فیلڈ مارشل سید عاصم منیر کو ملک کے پہلے چیف آف ڈیفنس فورسز کی حیثیت سے گارڈ آف آنر پیش
اشاعت کی تاریخ: 8th, December 2025 GMT
راولپنڈی کے جنرل ہیڈکوارٹرز (جی ایچ کیو) میں پیر کے روز ایک پروقار تقریب کا انعقاد کیا گیا، جس میں چیف آف ڈیفنس فورسز (CDF) اور چیف آف آرمی اسٹاف (COAS) فیلڈ مارشل سید عاصم منیر کو گارڈ آف آنر پیش کیا گیا۔
تقریب کے دوران تینوں مسلح افواج پاک فوج، پاک بحریہ اور پاک فضائیہ کے چاق چوبند دستوں نے فیلڈ مارشل سید عاصم منیر کو سلامی پیش کی۔
تقریب میں پاک فضائیہ کے سربراہ ایئر چیف مارشل (ACM) ظہیر احمد بابر سدھو، پاک بحریہ کے سربراہ ایڈمرل نوید اشرف سمیت تینوں افواج کے سینئر افسران نے شرکت کی۔
یہ بھی پڑھیے وزارت دفاع نے فیلڈ مارشل سید عاصم منیر کی بطور چیف آف ڈیفنس فورسز تعیناتی کا نوٹیفکیشن جاری کردیا
یاد رہے کہ گزشتہ جمعے کو وزارت دفاع نے فیلڈ مارشل سید عاصم منیر کو چیف آف ڈیفنس فورسز مقرر کرنے کا باضابطہ نوٹیفکیشن جاری کیا تھا۔ یہ منظوری صدر آصف علی زرداری نے وزیرِ اعظم شہباز شریف کی ایڈوائس پر دی۔
فیلڈ مارشل چیف آف آرمی اسٹاف سی ڈی ایف سید عاصم منیر کو جی ایچ کیومیں گارڈآف آنرپیش کیا جارہا ہے pic.
— WE News (@WENewsPk) December 8, 2025
فیلڈ مارشل سید عاصم منیر، جنہیں رواں سال فیلڈ مارشل کے عہدے پر ترقی دی گئی، اگلے 5 برس تک بیک وقت چیف آف ڈیفنس فورسز اور چیف آف آرمی اسٹاف کے منصب پر خدمات انجام دیں گے۔
فیلڈ مارشل سید عاصم منیر پاکستان کے دوسرے فیلڈ مارشل اور تقریباً 6 دہائیوں بعد یہ اعزاز پانے والے پہلے افسر ہیں۔ انہیں یہ تاریخی اعزاز بھارت کے خلاف مئی کی جنگ میں پاکستان کی فیصلہ کن فتح کے بعد دیا گیا۔
CDF کے نئے عہدے کا قیام صدر آصف علی زرداری کی جانب سے پاک فوج، پاک فضائیہ اور پاک بحریہ (ترمیمی) بل 2025 کی منظوری کے بعد عمل میں آیا۔
ترمیم کے مطابق آرٹیکل 243 کے وہ تمام اختیارات جو فیلڈ مارشل کے لیے ہیں، اب کسی بھی جنرل کو فیلڈ مارشل کے عہدے پر ترقی دینے کی صورت میں لاگو ہوں گے۔
CDF فیلڈ مارشل سید عاصم منیر کا مختصر پروفائلفیلڈ مارشل اور چیف آف ڈیفنس فورسز سید عاصم منیر نے 1986 میں 23 ایف ایف رجمنٹ سے کمیشن حاصل کیا۔ وہ 17ویں آفیسرز ٹریننگ کورس، منگلا کے گریجویٹ ہیں۔
انہوں نے فوج میں کئی اہم عہدوں پر خدمات انجام دیں، جن میں کمانڈ اینڈ اسٹاف کالج کوئٹہ میں ڈائریکٹنگ اسٹاف، کیل میں تعینات انفنٹری بریگیڈ کے بریگیڈ میجر، سی جی ایس سیکریٹریٹ میں جی ایس او-2 اور منگلا کور کے چیف آف اسٹاف شامل ہیں۔ وہ جنرل ہیڈکوارٹرز میں کوارٹر ماسٹر جنرل بھی رہے۔
مزید پڑھیں: فیلڈ مارشل سید عاصم منیر پاکستان کے پہلے چیف آف ڈیفنس فورسز تعینات، صدر مملکت نے منظوری دیدی
انہوں نے 23 ایف ایف رجمنٹ اور ایک انفنٹری بریگیڈ کی کمانڈ کی جبکہ شمالی علاقہ جات (گلگت) میں فورس کمانڈر کے طور پر خدمات انجام دیں۔ وہ پاکستان کی 2 اہم خفیہ ایجنسیوں ملٹری انٹیلی جنس (MI) اور انٹر سروسز انٹیلی جنس (ISI) کے ڈائریکٹر جنرل بھی رہے ہیں۔
آئی ایس آئی کی سربراہی کے بعد وہ کور کمانڈر گوجرانوالہ تعینات ہوئے اور پھر کوارٹر ماسٹر جنرل کی حیثیت سے خدمات انجام دیں، جو ان کا آخری عہدہ تھا جس کے بعد انہیں آرمی چیف مقرر کیا گیا۔
فیلڈ مارشل منیر نے جاپان کے فوجی ادارے فوجی اسکول، کمانڈ اینڈ اسٹاف کالج کوئٹہ، ملائیشین آرمڈ فورسز کالج کوالالمپور اور نیشنل ڈیفنس یونیورسٹی اسلام آباد سے پیشہ ورانہ کورسز مکمل کیے ہیں۔
ان کے پاس نیشنل ڈیفنس یونیورسٹی سے پبلک پالیسی اور اسٹریٹیجک سیکیورٹی مینجمنٹ میں ایم فل کی ڈگری بھی ہے۔
CDF فیلڈ مارشل منیر پاکستان آرمی کے وہ پہلے سربراہ ہیں جنہیں سورڈ آف آنر کا اعزاز ملا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
آرمی چیف فیلڈ مارشل سید عاصم منیر چیف آف ڈیفنس فورسزذریعہ: WE News
کلیدی لفظ: ا رمی چیف فیلڈ مارشل سید عاصم منیر چیف آف ڈیفنس فورسز فیلڈ مارشل سید عاصم منیر کو چیف آف ڈیفنس فورسز خدمات انجام دیں کے بعد
پڑھیں:
ڈیفنس فورسز ہیڈ کوارٹرز کا قیام تاریخی تبدیلی ہے، فیلڈ مارشل عاصم منیر
چیف آف دی آرمی اسٹاف و چیف آف ڈیفنس فورسز فیلڈ مارشل عاصم منیر نے کہا کہ بدلتے ہوئے علاقائی اور عالمی خطرات کے تناظر میں اب ضروری ہے کہ پاکستان اپنی عسکری حکمتِ عملی کو ملٹی ڈومین آپریشنز کے جامع اور متحد نظام کے تحت مزید جدید اور مؤثر بنائے۔
نئے قائم کیے گئے ڈیفنس فورسز ہیڈ کوارٹرز میں تینوں مسلح افواج کے افسران سے خطاب کرتے ہوئے آرمی چیف نے اسے ایک ’تاریخی اور بنیادی تبدیلی‘ قرار دیا۔
یہ بھی پڑھیں:
فیلڈ مارشل نے کہا کہ ڈیفنس فورسز ہیڈ کوارٹرز کا قیام اس اسٹریٹیجک تبدیلی کی جانب ایک اہم قدم ہے، جو تینوں افواج کے آپریشنل رابطے اور ہم آہنگی کو مضبوط بنائے گا۔
انہوں نے واضح کیا کہ ہر سروس اپنی اندرونی خود مختاری، تنظیمی ڈھانچہ اور انفرادیت برقرار رکھتے ہوئے اپنی آپریشنل تیاریوں کو بہتر بنانے کی ذمہ دار رہے گی۔
جبکہ نیا ہیڈ کوارٹر تینوں افواج کے مشترکہ آپریشنز کو مربوط کرے گا۔
اپنے خطاب میں بھارت کو خبردار کرتے ہوئے انہوں نے کہا کہ بھارت کسی خود فریبی یا گمان کا شکار نہ رہے، اگلی بار پاکستان کا جواب اس سے بھی برق رفتار اور زیادہ شدید ہوگا۔
مزید پڑھیں:
انہوں نے مزید کہا کہ طالبان رجیم کو بھی دوٹوک پیغام دے دیا گیا ہے کہ وہ یا تو پاکستان کے خلاف سرگرم فتنۂ خوارج کا ساتھ چھوڑیں یا پھر اپنے انجام کے لیے تیار رہیں۔
آرمی چیف کے مطابق اس ضمن میں طالبان عبوری حکومت کے پاس کوئی تیسرا راستہ موجود نہیں۔
فیلڈ مارشل نے اس عزم کا اعادہ کیا کہ پاکستان ایک امن پسند ملک ہے، تاہم کسی بھی ریاست یا گروہ کو پاکستان کی خودمختاری اور علاقائی سالمیت کو للکارنے کی اجازت نہیں دی جائے گی۔
مزید پڑھیں:
انہوں نے کہا کہ پاکستان کا تصور ناقابلِ تسخیر ہے اور اس کی حفاظت جانبازوں کے ایمان، قربانیوں اور قوم کے اتحاد نے ممکن بنا رکھی ہے۔
انہوں نے اپنے خطاب کا اختتام ’پاکستان ہمیشہ زندہ باد‘ کا نعرہ لگا کرکیا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
چیف آف آرمی اسٹاف
ورلڈ پاور لفٹنگ چیمپئن شپ: پنجاب پولیس کے ایتھلیٹس نے 5 میڈلز جیت لیے