ورلڈ پاور لفٹنگ چیمپئن شپ: پنجاب پولیس کے ایتھلیٹس نے 5 میڈلز جیت لیے
اشاعت کی تاریخ: 2nd, December 2025 GMT
ورلڈ پاور لفٹنگ چیمپئن شپ 2025 میں پنجاب پولیس کے ایتھلیٹس نے 5 میڈلز جیت لیے۔
سری لنکا کے دارالحکومت کولمبو میں ہونے والی چیمپئن شپ کے مقابلوں میں دنیا بھر کے ایتھلیٹس نے حصہ لیا۔
ترجمان پنجاب پولیس کے مطابق پولیس ایتھلیٹس نے 4 گولڈ اور ایک ایک سلور میڈل حاصل کیا۔
انسپکٹر ارم خانم نے 84 کلوگرام کیٹیگری میں 2 گولڈ میڈلز اپنے نام کیے۔ ہیڈ کانسٹیبل مجید ڈوگر نے ماسٹر تھری کیٹیگری میں 2 گولڈ میڈلز جیتے۔
کانسٹیبل عظیم گجر نے سینئر کیٹیگری میں سلور میڈیل جیتا۔
آئی جی پنجاب ڈاکٹر عثمان انور نے ورلڈ پاور لفٹنگ چیمپئن شپ میں میڈل جیت کر محکمے کا نام روشن کرنے والے پولیس ایتھلیٹس کو شاباش دی۔
ڈاکٹر عثمان انور نے کہا کہ پنجاب پولیس کی اسپورٹس ٹیمیں بین الاقوامی و قومی سطح پر مسلسل کامیابیاں سمیٹ رہی ہیں۔ بین الاقوامی کھیلوں میں میڈلز جیتنے والے کھلاڑی پنجاب پولیس کا فخر ہیں۔
انہوں نے مزید کہا کہ پولیس کھلاڑیوں کی حوصلہ افزائی، سرپرستی کے لیے بھرپور اقدامات جاری رہیں گے۔
ڈائریکٹر جنرل پاکستان پولیس اسپورٹس بورڈ ایڈیشنل آئی جی عمران ارشد، چیف اسپورٹس آفیسر ڈی آئی جی اطہر اسماعیل نے بھی فاتح کھلاڑیوں کو خراج تحسین پیش کیا۔
.ذریعہ: Daily Mumtaz
کلیدی لفظ: ایتھلیٹس نے پنجاب پولیس چیمپئن شپ
پڑھیں:
پنجاب ٹریفک پولیس کی بھرپور کارروائی، 64 ہزار چالان اور 8 کروڑ سے زائد جرمانے ایک روز میں
data-id="863a0a8" data-element_type="widget" data-widget_type="theme-post-content.default">
پنجاب بھر میں ٹریفک قوانین کی خلاف ورزی پر کریک ڈاؤن تیزی سے جاری ہے، جہاں ٹریفک پولیس مسلسل کارروائیاں کر رہی ہے۔
گزشتہ 24 گھنٹوں میں مجموعی طور پر 63 ہزار 970 گاڑیوں اور موٹر سائیکلوں کے چالان کیے گئے جن پر 8 کروڑ 42 لاکھ 90 ہزار روپے کے جرمانے عائد ہوئے۔
ترجمان ٹریفک پولیس کے مطابق 23 ہزار 904 گاڑیاں مختلف تھانوں میں زیرِ تحویل ہیں جب کہ صرف ہیلمٹ نہ پہننے پر ایک دن میں 28 ہزار چالان کیے گئے اور 4 ہزار 312 افراد کے خلاف مقدمات درج کیے گئے ہیں۔
ترجمان کا کہنا ہے کہ ٹریفک قوانین پر سختی سے عملدرآمد کے لیے گوجرانوالہ، فیصل آباد، راولپنڈی اور ملتان میں ڈرونز استعمال کیے جا رہے ہیں، جبکہ ٹریفک کوئیک فورس کی ٹیمیں بھی سڑکوں پر موجود ہیں تاکہ نگرانی مزید مؤثر بنائی جا سکے۔
کوئٹہ: 13 کروڑ 66 لاکھ کی منشیات برآمد، 2ملزمان گرفتار