نادرا کا آگاہی سیمینار، ایپلی کیشن Pak-ID پر تفصیلی بریفنگ
اشاعت کی تاریخ: 18th, February 2026 GMT
data-id="863a0a8" data-element_type="widget" data-e-type="widget" data-widget_type="theme-post-content.default">
اسلام آباد ( نمائندہ جسارت) پاکستان میں عوامی خدمات کی بتدریج ڈیجیٹلائزیشن کے تناظر میںنادرا کے حکام نے رفاہ انسٹی ٹیوٹ آف میڈیا سائنسز (RIMS) میں منعقدہ ایک آگاہی سیمینار کے دوران ڈیجیٹل شناختی نظام کی اہمیت اور افادیت پر زور دیا۔ رفاہ یونیورسٹی، اسلام آباد میں منعقدہ اس سیشن میں نادرا کی فلیگ شپ موبائل ایپلی کیشن Pak-ID پر تفصیلی بریفنگ دی گئی اور بتایا گیا کہ یہ ایپ روایتی کاغذی کارروائی اور طویل قطاروں کے نظام کو بتدریج موبائل اسکرین پر منتقل کر رہی ہے۔ ڈپٹی ڈائریکٹر نادرا علی بٹ نے اپنی گفتگو میں 2000 میں ادارے کے قیام سے لے کر اب تک کے سفر کا ذکر کرتے ہوئے کہا کہ نادرا کا بنیادی مقصد شہریوں کی محفوظ شناخت کو یقینی بنانا اور دستاویزی جعل سازی کی روک تھام ہے۔انہوں نے کہا کہ پاک آئی ڈی ایپ اسی وژن کی عملی توسیع ہے۔’’نہ قطار، نہ انتظار، تمام سہولیات آپ کے فون پر‘‘ کے سلوگن کے تحت متعارف کرائی گئی اس ایپ کا مقصد شہریوں کو بنیادی دستاویزی خدمات کیلیے نادرا دفاتر کے چکر لگانے سے بچانا ہے۔
ذریعہ
ذریعہ: Jasarat News
پڑھیں:
آزادکشمیرکے ضلع میرپور میں انٹرنیٹ سروسز مرحلہ وار بحال ہونا شروع
سٹی 42:فری لانسرز اور آئی ٹی سے وابستہ افراد کے لیے بڑی خوشخبری آگئی آزادکشمیرکے ضلع میرپور میں انٹرنیٹ سروسز مرحلہ وار بحال ہونا شروع ہوگئی ۔طویل بندش کے بعد شہریوں نے سکھ کا سانس لے لیا، خوشی کی لہر دوڑ گئی۔
مختلف علاقوں میں سوشل میڈیا اور آن لائن سروسز جزوی طور پر بحال ہوگئی ۔۔چیئرمین پیپلزپارٹی بلاول بھٹو نے انٹرنیٹ سروس بحال کرنے کا مطالبہ کیا تھا شہریوں نے حکومت سے مستقبل میں بلا تعطل سروس کی فراہمی کا مطالبہ کیا تھا ۔
میرپور اور گردونواح میں انٹرنیٹ سروسز مرحلہ وار بحال ہونا شروع ہوگئی ۔طویل بندش کے بعد شہریوں نے سکھ کا سانس لے لیا، خوشی کی لہر دوڑ گئی۔مختلف علاقوں میں سوشل میڈیا اور آن لائن سروسز جزوی طور پر بحال ہو رہی ہیں ۔ کاروباری طبقے نے انٹرنیٹ بحالی کے فیصلے کا خیرمقدم کیا ۔ طلبہ کو آن لائن تعلیم اور اسائنمنٹس میں دوبارہ سہولت میسر مل گئی ۔
فری لانسرز اور آئی ٹی سے وابستہ افراد کے لیے بڑی خوشخبری آگئی ۔شہریوں کا کہنا ہے کہ انٹرنیٹ بندش سے معمولات زندگی شدید متاثر ہوئے،بینکنگ، ای کامرس اور آن لائن ٹرانزیکشنز بھی متاثر رہی تھیں۔بحالی کے بعد کاروباری سرگرمیوں میں تیزی آنے کا امکان ہے ۔ بعض علاقوں میں انٹرنیٹ کی رفتار تاحال سست، مکمل بحالی کا انتظار کیا جارہاہے ۔ انتظامیہ کے مطابق جلد تمام علاقوں میں مکمل سروس بحال کر دی جائے گی۔
شہریوں نے حکومت سے مستقبل میں بلا تعطل سروس کی فراہمی کا مطالبہ کردیا ۔
پاکستان کے ماحولیاتی نمونوں میں پولیو وائرس کی مثبت شرح میں کمی آگئی
پاکستان نے ورلڈ کپ 2028 کیلیے براہ راست کوالیفائی کر لیا