وزن میں اتنی بڑی تبدیلی کیسے ہوئی؟ کرن جوہر نے خاموشی توڑ دی
اشاعت کی تاریخ: 25th, October 2025 GMT
بھارتی فلم ساز کرن جوہر نے اپنے وزن میں حیرت انگیز کمی سے متعلق گردش کرنے والی افواہوں پر ردِعمل دے دیا۔
کرن جوہر حال ہی میں ٹوئنکل کھنہ اور کاجول کے شو میں شریک ہوئے، جہاں اداکارہ جھانوی کپور بھی مہمان تھیں۔ دورانِ گفتگو ٹوئنکل نے کرن کے اچانک وزن کم کر کے دُبلا پتلا ہونے پر مزاحیہ انداز میں اُنہیں چھیڑا، جس پر محفل قہقہوں سے گونج اٹھی۔
کرن جوہر نے ہنستے ہوئے کہا، ’’لوگ سمجھتے ہیں کہ میں کچھ دوائیں جیسے اوزیمپک استعمال کرتا ہوں، اسی لیے کھانا نہیں کھاتا۔‘‘
اس پر ٹوئنکل نے مزاحیہ انداز میں جواب دیا، ’’بیٹا، اتنے انجیکشن مت لیا کرو! اتنا دبلا ہو گیا ہے، ممی کیا بولے گی؟‘‘ جس پر کرن نے ہنستے ہوئے کہا، ’’ممی تو آج کل کچھ نہیں کہتی‘‘۔
یاد رہے کہ کرن جوہر کے وزن میں نمایاں تبدیلی گزشتہ کچھ دنوں سے سوشل میڈیا پر موضوعِ بحث بنی ہوئی ہے، جہاں مداحوں نے مختلف قیاس آرائیاں کیں۔ تاہم کرن نے واضح کیا کہ اُن کی فٹنس کا راز کسی دوا یا انجیکشن میں نہیں بلکہ منظم غذا، ورزش اور صحت مند طرزِ زندگی میں ہے۔
ایک حالیہ انٹرویو میں کرن جوہر نے بتایا تھا کہ ان کہ وزن میں بڑی تبدیلی ایک مشہور ڈائیٹ پلان ’اومیڈ‘ یعنی ’ون میل آ ڈے‘ کی وجہ سے آئی ہے وہ 24 گھنٹوں میں صرف ایک بار کھانا کھاتے ہیں تاہم صحت بخش غذاؤں کا انتخاب کرتے ہیں جس سے وزن میں حیرت انگیز کمی ممکن ہوئی۔
.ذریعہ: Express News
کلیدی لفظ: کرن جوہر نے
پڑھیں:
100 دنوں میں کیا کیا ہوا؟ ڈکی بھائی نے خاموشی توڑ دی
معروف یوٹیوبر سعد الرحمٰن المعروف ڈکی بھائی نے 100 روز بعد خاموشی توڑ دی، گرفتاری کے بعد پیش آنے والے حالات سے مداحوں کو آگاہ کردیا۔
ڈکی بھائی نے 100 روزہ وقفے کے بعد یوٹیوب پر واپسی کرلی، حال ہی میں جاری کی گئی ویڈیو نے شائقین کی بڑی تعداد کو اپنی جانب متوجہ کیا، جو ان کی طویل غیرحاضری کے بعد کسی وضاحت کے منتظر تھے۔
رہائی کے بعد پہلی بار سوشل میڈیا پلیٹ فارم پر اپنے بیان میں ڈکی بھائی نے جوئے کی ایپس کیس میں گرفتاری کے بعد گزرے دشوار ترین دنوں کا کھل کر ذکر کیا اور کئی بار آبدیدہ ہوگئے۔
انہوں نے بتایا کہ گزشتہ چند ماہ میرے لیے انتہائی کٹھن ثابت ہوئے، جس میں قانونی پیچیدگیاں، عوامی ردِعمل اور شدید تنہائی جیسے چیلنجز شامل تھے۔
ڈکی بھائی کا کہنا تھا کہ حراست میں گزارا گیا وقت میری زندگی کا سب سے مشکل مرحلہ تھا، جہاں مجھے نیند کی کمی، شدید ذہنی دباؤ اور مستقبل کے خوف نے بے حد متاثر کیا۔
انہوں نے اعتراف کیا کہ اس دوران میری ذہنی اور جسمانی صحت بری طرح متاثر ہوئی، تاہم گھر واپسی نے مجھے نئی ہمت اور سکون عطا کیا ہے۔
ڈکی بھائی نے بتایا کہ این سی سی آئی اے نے میرا 23 روزہ ریمانڈ لیا، میں نے ان کو پہلے 23 منٹ میں سب بتادیا تھا، موبائل، لیپ ٹاپ اور تمام اکاؤنٹس کے پاسورڈ دے دیے تھے پھر بھی بری طرح تشدد کا نشانہ بنایا گیا، تعاون کے باوجود مجھ پر تشدد کیا گیا اور گالیاں دی گئیں۔
افواہوں پر بات کرتے ہوئے انہوں نے واضح کیا کہ سوشل میڈیا پر گردش کرنے والے کئی دعوے بے بنیاد تھے، خاموش رہنے کی وجہ ایک یہ بھی تھی کہ میں قانونی کارروائی کو متاثر نہیں کرنا چاہتا تھا، اس لیے مناسب وقت کا انتظار ضروری تھا، اب جبکہ قانونی مرحلہ مکمل ہو چکا ہے، تو میں نے اپنے مداحوں کو اصل صورتِ حال سے آگاہ کرنے کا فیصلہ کیا ہے۔
ڈکی بھائی نے اپنے چاہنے والوں کو یقین دلایا کہ میں دوبارہ کام کا آغاز کرنے کے لیے پُرجوش ہوں، مزید لگن اور توانائی کے ساتھ نیا مواد بنانے اور آئندہ منصوبوں پر کام کرنے کے لیے بھی تیار ہوں۔
عمران خان سے ملاقات: وزیراعلیٰ سہیل آفریدی کو اڈیالہ جیل جانے سے روک دیا گیا