پنجاب اسمبلی میں فیلڈ مارشل کی بطور چیف آف دی ڈیفنس فورسز تعیناتی پر مبارکباد
اشاعت کی تاریخ: 8th, December 2025 GMT
استحکام پاکستان پارٹی کے ایم پی اے محمد شعیب صدیقی نے پنجاب اسمبلی میں تہینیتی قرارداد جمع کرا دی ہے۔
تفصیلات کے مطابق قرارداد میں چیف آف دی ڈیفنس فورسز کی قیادت کو بھر پور خراج تحسین پیش کیا گیا۔ اس عہدے پر تعیناتی سے بین الاقوامی سطح پر بھی پاکستان کا وقار بڑھا ہے۔
شعیب صدیقی نے کہا کہ تعیناتی سے ملک کی عسکری تاریخ میں نیا اور سنہری باب رقم ہوا ہے۔ اس عہدے سے بھارت سمیت تمام دشمنوں کے اوسان خطا ہو چکے ہیں جبکہ یہ تعیناتی ملکی سرحدوں کو مزید محفوظ اور ناقابل تسخیر بنانے کے عزم کا اظہار ہے۔
قرارداد کے متن میں کہا گیا کہ تعیناتی دفاعی نظام کیلئے اہم سنگ میل ہے، قوم کو اس قیادت پر مکمل بھروسہ ہے۔ پاک فوج کی ملک میں معاشی استحکام اور سلامتی کیلئے کاوشوں پر پواریقین ہے۔ دفاعی مضبوطی اور داخلی امن کی بحالی ہی معاشی و معاشرتی ترقی کی بنیاد ہے۔
مزید کہا گیا کہ فیلڈ مارشل کی قیادت میں قومی سلامتی کے ادارے اورسول حکومت ایک ہیں۔ پنجاب اسمبلی کا ایوان فیلڈ مارشل سید عاصم منیر کی قیادت پر مکمل اعتماد کرتا ہے۔ متن میں چیف آف ڈیفنس فورسز کی کامیاب مدتِ ملازمت کیلئے نیک تمناؤں کا اظہار کیا گیا۔ متن میں کہا گیا کہ یہ ایوان سی ڈی ایف کی قیادت میں بھرپور کامیابیوں کیلئے دعاگو ہے۔
.ذریعہ: Express News
کلیدی لفظ: کی قیادت
پڑھیں:
فیلڈ مارشل سید عاصم منیر کو ملک کے پہلے چیف آف ڈیفنس فورسز کی حیثیت سے گارڈ آف آنر پیش
راولپنڈی کے جنرل ہیڈکوارٹرز (جی ایچ کیو) میں پیر کے روز ایک پروقار تقریب کا انعقاد کیا گیا، جس میں چیف آف ڈیفنس فورسز (CDF) اور چیف آف آرمی اسٹاف (COAS) فیلڈ مارشل سید عاصم منیر کو گارڈ آف آنر پیش کیا گیا۔
تقریب کے دوران تینوں مسلح افواج پاک فوج، پاک بحریہ اور پاک فضائیہ کے چاق چوبند دستوں نے فیلڈ مارشل سید عاصم منیر کو سلامی پیش کی۔
تقریب میں پاک فضائیہ کے سربراہ ایئر چیف مارشل (ACM) ظہیر احمد بابر سدھو، پاک بحریہ کے سربراہ ایڈمرل نوید اشرف سمیت تینوں افواج کے سینئر افسران نے شرکت کی۔
یہ بھی پڑھیے وزارت دفاع نے فیلڈ مارشل سید عاصم منیر کی بطور چیف آف ڈیفنس فورسز تعیناتی کا نوٹیفکیشن جاری کردیا
یاد رہے کہ گزشتہ جمعے کو وزارت دفاع نے فیلڈ مارشل سید عاصم منیر کو چیف آف ڈیفنس فورسز مقرر کرنے کا باضابطہ نوٹیفکیشن جاری کیا تھا۔ یہ منظوری صدر آصف علی زرداری نے وزیرِ اعظم شہباز شریف کی ایڈوائس پر دی۔
فیلڈ مارشل چیف آف آرمی اسٹاف سی ڈی ایف سید عاصم منیر کو جی ایچ کیومیں گارڈآف آنرپیش کیا جارہا ہے pic.twitter.com/hHOUPCCar1
— WE News (@WENewsPk) December 8, 2025
فیلڈ مارشل سید عاصم منیر، جنہیں رواں سال فیلڈ مارشل کے عہدے پر ترقی دی گئی، اگلے 5 برس تک بیک وقت چیف آف ڈیفنس فورسز اور چیف آف آرمی اسٹاف کے منصب پر خدمات انجام دیں گے۔
فیلڈ مارشل سید عاصم منیر پاکستان کے دوسرے فیلڈ مارشل اور تقریباً 6 دہائیوں بعد یہ اعزاز پانے والے پہلے افسر ہیں۔ انہیں یہ تاریخی اعزاز بھارت کے خلاف مئی کی جنگ میں پاکستان کی فیصلہ کن فتح کے بعد دیا گیا۔
CDF کے نئے عہدے کا قیام صدر آصف علی زرداری کی جانب سے پاک فوج، پاک فضائیہ اور پاک بحریہ (ترمیمی) بل 2025 کی منظوری کے بعد عمل میں آیا۔
ترمیم کے مطابق آرٹیکل 243 کے وہ تمام اختیارات جو فیلڈ مارشل کے لیے ہیں، اب کسی بھی جنرل کو فیلڈ مارشل کے عہدے پر ترقی دینے کی صورت میں لاگو ہوں گے۔
CDF فیلڈ مارشل سید عاصم منیر کا مختصر پروفائلفیلڈ مارشل اور چیف آف ڈیفنس فورسز سید عاصم منیر نے 1986 میں 23 ایف ایف رجمنٹ سے کمیشن حاصل کیا۔ وہ 17ویں آفیسرز ٹریننگ کورس، منگلا کے گریجویٹ ہیں۔
انہوں نے فوج میں کئی اہم عہدوں پر خدمات انجام دیں، جن میں کمانڈ اینڈ اسٹاف کالج کوئٹہ میں ڈائریکٹنگ اسٹاف، کیل میں تعینات انفنٹری بریگیڈ کے بریگیڈ میجر، سی جی ایس سیکریٹریٹ میں جی ایس او-2 اور منگلا کور کے چیف آف اسٹاف شامل ہیں۔ وہ جنرل ہیڈکوارٹرز میں کوارٹر ماسٹر جنرل بھی رہے۔
مزید پڑھیں: فیلڈ مارشل سید عاصم منیر پاکستان کے پہلے چیف آف ڈیفنس فورسز تعینات، صدر مملکت نے منظوری دیدی
انہوں نے 23 ایف ایف رجمنٹ اور ایک انفنٹری بریگیڈ کی کمانڈ کی جبکہ شمالی علاقہ جات (گلگت) میں فورس کمانڈر کے طور پر خدمات انجام دیں۔ وہ پاکستان کی 2 اہم خفیہ ایجنسیوں ملٹری انٹیلی جنس (MI) اور انٹر سروسز انٹیلی جنس (ISI) کے ڈائریکٹر جنرل بھی رہے ہیں۔
آئی ایس آئی کی سربراہی کے بعد وہ کور کمانڈر گوجرانوالہ تعینات ہوئے اور پھر کوارٹر ماسٹر جنرل کی حیثیت سے خدمات انجام دیں، جو ان کا آخری عہدہ تھا جس کے بعد انہیں آرمی چیف مقرر کیا گیا۔
فیلڈ مارشل منیر نے جاپان کے فوجی ادارے فوجی اسکول، کمانڈ اینڈ اسٹاف کالج کوئٹہ، ملائیشین آرمڈ فورسز کالج کوالالمپور اور نیشنل ڈیفنس یونیورسٹی اسلام آباد سے پیشہ ورانہ کورسز مکمل کیے ہیں۔
ان کے پاس نیشنل ڈیفنس یونیورسٹی سے پبلک پالیسی اور اسٹریٹیجک سیکیورٹی مینجمنٹ میں ایم فل کی ڈگری بھی ہے۔
CDF فیلڈ مارشل منیر پاکستان آرمی کے وہ پہلے سربراہ ہیں جنہیں سورڈ آف آنر کا اعزاز ملا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
آرمی چیف فیلڈ مارشل سید عاصم منیر چیف آف ڈیفنس فورسز
ڈوپلیسی، معین علی کے بعد نامور آسٹریلوی کھلاڑی نے آئی پی ایل سے منہ موڑ لیا