آل پاکستان ماسپیڈا کے وفد کا کراچی چیمبر کا دورہ
اشاعت کی تاریخ: 31st, October 2025 GMT
data-id="863a0a8" data-element_type="widget" data-widget_type="theme-post-content.default">
کراچی (کامرس رپورٹر )کراچی چیمبر آف کامرس اینڈ انڈسٹری (کے سی سی آئی) کے صدر محمد ریحان حنیف نے ایم اے جناح روڈ پر اورنگزیب مارکیٹ کے سامنے جاری ترقیاتی کاموں میں تاخیر پر گہری تشویش کا اظہار کرتے ہوئے کہا ہے کہ اس سے تاجروں اور دکانداروں کو شدید مشکلات کا سامنا ہے لہٰذا اس شاہراہ کو اگر جلد از جلد مرمت کرکے بحال نہ کیا گیا تو اس اہم تجارتی علاقے میں کاروباری سرگرمیاں معطل ہونے اور اورنگ زیب مارکیٹ، اقبال سینٹر، ٹائر مارکیٹ اور دیگر قریبی مارکیٹوں کے بند ہونے کا خطرہ ہے۔آل پاکستان موٹر سائیکل اسپیئر پارٹس امپورٹرز اینڈ ڈیلرز ایسوسی ایشن کے چیئرمین سہیل عثمان شیخ کی قیادت میں وفد سے ملاقات کے دوران صدر کراچی چیمبر محمد ریحان حنیف نے یہ یقین دہانی کروائی کہ وہ اس اہم مسئلے کو میئر کراچی بیرسٹر مرتضیٰ وہاب کے ساتھ اٹھائیں گے تاکہ متاثرہ سڑک کی جلد بحالی ممکن بنائی جا سکے۔انہوں نے زور دیتے ہوئے کہا کہ نامکمل ترقیاتی کاموں نے کاروباری سرگرمیوں، ٹریفک کی روانی اور علاقے میں دکانوں تک رسائی کو بری طرح متاثر کیا ہے اس لیے یہ ضروری ہے کہ یا تو کام کو مزید تاخیر کے بغیر مکمل کیا جائے یا سڑک کو اس کی اصل حالت میں بحال کیا جائے تاکہ تاجروں کو فوری ریلیف فراہم کیا جا سکے۔اس موقع پر کے سی سی آئی کے سینئر نائب صدر محمد رضا، نائب صدر محمد عارف لاکھانی،سابق نائب صدر فیصل خلیل احمد، سینئر وائس چیئرمین آل پاکستان ماسپیڈا سلمان احمد، وائس چیئرمین آل پاکستان ماسپیڈا اعجاز عثمان، سابق چیئرمین آل پاکستان ماسپیڈا ناصر مقبول، خالد وحید،لیاقت شیخ اور دونوں جانب سے ایگزیکٹیو کمیٹی کے ارکین بھی موجود تھے۔صدرکے سی سی آئی ریحان حنیف نے آل پاکستان ماسپیڈا کے ممبران کو درپیش درآمدی مسائل پر تبادلہ خیال کرتے ہوئے کہا کہ ایف بی آر اور کسٹمز حکام نے ہمیشہ کے سی سی آئی کی مداخلت پر مثبت ردعمل دیا ہے۔انہوں نے نائب صدر عارف لاکھانی کو ہدایت کی کہ وہ کسٹمز میں ڈائریکٹر ویلیوایشن کے ساتھ ملاقات کا اہتمام کریں تاکہ آل پاکستان ماسپیڈا کے مسائل پر بات کی جا سکے۔انہوں نے یہ یقین دہانی بھی کروائی کہ جنوری 2026 میں بجٹ سازی کے آغاز پر وزیراعظم کے معاون خصوصی برائے ریونیو ہارون اختر سے بھی ملاقات کا اہتمام کیا جائے گا تاکہ کسٹمز ڈیوٹی میں حقیقت پسندانہ ریلیف حاصل کیا جا سکے۔صدر کے سی سی آئی نے امن و امان کے حوالے سے خدشات پر یہ یقین دہانی کروائی کہ کے سی سی آئی پولیس کے اعلیٰ حکام سے رابطہ کرے گا تاکہ آل پاکستان ماسپیڈا کے ممبران اور متعلقہ ایس ایس پی اور ایس ایچ او کے درمیان ملاقات کا اہتمام کیا جا سکے تاکہ تاجروں کو متاثر کرنے والے بڑھتے ہوئے واقعات پر بات چیت کی جا سکے۔انہوں نے اس بات پر زور دیا کہ حکومت اور قانون نافذ کرنے والے ادارے اسٹریٹ کرائم اور بھتہ خوری سے نمٹنے کے لیے پُرعزم ہیں اور جس کسی کو بھی اگر دھمکیاں یا بھتہ کی پرچیاں موصول ہوں تو وہ رازداری سے کے سی سی آئی کو آگاہ کرے تاکہ متعلقہ حکام کو معلومات فراہم کی جا سکیں۔انہوں نے کے الیکٹرک کی جانب سے آل پاکستان ماسپیڈا کے ممبران کے لیے 93 لاکھ روپے کی کوٹیشن پر مخصوص پی ایم ٹی کی فراہمی کے حوالے سے بات کرتے ہوئے کہا کہ کے سی سی آئی اس لاگت سے متعلق کے الیکٹرک سے مذاکرات کرے گا اور آل پاکستان ماسپیڈا اور پاکستان کیمیکل ڈائز مرچینٹس ایسوسی ایشن کے نمائندوں کے کے الیکٹرک کے افسران کے ساتھ ایک مشترکہ اجلاس کا اہتمام کرے گا تاکہ لوڈ شیڈنگ کے مسئلے پر بات چیت کی جا سکے نیز ایک قابل عمل اور باہمی طور پر قابل قبول حل تلاش کیا جا سکے۔
ذریعہ: Jasarat News
کلیدی لفظ: کے سی سی ا ئی کیا جا سکے کا اہتمام ہوئے کہا انہوں نے
پڑھیں:
کراچی؛ گرین لائن منصوبے کی توسیع میں رکاوٹ سے روزانہ 2 کروڑ روپے کا نقصان
کراچی:شہر قائد میں گرین لائن منصوبے کی توسیع میں رکاوٹ سے روزانہ 2 کروڑ روپے کا نقصان ہو رہا ہے۔
گورنر سندھ کامران خان ٹیسوری کی زیرِ صدارت پاکستان انفرا اسٹرکچر ڈیولپمنٹ کمپنی لمیٹڈ (PIDCL) کا اجلاس ہوا، جس میں جنرل منیجر انجینئرنگ اور دیگر افسران نے جاری منصوبوں پر بریفنگ دی۔
بریفنگ میں انکشاف کیا گیا ہے گرین لائن منصوبے کی توسیع کے کام کی بندش سے روزانہ 2 کروڑ روپے کا نقصان ہورہا ہے اور اس کی تکمیل میں حائل مختلف رکاوٹوں کے باعث تاخیر ہورہی ہے۔
گورنر سندھ نے PIDCL کے ترقیاتی منصوبوں میں تاخیر کا سخت نوٹس لیا اور منصوبوں کی تکمیل میں تاخیر پر برہمی کا اظہار کرتے ہوئے مکمل اور زیرِ تعمیر منصوبوں کی تفصیلی رپورٹ طلب کرلی۔ انہوں نے منصوبوں کی تکمیل میں حائل وجوہات اور رکاوٹیں فوری طور پر دور کرنے کی ہدایت بھی کی۔
کامران ٹیسوری نے کہا کہ عوامی مفاد میں جاری تمام ترقیاتی منصوبے مقررہ وقت پر مکمل کیے جائیں۔ منصوبوں میں کسی قسم کی کوتاہی یا غفلت برداشت نہیں کی جائے گی۔ انہوں نے پی آئی ڈی سی ایل حکام کو شفافیت، معیار اور رفتار یقینی بنانے کی ہدایت بھی کی۔
پاکستان میں اسموگ کے زراعت پر اثرات اور ممکنہ حل