اسپیکر پنجاب اسمبلی کی رہائش گاہ پر چینی قونصل جنرل کی آمد، ترقیاتی منصوبوں کا اعلان
اشاعت کی تاریخ: 10th, December 2025 GMT
اسپیکر پنجاب اسمبلی ملک محمد احمد خان کا کہنا ہے کہ اسکول سے باہر بچوں کو تعلیمی نظام میں لانا حکومت کی اولین ترجیح ہے کیونکہ تعلیم کے بغیر ترقی ناممکن ہے، ۔
اپنی رہائش گاہ کھڈیاں میں منعقدہ ایک بڑے عوامی اجتماع سے خطاب کرتے ہوئے اسپیکر پنجاب اسمبلی نے کہا کہ پاکستان اس وقت بڑے مسائل کا شکار ہے۔
ان کے مطابق آبادی تیزی سے بڑھ رہی ہے لیکن وسائل اسی رفتار سے نہیں بڑھ سکے، جس کے باعث عوام مشکلات میں گھری ہوئی ہے۔
یہ بھی پڑھیں: فوج کو کمزور کرکے پارلیمنٹ مضبوط نہیں ہوسکتی، اسپیکر پنجاب اسمبلی ملک احمد خان
انہوں نے کہا کہ ان کا علاقہ سہجرہ سے کنگن پور تک مسائل سے دوچار ہے اور حکومت ان چیلنجز کو کم کرنے کے لیے عملی اقدامات کر رہی ہے۔
ملک محمد احمد خان نے بتایا کہ گزشتہ 2 سالوں میں علاقے کے لیے قابلِ ذکر کام کیے گئے ہیں لیکن ابھی بہت کچھ کرنا باقی ہے۔
’ہم 50 کے قریب نئی سڑکیں تعمیر کر رہے ہیں تاکہ آمدورفت، معاشی سرگرمیوں اور بنیادی سہولیات تک رسائی کو بہتر بنایا جا سکے۔‘
مزید پڑھیں: افغانستان کا معاملہ پیچیدہ، پاکستان نے بہت نقصان اٹھایا ہے، اسپیکر پنجاب اسمبلی ملک احمد خان
انہوں نے یہ بھی یاد دلایا کہ یہ علاقہ سابق وزیر اعظم شہباز شریف کا انتخابی حلقہ بھی رہا ہے جہاں انہوں نے نمایاں ترقیاتی منصوبے شروع کیے تھے۔
تعلیم کے حوالے سے بات کرتے ہوئے اسپیکر پنجاب اسمبلی نے کہا کہ پنجاب میں ڈھائی کروڑ بچے اسکولوں سے باہر ہیں، جو ایک تشویشناک صورتحال ہے۔
انہوں نے انکشاف کیا کہ دیہات کے ایک سرکاری اسکول میں زیر تعلیم بچے پر سالانہ صرف 87 ڈالر خرچ ہوتے ہیں، جبکہ نجی اسکولوں میں ایک بچے پر ہفتہ وار 30 سے 60 ہزار روپے تک خرچ کیا جاتا ہے، جو تعلیمی عدم مساوات کا کھلا ثبوت ہے۔
مزید پڑھیں: افغانستان کا معاملہ پیچیدہ، پاکستان نے بہت نقصان اٹھایا ہے، اسپیکر پنجاب اسمبلی ملک احمد خان
’ہمیں پرائمری اور مڈل اسکول سے آگے بڑھ کر ہائی اسکولز، کالجز اور ٹیکنیکل ادارے قائم کرنا ہوں گے تاکہ نوجوانوں کو روزگار کے قابل بنایا جا سکے۔‘
انہوں نے کہا کہ تعلیم کے بغیر ترقی ناممکن ہے، اور یہ کہ اسکول سے باہر بچوں کو تعلیمی نظام میں لانا حکومت کی اولین ترجیح ہے۔
انہوں نے حدیث نبوی ﷺ کا حوالہ دیتے ہوئے کہا کہ علم حاصل کرو چاہے چین ہی کیوں نہ جانا پڑے اور اس موقع پر چینی تعاون کی اہمیت بھی اجاگر کی۔
مزید پڑھیں: اسپیکر پنجاب اسمبلی سے آسٹریلوی ہائی کمشنر کی ملاقات، باہمی تعاون بڑھانے پر اتفاق
چینی قونصل جنرل زاؤ شیریں تقریب میں خصوصی طور پر شریک ہوئے، ان کی آمد پر اسپیکر پنجاب اسمبلی نے ان کا بھرپور شکریہ ادا کرتے ہوئے کہا کہ چین ہمیشہ پاکستان کے مشکل وقت میں ساتھ کھڑا رہا ہے۔
انہوں نے کہا کہ چینی قونصل جنرل کا ہمارے علاقے کے غریب، نادار اور مستحق افراد تک ویل چیئرز اور امدادی سامان پہنچانا بہت بڑا کام ہے۔
تقریب سے خطاب کرتے ہوئے چینی قونصل جنرل نے کہا کہ قصور کے لوگوں نے پاک چین دوستی کے پرچم لہرا کر جس گرمجوشی کا اظہار کیا، وہ ان کے لیے قابلِ قدر ہے۔
مزید پڑھیں: ’پیسے دے کر اسپیکر پنجاب اسمبلی پر جھوٹا مقدمہ درج کروا سکتا ہوں‘
انہوں نے کہا کہ قصور جیسے تاریخی شہر کا دورہ ان کے لیے اعزاز ہے۔
اپنے خطاب کے اختتام پر اسپیکر پنجاب اسمبلی نے وزیر اعظم شہباز شریف اور وزیر اعلیٰ مریم نواز کا بھی شکریہ ادا کیا اور بتایا کہ انتخابی وعدے کے مطابق موٹروے منصوبہ تکمیل کے قریب ہے۔
’یہ صرف ایک سڑک نہیں بلکہ روزگار، معاشی ترقی اور خوشحالی کا راستہ ہے۔‘
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
اسپیکر پاکستان پنجاب اسمبلی چین چینی قونصل جنرل شہباز شریف قصور مریم نواز ملک احمد خان موٹر وے.
ذریعہ
ذریعہ: WE News
کلیدی لفظ: اسپیکر پاکستان پنجاب اسمبلی چین چینی قونصل جنرل شہباز شریف مریم نواز ملک احمد خان موٹر وے اسپیکر پنجاب اسمبلی ملک اسپیکر پنجاب اسمبلی نے چینی قونصل جنرل انہوں نے کہا کہ ملک احمد خان مزید پڑھیں کرتے ہوئے کے لیے
پڑھیں:
چینی سائنسدانوں کی اہم پیش رفت، نیند بڑھانے والا قدرتی مالیکیول دریافت
دنیا بھر میں لاکھوں افراد بے خوابی اور نیند کی مختلف خرابیوں کا شکار ہیں، تاہم چینی سائنسدانوں نے ایک ایسے قدرتی مالیکیول کی نشاندہی کی ہے جو دماغ میں نیند کی خواہش کو بڑھانے میں اہم کردار ادا کرتا ہے۔ ماہرین کے مطابق یہ دریافت مستقبل میں بے خوابی اور دیگر نیند کے مسائل کے لیے نئی، محفوظ اور مؤثر ادویات کی تیاری میں اہم سنگ میل ثابت ہو سکتی ہے۔
چینی اکیڈمی آف سائنسز اور دیگر تحقیقی اداروں کے سائنسدانوں کی یہ تحقیق معروف سائنسی جریدےنیچر نیورو سائنس (Nature Neuroscience) میں شائع ہوئی ہے۔ تحقیق کے مطابق ٹرپٹامین (Tryptamine یا TrpA) نامی قدرتی مالیکیول دماغ کو یہ اشارہ دیتا ہے کہ جسم کو آرام اور نیند کی ضرورت ہے۔
محققین کا کہنا ہے کہ مناسب نیند انسانی صحت کے لیے انتہائی ضروری ہے، کیونکہ اسی دوران دماغ یادداشت کو منظم کرتا، نئی معلومات محفوظ بناتا اور روزمرہ سرگرمیوں کے دوران جمع ہونے والے فاضل مادوں کو خارج کرتا ہے۔ اس کے باوجود دنیا بھر میں بے خوابی، ذہنی دباؤ، ڈپریشن، بے چینی اور جسمانی گھڑی (سرکیڈین ردھم) کی خرابی کے باعث لاکھوں افراد مناسب نیند سے محروم رہتے ہیں۔
تحقیق کے دوران سائنسدانوں نے رات کو متحرک رہنے والے چوہوں اور دن میں سرگرم رہنے والے سوروں پر تجربات کیے۔ خصوصی فلوروسینٹ سینسر کی مدد سے جانوروں کے دماغی مائع میں ٹرپٹامین کی مقدار مختلف اوقات میں ریکارڈ کی گئی۔
نتائج سے معلوم ہوا کہ جتنا زیادہ وقت جانور جاگتے رہے، ان کے دماغی مائع میں ٹرپٹامین کی مقدار بھی اتنی ہی بڑھتی گئی۔ اس سے ظاہر ہوا کہ یہ مالیکیول جسم میں بڑھنے والے سلیپ پریشر یعنی نیند کی قدرتی طلب کی عکاسی کرتا ہے۔
مزید تحقیق سے پتا چلا کہ جاگنے کے دوران متحرک مخصوص اعصابی خلیے ٹرپٹامین خارج کرتے ہیں، جو بعد ازاں GPR139 نامی ریسیپٹر سے جڑ کر دماغ کے اس حصے کو متحرک کرتا ہے جو نیند کو فروغ دینے میں اہم کردار ادا کرتا ہے۔
سائنسدانوں نے تجرباتی طور پر ایسے مرکبات بھی استعمال کیے جو GPR139 ریسیپٹر کو متحرک کرتے ہیں۔ نتائج کے مطابق ان مرکبات سے نہ صرف نیند کا دورانیہ بڑھا بلکہ اس کے معیار میں بھی نمایاں بہتری دیکھی گئی۔
ماہرین کا کہنا ہے کہ اگر مستقبل کی تحقیقات میں یہی حیاتیاتی نظام انسانوں میں بھی ثابت ہو جاتا ہے تو بے خوابی اور دیگر نیند کی خرابیوں کے علاج کے لیے ایسی نئی ادویات تیار کی جا سکیں گی جو موجودہ ادویات کے مقابلے میں زیادہ محفوظ، مؤثر اور کم مضر اثرات کی حامل ہوں گی۔
متنازع ٹوئٹس کیس: ایمان مزاری، ہادی چٹھہ کی اپیل کی سماعت کل ہوگی