’سر لاک کرو نا‘ سے شہرت پانے والے 5ویں جماعت کے طالب علم کی امیتابھ بچن سے معافی
اشاعت کی تاریخ: 24th, October 2025 GMT
مشہور کوئز شو کون بنے گا کروڑ پتی میں شرکت کرنے والا (KBC) سیزن 17 میں 10 سالہ بچہ اشیت بھٹ حال ہی میں سوشل میڈیا پر اس وقت بحث کا مرکز بن گیا جب اس نے بالی ووڈ اداکار و میزبان امیتابھ بچن سے بدتمیزی کا مظاہرہ کیا، شو کے دوران ان کے رویّے کو ناظرین نے غیر شائستہ قرار دیا۔ شدید آن لائن ردِعمل کے بعد کم عمر امیدوار نے ایک ویڈیو پیغام کے ذریعے اپنے طرزِ عمل پر معافی مانگی ہے۔
گجرات سے تعلق رکھنے والے پانچویں جماعت کے طالبعلم اشیت بھٹ نے اپنے آفیشل انسٹاگرام اکاؤنٹ پر جاری ویڈیو میں کہا کہ وہ اپنے رویّے پر نادم ہیں اور امیتابھ بچن سمیت کون بنے گا کروڑ پتی کی پوری ٹیم سے معافی چاہتے ہیں۔ انہوں نے مزید کہا کہ شو کے دوران وہ گھبراہٹ کا شکار تھے، جس کے باعث ان کا لہجہ نامناسب لگ سکتا ہے۔
View this post on Instagram
A post shared by ✨???? (@auzez.
اپنی پوسٹ پر اشیت بھٹ نے لکھا کہ میں دل سے معافی مانگتا ہوں اگر میری باتوں یا انداز سے کسی کو تکلیف پہنچی۔ میرا مقصد کسی کی دل آزاری نہیں تھا۔ میں امیتابھ بچن سر اور پوری ٹیم کا بےحد احترام کرتا ہوں۔ اس تجربے سے میں نے سیکھا ہے کہ بڑے پلیٹ فارم پر الفاظ اور رویّہ بہت اہم ہوتے ہیں، اور میں آئندہ زیادہ محتاط رہوں گا۔
اشیت نے اپنے بیان کے اختتام پر ان تمام افراد کا شکریہ ادا کیا جنہوں نے ان مشکل لمحات میں ان کا ساتھ دیا، اور خود کو ‘The KBC Boy’ کے نام سے متعارف کرایا۔
یہ بھی پڑھیں: ’رولز وولز پتا ہیں‘، کون بنے گا کروڑ پتی میں 5ویں جماعت کے طالب علم کو اوور کانفیڈنس دکھانا مہنگا پڑگیا
واضح رہے کہ ’کون بنے گا کروڑ پتی‘ کی حال ہی میں نشر ہونے والی ایک قسط میں پانچویں جماعت کا طالب علم غیرمعمولی خود اعتمادی کا مظاہرہ کرتا نظر آیا۔ جیسے ہی امیتابھ بچن نے شو کے قواعد وضوابط بیان کرنا شروع کیے، اشیت نے میزبان کو ٹوکتے ہوئے کہا کہ ’مجھے رولز معلوم ہیں، اس لیے آپ مجھے رولز مت سمجھائیں‘۔
اس کے بعد بھی، دورانِ مقابلہ بچہ بارہا امیتابھ بچن کی بات کاٹتا رہا اور سوالات کے مکمل ہونے سے پہلے ہی جوابات لاک کروانے پر زور دیتا رہا۔ تاہم، جب رامائن سے متعلق ایک سوال آیا تو اشیت نے خود ہی آپشنز مانگے اور بعد میں اعتماد بھرے انداز میں کہا ’سر، ایک کیا، اُس پر چار لاک لگا دو، لیکن لاک کرو‘۔
یہ بھی پڑھیں: امیتابھ بچن کے بعد ’کون بنے گا کروڑ پتی‘ کا نیا میزبان کون ہوگا؟
بدقسمتی سے، اس سوال کا جواب غلط ثابت ہوا اور یوں اشیت بغیر کوئی انعام حاصل کیے شو سے باہر ہو گیا۔ اس موقع پر امیتابھ بچن نے نرمی سے تبصرہ کرتے ہوئے کہا کہ ’کبھی کبھی بچے اوور کانفیڈنس میں غلطی کر دیتے ہیں‘۔
یہ ویڈیو سوشل میڈیا پر تیزی سے وائرل ہو گئی اور صارفین نے بچے کے رویے کو ’بدتمیزی‘ اور ’بے ادبی‘ قرار دیا جبکہ کئی ناظرین نے اس واقعے کو ’سبق آموز‘ قرار دیتے ہوئے کہا کہ ذہانت کے ساتھ ساتھ ادب، انکساری اور بڑوں کا احترام بھی کامیابی کے لیے نہایت ضروری عناصر ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
امیتابھ بچن بالی ووڈ بچے کی معافی کون بنے گا کروڑ پتی
ذریعہ
ذریعہ: WE News
کلیدی لفظ: امیتابھ بچن بالی ووڈ بچے کی معافی کون بنے گا کروڑ پتی کون بنے گا کروڑ پتی امیتابھ بچن کہا کہ
پڑھیں:
دبئی ایئرپورٹ پر اے آئی امیگریشن سسٹم متعارف، 3.4 سیکنڈ میں کلیئرنس
دبئی: دبئی ایئرپورٹ اے آئی امیگریشن سسٹم کے ذریعے مسافروں کے لیے سفر کو مزید تیز اور آسان بنانے کی جانب ایک اہم قدم اٹھا لیا گیا ہے۔ مصنوعی ذہانت (AI) پر مبنی جدید بارڈر کنٹرول نظام کی آزمائش کامیاب رہی ہے، جس کے تحت مسافر صرف 3.4 سیکنڈ میں امیگریشن کا مرحلہ مکمل کر سکتے ہیں۔
دبئی کی جنرل ڈائریکٹوریٹ آف آئیڈینٹیٹی اینڈ فارنرز افیئرز (GDRFA) کے مطابق اس جدید نظام میں اے آئی سے لیس بایومیٹرک کیمرے بیک وقت 10 مسافروں کی شناخت کرنے کی صلاحیت رکھتے ہیں۔
بغیر پاسپورٹ دکھائے امیگریشن کلیئر
نئے سسٹم کے تحت “ریڈ کارپٹ لین” استعمال کرنے والے رجسٹرڈ مسافروں کو پاسپورٹ یا بورڈنگ پاس دکھانے کی ضرورت نہیں ہوگی۔ انہیں صرف اپنا چہرہ کھلا رکھ کر بایومیٹرک کیمرے پر موجود سبز اشارے کی طرف دیکھنا ہوگا، جس کے بعد شناخت کا عمل خودکار طور پر مکمل ہو جائے گا۔
ابتدائی مرحلے میں کن مسافروں کے لیے؟
ابتدائی طور پر اس جدید سسٹم کا آغاز دبئی ایئرپورٹ کے ٹرمینل 3 پر فرسٹ کلاس اور بزنس کلاس کے مسافروں کے لیے کیا گیا تھا، تاہم کامیاب آزمائش کے بعد اب اس سہولت کو مزید آنے والے مسافروں تک توسیع دی جا رہی ہے۔
اعداد و شمار کے مطابق 2025 کے دوران 5 لاکھ 28 ہزار سے زائد مسافروں نے دبئی کے “اسمارٹ کوریڈور” سے استفادہ کیا، جبکہ گزشتہ سال 2 کروڑ 60 لاکھ سے زیادہ مسافروں نے اسمارٹ گیٹس کے ذریعے سفر کیا۔
کن افراد کو یہ سہولت حاصل ہوگی؟
حکام کے مطابق متحدہ عرب امارات اور خلیجی ممالک کے شہری، یو اے ای کے رہائشی اور بایومیٹرک پاسپورٹ رکھنے والے ویزا آن ارائیول مسافر اس سہولت سے خودکار طور پر فائدہ اٹھا سکیں گے۔ تاہم 1.2 میٹر سے کم قد رکھنے والے بچوں کے لیے یہ نظام فی الحال دستیاب نہیں ہوگا۔
دبئی ایئرپورٹس کے چیف ایگزیکٹو پال گریفتھس کا کہنا ہے کہ اس جدید ٹیکنالوجی کا مقصد سیکیورٹی کو برقرار رکھتے ہوئے امیگریشن کے عمل کو زیادہ تیز، آسان اور مؤثر بنانا ہے۔ ان کے مطابق مستقبل میں دبئی ایئرپورٹ اے آئی امیگریشن سسٹم تمام مسافروں کے لیے دستیاب ہوگا، جس سے ہوائی سفر کا تجربہ مزید بہتر ہونے کی توقع ہے۔
ٹی20 ورلڈ کپ 2026: پاکستان نے سپر 8 کے لیے جگہ پکی کر لی