بانی سے آج کون ملاقات کرے گا؟ پی ٹی آئی نے فہرست جیل حکام کو بھیج دی
اشاعت کی تاریخ: 2nd, December 2025 GMT
--فائل فوٹو
اڈیالہ جیل راولپنڈی میں آج بانی پی ٹی آئی سے وکلاء رہنماؤں اور فیملی کی ملاقات کا دن ہے، پی ٹی آئی نے 6 وکلاء رہنماؤں کی فہرست جیل حکام کو بھیجی ہے۔
فہرست میں بیرسٹر گوہر، سلمان اکرم راجہ، سلمان صفدر، علی زمان، سردار نبی اور طلعت محمود کے نام شامل ہیں۔ بانی پی ٹی آئی کی بہنیں بھی آج ملاقات کے لیے اڈیالہ جیل جائیں گی۔
وزیراعلیٰ خیبر پختونخوا سہیل آفریدی کی بھی اڈیالہ جیل آمد متوقع ہے، اس سلسلے میں ضلعی انتظامیہ نے راولپنڈی میں 3 دن کے لیے دفعہ 144 نافذ کردی ہے۔
وزیرِ اعلیٰ خیبرپختون خوا سہیل آفریدی نے بانیٔ پی ٹی آئی عمران خان سے ملاقات نہ کروانے کے خلاف اسلام آباد ہائی کورٹ میں درخواست جمع کروادی ہے۔
ضلعی انتظامیہ نے کسی بھی سیاسی یا مذہبی اجتماع پر پابندی عائد کر رکھی ہے اور اڈیالہ جیل کے اطراف سیکیورٹی ہائی الرٹ کردی گئی ہے۔ اڈیالہ جیل روڈ پر اضافی پانچ ناکے قائم کیے گئے ہیں۔
پولیس نے اڈیالہ جیل کے لیے خصوصی سیکیورٹی پلان جاری کردیا گیا ہے، داہگل ناکہ، گیٹ ون، گیٹ پانچ، فیکٹری ناکہ اور گورکھپور پر پولیس کی اضافی نفری تعینات رہے گی۔
12 تھانوں کے ایس ایچ اوز اور خواتین پولیس اہلکار بھی تعینات رہینگی، اڈیالہ جیل کی سیکیورٹی کے لیے 700 سے زائد پولیس اہلکار و افسران تعینات ہونگے۔
سیکیورٹی پر مامور اہلکار اینٹی رائٹ سامان سے لیس ہونگے، اڈیالہ جیل روڈ پر چیکنگ کے بعد ہی گاڑیوں کو آگے جانے کی اجازت ہوگی۔ پولیس اور قانون نافذ کرنے والے ادارے باہمی تعاون سے امن و امان کو یقینی بنائینگے۔
.
ذریعہ
ذریعہ: Jang News
کلیدی لفظ: اڈیالہ جیل پی ٹی آئی کے لیے
پڑھیں:
مستونگ میں فتنہ الہندوستان کے 6 دہشتگرد مارے گئے، مرد و خواتین خودکش بمبار گرفتار
سیکیورٹی فورسز کی بلوچستان میں انٹیلیجنس بیسڈ مؤثر کارروائیاں جاری ہیں، مستونگ کے علاقہ کھڈ کوچہ میں فتنہ الہندوستان کے 6 دہشتگرد مارے گئے۔
سیکیورٹی فورسز کی کارروائی کے دوران متعدد دہشتگرد گرفتار کیے گئے، گرفتار دہشتگردوں میں سہولتکار سمیت مرد اور خواتین خودکش بمبار بھی شامل ہیں، کارروائی میں دہشتگردوں کےمتعدد ٹھکانے تباہ کر دیے گئے۔
علاقے میں سرچ اور کلیئرنس کارروائیاں جاری ہیں، سیکیورٹی فورسز کی جانب سے مکمل نگرانی برقرار ہے، دہشتگردوں کے ٹھکانوں سے بھاری مقدار میں اسلحہ، گولہ بارود برآمد کرلیا گیا ہے۔
سیکیورٹی ذرائع کا کہنا ہے کہ مستونگ کے علاقہ کھڈ کوچہ میں سیکیورٹی فورسز کی جانب سے انٹیلیجنس بیسڈ آپریشنز تیز کر دیے گئے، دہشت گردی کے خاتمے اور علاقے میں امن و امان کے قیام تک سیکیورٹی فورسز کی کارروائیاں جاری رہیں گی۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار