جی ایچ کیومیں چیف آف ڈیفنس فورسز کے اعزاز میں گارڈ آف آنر کی تقریب
اشاعت کی تاریخ: 8th, December 2025 GMT
( احمد منصور )چیف آف ڈیفنس فورسز فیلڈ مارشل سید عاصم منیر کے اعزاز میں گارڈ آف آنر کی تقریب کا انعقاد کیا گیا ۔
جنرل ہیڈکوارٹرز (جی ایچ کیو) راولپنڈی میں منعقدہ پروقار تقریب میں فیلڈ مارشل سید عاصم منیر، نشان امتیاز (ملٹری)، ہلال جرات، چیف آف آرمی سٹاف و چیف آف ڈیفنس فورسز کو تینوں مسلح افواج کے دستے کی طرف سے گارڈ آف آنر پیش کیا گیا۔
تقریب میں چیف آف دی نیول سٹاف ایڈمرل نوید اشرف اور چیف آف ایئر سٹاف، ایئر چیف مارشل ظہیر احمد بابر سدھو سمیت اعلیٰ عسکری افسران بھی شریک ہوئے، اعزازی دستہ کی جانب سے مہمان خصوصی کو جنرل سلامی پیش کی گئی، مہمان خصوصی فیلڈ مارشل سید عاصم منیر نے اعزازی دستے کا معائنہ بھی کیا۔
پنجاب میں روڈ بحالی و تعمیراتی پروگرام کا سلسلہ تیزی سے جاری
تاریخ میں پہلی بار چیف آف آرمی سٹاف، چیف آف ڈیفنس فورسز فیلڈ مارشل سید عاصم منیر کو تینوں مسلح افواج کے دستوں کی جانب سے سلامی پیش کی گئی۔
یاد رہے کہ معرکہ حق میں فیلڈ مارشل عاصم منیر کی قیادت میں پاکستان نے بھارت کو ذلت آمیز شکست سے دوچار کیا۔
معرکہ حق میں پاکستان نے دشمن کے فضائی دفاعی نظام کو ناکام بنانے کے ساتھ دشمن کے 7 جدید ترین طیارے بھی گرائے۔
.ذریعہ: City 42
پڑھیں:
عاصم منیر کی چیف آف ڈیفنس فورسز تعیناتی کا نوٹیفکیشن جاری: فیلڈ مارشل کا معرکہ حق میں فیصلہ کن فتح تک پہنچانے میں اہم کردار ہے، وزیراعظم
لاہور‘اسلام آباد‘راولپنڈی (نمائندہ خصوصی+ خبرنگار خصوصی+ خصوصی نامہ نگار+ سٹاف رپورٹر) فیلڈ مارشل سید عاصم منیر کی بطور چیف آف ڈیفنس فورسز تعیناتی اور سربراہ پاک فضائیہ ایئر چیف مارشل ظہیر احمد بابر سدھو کی مدت ملازمت میں توسیع کے نوٹیفکیشن جاری کردیئے گئے۔ صدر آصف علی زرداری کی منظوری کے بعد وزارت دفاع نے فیلڈ مارشل سید عاصم منیر کی بطور چیف آف ڈیفنس فورسز تعیناتی کا نوٹیفکیشن جاری کردیا۔ فیلڈ مارشل سید عاصم منیر چیف آف آرمی سٹاف کے ساتھ چیف آف ڈیفنس فورسز بھی ہوں گے۔ ایئر چیف مارشل ظہیر احمد بابر کی بطور سربراہ پاک فضائیہ مدت میں 2 سال کی توسیع کی گئی ہے۔ توسیع کا اطلاق 19مارچ 2026ء سے ہوگا۔ ایئر چیف مارشل ظہیر احمد بابر سدھو کی مدت ملازمت میں توسیع کا نوٹیفکیشن آئین کی شق 243 اور ایئر فورس ایکٹ کی شق 10 بی کے تحت جاری کیا گیا۔ وزیر دفاع خواجہ محمد آصف نے کہا کہ جن فاتحین نے ملک کو تاریخ ساز فتح سے نوازا آج قوم ان سپہ سالاروں کو اعزاز سے نواز رہی ہے۔ وزیر دفاع نے لکھا کہ فیلڈ مارشل عاصم منیر نشان امتیاز ملٹری و ہلال جرأت اور ائر چیف مارشل ظہیر احمد بابر نشان امتیاز ملٹری و ہلال جرأت کو مبارک ہو۔ علاوہ ازیں حریت رہنما یاسین ملک کی اہلیہ مشعال ملک نے فیلڈ مارشل کو چیف آف ڈیفنس فورسز بننے پر مبارکباد پیش کرتے ہوئے انکی تقرری کو پاکستان اور کشمیر کیلئے خوش آئند قراردیا۔ اپنے تہنیتی پیغام میں انہوں نے کہا بھارتی جارحیت کے مقابلے میں فیلڈ مارشل عاصم منیر کی حکمت عملی نے کشمیریوں کا حوصلہ بڑھایا۔ کشمیری عوام پاک افواج کی قربانیوں کو سلام پیش کرتی ہے۔گورنر خیبرپی کے فیصل کریم کنڈی نے بھی فیلڈمارشل کی بطورچیف آف ڈیفنس فورسز تعیناتی کے تاریخی فیصلے کا خیرمقدم کیا ہے۔ لیگی رہنما انجینئر امیر مقام، وزیر توانائی اویس لغاری اور جمعیت اہلحدیث پاکستان کے رہنما مولانا عبدالرشید حجازی نے بھی فیلڈ مارشل کو مبارکباد دی ہے۔ایکس سروس مین سوسائٹی نے اس تاریخی تعیناتی کی خوشی میں راولپنڈی پریس کلب کے سامنے مٹھائی تقسیم کی اور فیلڈمارشل سید عاصم منیر کوچیف آف ڈیفنس فورسز بننے پر دلی مبارکباددی ۔ عزیز احمد اعوان نے کہا آج قوم خوشی منارہی اور وزیراعظم پاکستان اور صدرمملکت کے فیصلے کو سراہ رہی ہے۔ فیلڈمارشل عاصم منیر عزت‘ سلامی اور وقار کا دوسرا نام ہیں۔علاوہ ازیں پنجاب اسمبلی میں مسلم لیگ(ن) کی رکن حناء پرویز بٹ نے فیلڈ مارشل سید عاصم منیر کی بطور چیف آف آرمی سٹاف اور چیف آف ڈیفنس فورسز تعیناتی پر خیرمقدمی قرارداد جمع کرائی۔ قرارداد کے متن میں کہا گیا ایوان وزیراعظم کی جانب سے فیلڈ مارشل سید عاصم منیر کی تاریخی تعیناتی کے فیصلے کا خیرمقدم کرتا ہے اور قرار دیتا ہے کہ ملک کے پہلے چیف آف ڈیفنس فورسز کی حیثیت سے ان کا تقرر قومی سلامتی کیلئے سنگِ میل ہے۔ پانچ سالہ تعیناتی دفاعی قیادت میں تسلسل اور استحکام کو یقینی بناتی ہے۔ ایوان تسلیم کرتا ہے کہ فیلڈ مارشل عاصم منیر کی قیادت ملکی دفاع کو جدید تقاضوں سے ہم آہنگ کرے گی۔ پاکستان کی سلامتی، خودمختاری اور علاقائی استحکام کیلئے یہ فیصلہ نہایت اہم ہے۔ یہ ایوان چیف آف ائر سٹاف ائیر چیف مارشل ظہیر احمد بابر سدھو کی مدت ملازمت میں توسیع کے فیصلے کو بھی سراہتا ہے اور مسلح افواج کی پیشہ ورانہ خدمات اور قربانیوں کو خراج تحسین پیش کرتا ہے۔ وزیر اعظم شہبازشریف نے فیلڈ مارشل سید عاصم منیر کو ملک کے پہلے چیف آف ڈیفنس فورسز کے تاریخی تقرر پر دلی مبارکباد پیش کرتے ہوئے کہا قوم کی سلامتی کے نگہبان کے طور پر انکی قیادت کا ہماری بہادر مسلح افواج کو معرکہ حق میں فیصلہ کن فتح تک پہنچانے میں بنیادی کردار ہے۔ گزشتہ روز "ایکس " پر اپنے پیغام میں وزیراعظم نے کہا پاکستان کے عوام فیلڈ مارشل سید عاصم منیر کی اس جرات مندانہ اور بہادرانہ قیادت کو ہمیشہ یاد رکھیں گے جس نے جنگ کے مشکل ترین حالات میں مسلح افواج کو متحد، پوری قوم کو یکجا کیا اور وطن عزیز کیلئے تاریخی کامیابی یقینی بنائی۔ وزیراعظم نے ائر چیف مارشل ظہیر احمد بابر سدھو کو بھی مدت ملازمت میں توسیع پر دلی مبارکباد دی۔ وزیر اعظم نے کہا انکی شاندار قیادت میں پاک فضائیہ نے دشمن کے سات طیارے اور جدید میزائل دفاعی نظام تباہ کیے اور پاکستان کی فضائی برتری کو مزید مضبوط کیا۔ وزیر اعظم نے کہا کہ تمام قومی ادارے پاکستان کے دفاع، ترقی اور خوشحالی کیلئے متحد ہیں۔ ان شاء اللہ، ہم ملکر اپنے وطن کے دفاع کو حقیقی معنوں میں ناقابل تسخیر بنائیں گے۔
ورلڈ پاور لفٹنگ چیمپئن شپ: پنجاب پولیس کے ایتھلیٹس نے 5 میڈلز جیت لیے