فیلڈ مارشل سید عاصم منیر کی بطور چیف آف ڈیفنس فورسز تعیناتی پر پنجاب اسمبلی میں تہنیتی قرارداد جمع
اشاعت کی تاریخ: 8th, December 2025 GMT
فیلڈ مارشل کی بطور چیف آف دی ڈیفنس فورسز تعیناتی پر مبارکباد دیتے ہوئے استحکام پاکستان پارٹی کے رکن پنجاب اسمبلی محمد شعیب صدیقی نے تہنیتی قرارداد پنجاب اسمبلی میں جمع کرا دی ہے۔
قرارداد میں فیلڈ مارشل سید عاصم منیر کی بطور چیف آف دی ڈیفنس فورسز تعیناتی کو ملک کی عسکری تاریخ کا ’نیا اور سنہری باب‘ قرار دیتے ہوئے ان کی قیادت کو زبردست خراجِ تحسین پیش کیا گیا۔
قرارداد میں کہا گیا ہے کہ چیف آف دی ڈیفنس فورسز کی اس اہم تعیناتی سے نہ صرف پاکستان کا دفاعی ڈھانچہ مضبوط ہوا ہے بلکہ بین الاقوامی سطح پر بھی ملک کا وقار بلند ہوا ہے۔
یہ بھی پڑھیں: صدر مملکت نے تینوں مسلح افواج سے متعلق ترمیمی بلوں کی منظوری دے دی
متن کے مطابق اس عہدے سے بھارت سمیت تمام دشمن ممالک کے اوسان خطا ہو چکے ہیں جبکہ یہ تعیناتی پاکستان کی سرحدوں کو مزید محفوظ اور ناقابلِ تسخیر بنانے کے عزم کا واضح اظہار ہے۔
شعیب صدیقی نے مؤقف اختیار کیا کہ فیلڈ مارشل کی قیادت میں قومی سلامتی کے ادارے اور سول حکومت ایک پیج پر ہیں اور قوم کو اس مضبوط عسکری قیادت پر مکمل بھروسہ ہے۔
مزید پڑھیں: 27ویں آئینی ترمیم : چیف آف ڈیفنس فورسز کا عہدہ آرمی چیف کے پاس ہی رہے گا، وزیر دفاع خواجہ آصف
قرارداد میں اس بات پر بھی اعتماد کا اظہار کیا گیا کہ دفاعی استحکام اور داخلی امن کی بحالی ہی معاشی و معاشرتی ترقی کا بنیادی ستون ہیں۔
قرارداد کے متن کے مطابق پاک فوج کی ملک میں معاشی استحکام اور سلامتی کے لیے مسلسل کاوشوں پر ایوان کو مکمل یقین ہے، جبکہ فیلڈ مارشل سید عاصم منیر کی سربراہی میں ملکی دفاعی نظام اہم سنگِ میل عبور کر رہا ہے۔
پنجاب اسمبلی نے چیف آف دی ڈیفنس فورسز کی کامیاب مدتِ ملازمت کے لیے نیک تمناؤں کا اظہار کرتے ہوئے دعا کی ہے کہ وہ اپنی قیادت میں ملک کو بھرپور کامیابیوں سے ہمکنار کریں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
استحکام پارٹی پاک فوج پنجاب اسمبلی چیف آف دی ڈیفنس فورسز سول حکومت سید عاصم منیر شعیب صدیقی عسکری تاریخ فیلڈ مارشل قومی سلامتی معاشی استحکام.
ذریعہ
ذریعہ: WE News
کلیدی لفظ: استحکام پارٹی پاک فوج پنجاب اسمبلی چیف آف دی ڈیفنس فورسز سول حکومت عسکری تاریخ فیلڈ مارشل قومی سلامتی معاشی استحکام چیف آف دی ڈیفنس فورسز پنجاب اسمبلی فیلڈ مارشل
پڑھیں:
سکیورٹی فورسز کی مختلف کارروائیوں میں 17 دہشت گرد جہنم واصل
پاک فوج کے شعبہ تعلقات عامہ کے مطابق بلوچستان کے مختلف اضلاع میں کارروائیوں کے دوران سکیورٹی فورسز نے دہشتگردوں کے ٹھکانوں کو مؤثر طریقے سے نشانہ بنایا۔ اسلام ٹائمز۔ آئی ایس پی آر کے مطابق 24 مئی ٹرین حادثے کے بعد سکیورٹی فورسز نے بلوچستان کے مختلف اضلاع میں میں انٹیلی جنس پر مبنی آپریشنز کئے، آپریشن کا سلسلہ مستونگ، نوشکی، زہری، خضدار اور کیچ میں شروع کیا گیا۔ پاک فوج کے شعبہ تعلقات عامہ کے مطابق کارروائیوں کے دوران سکیورٹی فورسز نے دہشتگردوں کے ٹھکانوں کو مؤثر طریقے سے نشانہ بنایا، شدید فائرنگ کے تبادلے میں ہندوستانی پراکسی فتنہ الہندوستان سے تعلق رکھنے والے 17 دہشت گردوں کو ہلاک کر دیا گیا۔
آئی ایس پی آر کے مطابق ہلاک دہشت گردوں کے قبضے سے اسلحہ، گولہ بارود، دھماکہ خیز مواد اور دیسی ساختہ بم بھی برآمد ہوئے، ہلاک دہشت گرد علاقے میں دہشت گرد کی متعدد کارروائیوں میں ملوث تھے۔ پاک فوج کے شعبہ تعلقات عامہ کے مطابق علاقوں میں کلیئرنس آپریشنز جاری ہے، عزمِ استحکام کے تحت انسداد دہشتگردی مہم پوری قوت سے جاری رہے گی، ملک سے بیرونی سرپرستی میں ہونے والی دہشتگردی کا خاتمہ کیا جائے گا۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ