صفائی ستھرائی کا نظام بہتر بنانا ہماری اولین ترجیح ہے‘ محمد مظفر
اشاعت کی تاریخ: 30th, October 2025 GMT
data-id="863a0a8" data-element_type="widget" data-widget_type="theme-post-content.default">
کراچی (اسٹاف رپورٹر) چیئرمین ناظم آباد ٹاؤن سید محمد مظفر کی سربراہی میں میں سندھ سالڈ ویسٹ مینجمنٹ بورڈ کے افسران کے ساتھ اہم اجلاس کا انعقاد ہوا۔اجلاس میں سندھ سالڈ ویسٹ مینجمنٹ بورڈ کے افسران سے صفائی ستھرائی کے نظام سے متعلق اہم گفتگو ہوئی۔ اس موقع پر وائس چیئرمین محمد نعمان صدیقی، ڈائریکٹر سینیٹیشن ظہیر احمد، یو سی 2 کے چیئرمین کاشف شمسی، سندھ سالڈ ویسٹ کے ڈپٹی ڈائریکٹر ناظم آباد نعمان، اسسٹنٹ ڈائریکٹر آکاش کمار اور ناظم آباد زون کے منیجر علی سمیت دیگر افسران موجود تھے۔ اجلاس میں ناظم آباد ٹاؤن کے مختلف علاقوں میں صفائی کے نظام اور بہتری کے اقدامات پر تفصیلی گفتگو ہوئی اورکئی اہم فیصلے کیے گئے جس میں نور الاسلام مسجد (یو سی 2) کے قریب قائم کچرا کنڈی ختم کی جائے گی اور سندھ سالڈ ویسٹ کی کوئی گاڑی وہاں کچرا نا ڈالے گی۔ یوسی 2 کے چیئرمین کاشف شمسی کو ہدایت دی گئی کہ وہ ٹاؤن کے سینٹری ورکرز اور پرائیویٹ کچرا جمع کرنے والوں کو پابند کریں کہ وہ اس کنڈی میں کچرا نہ ڈالیں۔ کمپیکٹرز کی تعداد بڑھانے اور صفائی کے عمل کو تیز تر بنانے پر اتفاق کیا گیا،تمام گاڑیاں صرف مختص جی ٹی ایس پر ہی کچرا ڈالیں گی،جہانگیر آباد کنڈی صاف کر کے ختم کی جائے گی تاکہ اس مقام کو بہتر استعمال میں لایا جا سکے۔ سندھ اسپورٹس بورڈ اور گورنمنٹ کالج فور مین روڈ کے سامنے والی سڑک کی صفائی کو بھی برقرار رکھنے کی ہدایت دی گئی۔ سندھ سالڈ ویسٹ کی جانب سے گلیوں کی صفائی کے لیے موجود 25 لیبرز کی تعداد بڑھا کر 70 کرنے کا فیصلہ کیا گیا تاکہ صفائی کے عمل میں بہتری لائی جا سکے۔چیئرمین ناظم آباد ٹاؤن سید محمد مظفر نے اجلاس میں کہا کہ ناظم آباد میں صفائی ستھرائی کے نظام کو بہتر بنانا ہماری اولین ترجیح ہے۔ سندھ سالڈ ویسٹ مینجمنٹ بورڈ کے تعاون سے صفائی کے نظام کو مزید مؤثر اور منظم بنایا جا رہا ہے تاکہ عوام کو صاف ستھرا ماحول فراہم کیا جا سکے۔
ذریعہ
ذریعہ: Jasarat News
کلیدی لفظ: سندھ سالڈ ویسٹ صفائی کے کے نظام
پڑھیں:
وفاقی کابینہ کا جعلی دواؤں کے خاتمے کیلئے ٹریک اینڈ ٹریس سسٹم کے نفاذ کی منظوری
اسلام آباد (ڈیلی پاکستان آن لائن) ملک بھر میں جعلی دواؤں کا خاتمہ یقینی بنانےکے لیے وفاقی کابینہ نے دواؤں کے ٹریک اینڈ ٹریس سسٹم کے نفاذ کی باضابطہ منظوری دیدی۔
نجی ٹی وی چینل جیو نیوز کے مطابق وفاقی وزیر صحت مصطفیٰ کمال نے اس حوالے سے کہا کہ ڈرگ لیبلنگ اینڈ پیکنگ رولز 1978 میں ضروری ترامیم کی منظوری دے دی گئی ہے، یہ فیصلہ پاکستان میں جعلی دواؤں کے خاتمے کی جانب ایک بڑا اور تاریخی قدم ہے۔
انہوں نے کہا کہ پہلی بار ہر دوا کو ڈیجیٹل طریقے سے ٹریک اور ویریفائی کیا جا سکے گا، اس نظام کے تحت جعلی، غیرمعیاری اور نقلی دواؤں کی نشاندہی اور ان کا خاتمہ ممکن ہوگا، نظام کے نفاذ سے عام صارف بآسانی دوا کی میعاد اور قیمت کی مستند معلومات لے سکےگا۔
ایف آئی اے نے جعلی دستاویزات پر بیرون ملک جانے والی 2 خواتین کو آف لوڈ کر دیا ، 2 ایجنٹ گرفتار
وفاقی وزیر نے کہا کہ ڈرگ ریگولیٹری اتھارٹی آف پاکستان اس جدید نظام کو ملک بھر میں نافذ کرے گی، نئے قواعد کے تحت تمام دوا ساز کمپنیوں اور درآمد کنندگان کے لیے لازم ہوگا کہ وہ ہر دوا کے پیک پر معیاری ٹو ڈی بارکوڈ اور سیریلائزیشن ڈیٹا درج کریں، یہ اہم فیصلہ دواوں کی سپلائی چین کو محفوظ اور معیاری بنانے کیلئے کیا ہے۔
مصطفیٰ کمال کا کہنا تھا پاکستان میں دواؤں کے نظام کو جدید خطوط پر استوار کیا جا رہا ہے، ٹریک اینڈ ٹریس سسٹم کے نفاذ سے جعلی دواؤں کے خلاف مضبوط اور مؤثر دیوار قائم ہوگی، پاکستان خطے میں جدید ٹیکنالوجی اپنانے والا نمایاں ملک بن کر سامنے آئے گا، اس نظام کے ذریعے نگرانی کے روایتی طریقوں کی جگہ جدید ڈیجیٹل نظام لے گا۔
پنجاب میں آندھی اور طوفان سے تباہی ، ایک شہری جاں بحق، 46 گھر متاثر
مزید :
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ