جمہوریت وقانون کی حکمرانی کے لیے افراد نہیں اداروں کو مضبوط کیا جائے‘ کاشف شیخ
اشاعت کی تاریخ: 8th, December 2025 GMT
data-id="863a0a8" data-element_type="widget" data-widget_type="theme-post-content.default">
کراچی (اسٹاف رپورٹر)جماعت اسلامی سندھ کے امیر کاشف سعید شیخ نے کہا ہے کہ جمہوریت کی بالادستی اور قانون کی حکمرانی کے لیے ضروری ہے کہ افراد کے بجائے اداروں کو مضبوط کیا جائے۔ آئینی ترامیم میں جلدبازی نے ملک کی بنیادوں کو متزلزل کردیا ہے۔ مصنوعی قیادت اور ہائبرڈ نظام نہیں بلکہ حقیقی جمہوریت اور مخلص قیادت ہی ملک کو موجودہ بحران سے نکال سکتی ہے۔ سندھی ثقافت امن، محبت اور رواداری کی نمائندہ ہے، اوطاق اور مہمان نوازی کے کلچر کو عام کرنے کی ضرورت ہے، جو شاہ بھٹائی کی سرزمین سندھ کی خوبصورتی اور پہچان ہے۔ان خیالات کا اظہار انہوں نے قباء آڈیٹوریم میں سندھ کی نظم کے اجلاس سے خطاب کرتے ہوئے کیا۔ اجلاس میں لاہور میں منعقد ہونے والے اجتماع عام، تنظیمی معاملات سمیت سندھ کی سیاسی صورتحال پر بھی غور کیا گیا۔سندھ کے امیر کاشف سعید شیخ نے مزید کہا کہ پاکستان کے مالیاتی ڈھانچے میں این ایف سی ایوارڈ کو مرکزی حیثیت حاصل ہے۔ 18ویں ترمیم نے اس ایوارڈ کے اندر صوبوں کے حصے کو آئینی تحفظ دیا، جس سے وفاق کے صوابدیدی اختیارات محدود ہوئے؛ مگر افسوس کہ وفاق چاہتا ہے کہ اس تحفظ کو ختم کرکے صوبوں کا حصہ کم کیا جائے۔ 18ویں ترمیم کو رول بیک کرنے کی کوششیں نہ صرف آئین سے انحراف بلکہ صوبائی حقوق پر بھی براہ راست حملہ ہے۔صحت، سماجی تحفظ اور دیگر بنیادی معاملات میں صوبوں کو مکمل انتظامی اور مالی خودمختاری دینے کے بجائے وفاقی سطح پر متبادل محکمے قائم کرنا آئین کی روح کی خلاف ورزی ہے۔ جماعت اسلامی سندھ کے حقوق پر کسی کو بھی سودے بازی کی ہرگز اجازت نہیں دے گی۔ 17 سال سے صوبے میں سیاہ وسفید کی مالک پیپلز پارٹی کی حکومت نے اقتدار کے عوض سندھ میں کارپوریٹ فارمنگ، کارونجھر کی کٹائی، دریائے سندھ کے پانی پر قبضہ، کوئلہ، گیس اور پیٹرول سمیت قدرتی وسائل کی لوٹ مار اور مقتدر قوتوں کے حوالے کرکے عوام کو بھوک، بے روزگاری اور بدحالی کا شکار بنایا ہے۔کرپٹ اور سندھ دشمن قوتوں سے نجات کے لیے اب سندھ کے عوام کو جماعت اسلامی کی دیانتدار قیادت کا انتخاب کرکے اپنی آئندہ نسل کا مستقبل محفوظ بنانا ہوگا۔
ذریعہ
ذریعہ: Jasarat News
کلیدی لفظ: سندھ کے
پڑھیں:
حکومت مساجد و مدارس کی رجسٹریشن کے پروسس کو آسان بنائے، شاہ عبدالحق قادری
صوبائی وزیر مذہبی امور و اوقاف سید ریاض شاہ شیرازی نے وفد کا خیر مقدم کرتے ہوئے کہا کہ حکومت سندھ دینی اداروں، مساجد، مدارس اور مزارات کے مسائل کے حل کو اہمیت دیتی ہے اور اس حوالے سے تمام ممکنہ اقدامات کیے جا رہے ہیں۔ انہوں نے وفد کی جانب سے پیش کی گئی تجاویز کو قابلِ قدر قرار دیتے ہوئے یقین دہانی کرائی کہ ترجیحی بنیادوں پر مسائل کے حل کیلئے کام کیا جائے گا۔ اسلام ٹائمز۔ جماعت اہلِ سنت پاکستان کراچی کے وفد نے حضرت علامہ سید شاہ عبد الحق قادری کی قیادت میں سندھ کے صوبائی وزیر مذہبی امور و اوقاف سید ریاض شاہ شیرازی سے ان کے دفتر میں ملاقات کی۔ ملاقات میں دینی امور، مساجد، مدارس، محکمہ اوقاف کے زیر انتظام مزاراتِ اولیائے کرام کی دیکھ بھال زائرین کو سہولیات کی فراہمی سے متعلق تفصیلی تبادلہ خیال کیا گیا۔ وفد میں سید رفیق شاہ، مفتی بلال قادری، مولانا جمیل احمد امینی، عبداللہ میمن اور شفیع رانا قادری بھی شامل تھے۔ وفد نے صوبائی وزیر کو کراچی سمیت سندھ بھر میں مساجد، مدارس اور مزارات کو درپیش مسائل سے آگاہ کیا اور مختلف تجاویز پیش کیں۔
شاہ عبد الحق قادری نے اس موقع پر کہا کہ حکومتی ادارے مساجد، مدارس کی رجسٹریشن کے پروسس کو آسان کریں۔ انہوں نے محکمہ اوقاف کی کارکردگی کو مزید مؤثر بنانے، انتظامی مسائل کے حل اور مسلسل رابطہ رکھنے کی ضرورت پر زور دیا۔ صوبائی وزیر مذہبی امور و اوقاف سید ریاض شاہ شیرازی نے وفد کا خیر مقدم کرتے ہوئے کہا کہ حکومت سندھ دینی اداروں، مساجد، مدارس اور مزارات کے مسائل کے حل کو اہمیت دیتی ہے اور اس حوالے سے تمام ممکنہ اقدامات کیے جا رہے ہیں۔ انہوں نے وفد کی جانب سے پیش کی گئی تجاویز کو قابلِ قدر قرار دیتے ہوئے یقین دہانی کرائی کہ ترجیحی بنیادوں پر مسائل کے حل کیلئے کام کیا جائے گا۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار