جانیں نچھاور کرکے اعلی مثال قائم کی۔ قوم شہید کیپٹن نعمان سمیت 6 جوانوں کو سلام پیش کرتی ہے۔کیپٹن نعمان سمیت 6 جوانوں کی قربانی رائیگاں نہیں جائے گی۔ فتنہ الخوارج کے مذموم عزائم ناکام بنانے والے وطن کے بہادر سپوتوں کی قربانیاں کو کبھی فراموش نہیں کیا جا سکتا۔ فتنہ الخوارج کے مکمل خاتمے کیلئے پوری قوم یکسو ہے۔
تجارتی معاہدہ: امریکی خام تیل کا پہلا بحری جہاز پاکستان پہنچ گیا
وزیر اعلیٰ بلوچستان میر سرفراز بگٹی نے کرم کے علاقے ڈوگر میں سیکیورٹی فورسز کی کامیاب کارروائی پر زبردست خراجِ تحسین پیش کرتے ہوئے کہا کیپٹن نعمان سلیم اور پانچ جوانوں کی شہادت قوم کے عزم و حوصلے کی علامت ہےشہداء کی قربانیاں رائیگاں نہیں جائیں گی۔قوم اپنے بہادر سپوتوں پر فخر کرتی ہے ان کی قربانیوں سے وطن میں امن و استحکام کا عزم مزید مضبوط ہوا ہے۔بھارتی سرپرستی یافتہ خوارج کے خلاف آپریشن دہشت گردی کے خاتمے کی جانب ایک بڑا قدم ہے۔بلوچستان کے عوام اور حکومت دہشت گردی کے خلاف پاک فوج اور قانون نافذ کرنے والے اداروں کے شانہ بشانہ ہیں۔’عزمِ استحکام‘ کے تحت انسدادِ دہشت گردی مہم دشمن کے ناپاک عزائم کو خاک میں ملا دے گی۔دہشت گردی کے خلاف جنگ میں ہر شہید کا خون ہماری قومی یکجہتی اور دفاع کی ضمانت ہے۔شہداء کے خاندانوں کے ساتھ کھڑے ہیں، شہداء کی قربانیاں تاقیامت یاد رکھی جائیں گی۔
بحیرہ عرب پر موجود دباؤ کا فاصلہ کراچی سے مزید کم، سندھ میں بارش کا امکان؛ محکمہ موسمیات
.ذریعہ: City 42
کلیدی لفظ: خوارج کے خلاف سمیت 6 جوانوں دہشت گردی کے کیپٹن نعمان کی قربانیاں مملکت نے کو خراج
پڑھیں:
وفاقی وزیر داخلہ کی عراقی ہم منصب سے ملاقات، دونوں ممالک کے درمیان تعاون مضبوط کرنے پر اتفاق
وفاقی وزیر داخلہ محسن نقوی اور عراقی ہم منصب جنرل عبدالامیر الشمری کی اہم ملاقات ہوئی جس میں دوطرفہ تعلقات اور زائرین کی سہولت کے لیے اقدامات پر تفصیلی تبادلہ خیال کیا گیا۔
ملاقات میں دونوں ممالک کی وزاراتِ داخلہ کے درمیان تعاون کو پائیدار اور مؤثر بنیادوں پر فروغ دینے پر اتفاق ہوا۔ عراقی وزیر داخلہ نے پاکستان کی جانب سے زائرین گروپس کو باقاعدہ منظم اور ریگولیٹ کرنے کے اقدامات کو بھرپور سراہا۔
عراقی وزیر داخلہ نے کہا کہ آپ کے دور میں پہلی بار زائرین گروپس کو منظم کرنے کے لیے مؤثر اقدامات کیے گئے ہیں، جو قابلِ تحسین ہیں۔ پاکستانی وزارت داخلہ کی جانب سے فراہم کردہ فہرست میں شامل تمام زائرین کو عراق آنے کی اجازت ہوگی۔
محسن نقوی کا کہنا تھا کہ عراق جانے والے زائرین کو مقررہ مدت سے زائد قیام کی ہرگز اجازت نہیں ہوگی۔ اس حوالے سے دونوں ممالک کے متعلقہ ادارے قریبی رابطے میں رہیں گے۔
دونوں وزرائے داخلہ نے سیکیورٹی تعاون، انسدادِ دہشت گردی اور انسانی سمگلنگ کی روک تھام کے لیے معلومات کے تبادلے اور مشترکہ میکنزم کو مزید مضبوط بنانے پر بھی اتفاق کیا۔
پی ٹی آئی ورکرز کے حقوق پر ایک اور ڈاکا منظور نہیں: اکبر ایس بابر