لائن آف کنٹرول پاہل میں پاک فوج کا ایک روزہ فری میڈیکل کیمپ
اشاعت کی تاریخ: 8th, December 2025 GMT
اسلم مرزا (جہلم ویلی )
لائن آف کنٹرول کے قریب واقع یونین کونسل پاہل میں پاک فوج کی جانب سے عوامی فلاح کے سلسلے میں ایک روزہ فری میڈیکل کیمپ کا انعقاد کیا گیا۔
کیمپ میں علاقے کے مختلف دیہات سے تعلق رکھنے والے سینکڑوں مرد، خواتین، بزرگ اور بچے طبی معائنے کے لیے پہنچے۔ سرد موسم اور دشوار گزار راستوں کے باوجود عوام کی بڑی تعداد کی آمد اس بات کا ثبوت تھی کہ علاقے میں صحت کی بنیادی سہولیات کی کس قدر شدید کمی ہے۔
میڈیکل کیمپ میں موجود پاک فوج کے ماہر ڈاکٹروں اور پیرامیڈیکل اسٹاف نے مریضوں کا مفت معائنہ کیا۔ شوگر، بلڈ پریشر، آنکھوں، جلد اور موسمی بیماریوں سمیت مختلف امراض کے مفت ٹیسٹ کیے گئے، جبکہ مریضوں کو ان کی بیماریوں کے مطابق مفت ادویات بھی فراہم کی گئیں۔ عوام نے اس اقدام پر اطمینان اور خوشی کا اظہار کیا کہ دور دراز علاقے میں اس نوعیت کی سہولت ان کے لیے بے حد مفید ہے۔
یہ بھی پڑھیے بالاکوٹ: پاک فوج کا سیلاب متاثرین کے لیے مفت میڈیکل کیمپ
ممبر ڈسٹرکٹ کونسل ملک اسحاق اعوان نے کیمپ کا دورہ کیا اور پاک فوج کی اس عوامی خدمت کو سراہا۔ انہوں نے کہا کہ پاک فوج نہ صرف سرحدوں کی حفاظت کرتی ہے بلکہ عوام کی فلاح و بہبود کے لیے بھی ہمیشہ پیش پیش رہتی ہے۔ انہوں نے کہا کہ ایل او سی کے قریب رہنے والی آبادی متعدد مشکلات کا سامنا کرتی ہے اور صحت کے شعبے میں اس طرح کی سہولیات فراہم کرنا قابل ستائش ہے۔
کیمپ میں موجود عوام نے بھی پاک فوج کے لیے نیک خواہشات کا اظہار کرتے ہوئے کہا کہ پاک فوج ہمیشہ ہمارے دکھ درد میں ساتھ دیتی ہے اور مشکل وقت میں ان کا تعاون ہمارے لیے حوصلے کا باعث بنتا ہے۔ علاقہ مکینوں کے مطابق اس طرح کے فری میڈیکل کیمپ نہ صرف فوری طبی سہولت فراہم کرتے ہیں بلکہ صحت عامہ کے بارے میں آگاہی بڑھانے میں بھی اہم کردار ادا کرتے ہیں۔
یہ بھی پڑھیے حکومت پاکستان کی مدد سے کشمیری پناہ گزین کامیابی کی راہ پر گامزن
فری میڈیکل کیمپ کے کامیاب انعقاد پر عوام نے پاک فوج سے اظہار تشکر کرتے ہوئے امید ظاہر کی کہ آئندہ بھی ایسے کیمپ جاری رہیں گے تاکہ بنیادی صحت کے مسائل میں مزید کمی لائی جا سکے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
.
ذریعہ
ذریعہ: WE News
کلیدی لفظ: فری میڈیکل کیمپ پاک فوج کے لیے
پڑھیں:
شہید آیت اللہ خامنہ ای کی تدفین کی تیاریاں، 3 روزہ تقریبات کا اعلان
ایرانی میڈیا میں شہید آیت اللہ سید علی خامنہ ای کی تدفین سے متعلق دعؤوں کے حوالے سے نئی تفصیلات سامنے آئی ہیں، جبکہ ایرانی حکام کی جانب سے مبینہ طور پر تدفین کے انتظامات کے حوالے سے تیاریوں کا ذکر کیا گیا ہے۔ اسلام ٹائمز۔ ایرانی خبررساں ایجنسی کے مطابق تہران کے نائب میئر برائے سماجی و ثقافتی امور محمد امین توکلی زادہ نے کہا ہے کہ تدفین سے قبل 3 روزہ عوامی تقریبات کا انعقاد کیا جائے گا، جن کے دوران عوام کو عظیم شہید راہنما کو خراجِ عقیدت پیش کرنے کا موقع دیا جائے گا۔ محمد امین توکلی زادہ کے مطابق عوامی تقریبات کے اختتام پر نمازِ جنازہ ادا کی جائے گی، جس کے بعد جلوس کا آغاز ہوگا، تہران میں یہ جلوس کم از کم 24 گھنٹے تک جاری رہ سکتا ہے۔ انہوں نے مزید بتایا کہ بعد ازاں تقریبات ایران کے اہم مذہبی مراکز قم اور مشہد میں بھی جاری رہیں گی، شہید آیت اللہ سید علی خامنہ ای کی خواہشات کے مطابق تدفین مشہد میں روضۂ امام رضاؑ کے قریب کیے جانے کا امکان ہے۔
ایرانی حکام کے مطابق یہ تقریب ملک کی جدید تاریخ کے بڑے عوامی اجتماعات میں شمار ہو سکتی ہے، تہران میں انتظامات اس انداز سے کیے جا رہے ہیں کہ ایک کروڑ 50 لاکھ سے 2 کروڑ افراد تک ان تقریبات میں شرکت کر سکیں۔ ان کے مطابق انتظامات کی مجموعی نگرانی پاسدارانِ انقلاب کریں گے جبکہ بلدیاتی حکام اور دیگر ریاستی ادارے لاجسٹک اور عوامی سہولیات کی فراہمی میں معاونت کریں گے۔ تاہم ان دعؤوں اور تفصیلات کی آزاد ذرائع سے تصدیق نہیں ہو سکی ہے۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ