سکھر،غیرحاضرڈاکٹرز کووزیرصحت کی جانب سے شوکاز نوٹس جاری
اشاعت کی تاریخ: 30th, October 2025 GMT
data-id="863a0a8" data-element_type="widget" data-widget_type="theme-post-content.default">
سکھر (نمائندہ جسارت)چیئرمین سکھر ڈسٹرکٹ کونسل سید کمیل حیدر شاہ نے کہا ہے کہ غیر حاضر ڈاکٹرز کو وزیرِ صحت کی جانب سے شوکاز نوٹس جاری کیے گئے ہیں تاکہ عوامی خدمت میں کوتاہی برداشت نہ کی جائے، سندھ حکومت کی جانب سے ڈاکٹرز کی بھرتیوں کا عمل جاری ہے، پہلا ہدف ان تمام ڈاکٹرز کی حاضری یقینی بنانا ہے جو اپنی ذمہ داریاں پوری نہیں کر رہے، جبکہ اتائی ڈاکٹرز کے خلاف بھرپور آپریشن شروع کیا جا رہا ہے تاکہ عوام کو محفوظ اور معیاری علاج فراہم ہو۔ یہ بات انہوں نے روہڑی سٹی میٹرنٹی ہوم کے دورہ اور مختلف شعبوں کا معائنہ و طبی سہولیات کا جائزہ لینے کے بعد میڈیا سے گفتگو کرتے ہوئے کہی۔ انہوں نے کہا کہ سول اسپتال سکھر میں جدید ایمرجنسی بلاک (اسٹیٹ آف دی آرٹ) کی تعمیر کے لیے ٹینڈر مکمل ہو گیا ہے۔ایم آر آئی ، سٹی اسکین اور ایکسرے مشینز کو فعال کر دیا گیا ہے۔سید کمیل حیدر شاہ نے کہا کہ روہڑی کے شہریوں کو بروقت اور معیاری طبی سہولیات کی فراہمی ہماری اولین ترجیح ہے۔ زچہ و بچہ میٹرنٹی ہوم میں جدید سہولیات فراہم کی جا رہی ہیں، اور سیزر آپریشن کے لیے تمام اقدامات مکمل کیے جا رہے ہیں۔چیئرمین نے بتایا کہ روھڑی میٹرنٹی ہوم میں روزانہ 3500 سے 4000 مریض علاج کی سہولت حاصل کر رہے ہیں۔یہاں 24 گھنٹے طبی سہولتیں دستیاب ہیں، جبکہ جلد ہی سیزر کیسز کے لیے خصوصی یونٹ، سولر سسٹم اور ایمبولینس سروس بھی فراہم کی جائے گی۔ ان کا کہنا تھا کہ روہڑی شہر کی خوبصورتی اور صفائی کو برقرار رکھنے کیلئے بھینسوں کے باڑوں کو کیٹل کالونی منتقل کیا جا رہا ہے۔ پہاڑی علاقوں میں سیاحت کے فروغ کیلئے نوٹیفکیشن جاری کیا جا رہا ہے، اور آنے والے دنوں میں مندر اور تاریخی مقامات پر بھی ترقیاتی منصوبے شروع کیے جائیں گے۔بغیر لیز کے پہاڑوں پر غیر قانونی کام کرنے والوں کے خلاف سخت کارروائی کی جائے گی۔ڈینگی اور ملیریا سے بچاؤ کے لیے یوسی اور وارڈ سطح پر کمیٹیاں تشکیل دی گئی ہیں جو باقاعدگی سے اسپرے، آگاہی مہم اور حفاظتی اقدامات کو یقینی بنا رہی ہیں۔سید کمیل حیدر شاہ نے بتایا کہ سکھر اکنامک زون پر کام تیزی سے جاری ہے، جو روزگار، صنعت اور تجارت کے نئے مواقع پیدا کرے گا۔
ذریعہ: Jasarat News
کلیدی لفظ: کے لیے
پڑھیں:
پی آئی اے شیئرز کی قیمت میں بڑا اضافہ، سٹاک ایکسچینج نے وضاحت مانگ لی
اسلام آباد(نیوزڈیسک) پاکستان اسٹاک ایکسچینج میں پی آئی اے کے شیئر کی قیمت اور ٹریڈنگ والیوم میں غیر معمولی اضافہ دیکھنے میں آیا، جس کے بعد پی ایس ایکس نے قومی ایئر لائن کو نوٹس جاری کرتے ہوئے وضاحت طلب کرلی ہے۔
نوٹس کے جواب میں پی آئی اے کی جانب سے کہا گیا ہے کہ ہمیں ایسی کسی نئی پیش رفت کا علم نہیں جو حصص کی قیمت پر اثر انداز ہوئی ہو۔ حکام کے مطابق کمپنی کے پاس کوئی ایسی معلومات نہیں جو اس تیزی کی وجہ بتا سکے۔
اعداد و شمار کے مطابق گزشتہ دو ماہ میں پی آئی اے کے شیئر کی قیمت میں 100 فیصد کا اضافہ ہوا ہے۔ دو ماہ قبل 23 روپے میں ٹریڈ ہونے والا شیئر اب 46 روپے تک پہنچ چکا ہے، جب کہ ٹریڈنگ والیوم میں بھی نمایاں اضافہ ریکارڈ کیا گیا ہے۔
واضح رہے کہ حکومتِ پاکستان نے 23 دسمبر کو پی آئی اے کی نیلامی کا اعلان کر رکھا ہے، جس کے بعد سے سرمایہ کاروں کی جانب سے اس اسٹاک میں بڑھتی دلچسپی نوٹ کی جا رہی ہے۔
پی ٹی آئی ورکرز کے حقوق پر ایک اور ڈاکا منظور نہیں: اکبر ایس بابر