پی آئی اے کا 5 سال بعد برطانیہ فلائٹ آپریشن: اسلام آباد سے مانچسٹر کیلیے آج پہلی پرواز
اشاعت کی تاریخ: 25th, October 2025 GMT
data-id="863a0a8" data-element_type="widget" data-widget_type="theme-post-content.default">
5 سال کے طویل وقفے کے بعد بالآخر پاکستان انٹرنیشنل ایئر لائن (پی آئی اے) نے برطانیہ کے لیے اپنا فلائٹ آپریشن دوبارہ شروع کر دیا ہے۔
آج اسلام آباد سے پی آئی اے کی پہلی پرواز مسافروں کو لے کر مانچسٹر روانہ ہوگی، جس کے ساتھ ہی قومی ایئر لائن کی بین الاقوامی فضاؤں میں واپسی کا ایک نیا باب کھل گیا ہے۔
اس سلسلے میں اسلام آباد اور مانچسٹر ایئرپورٹس پر افتتاحی تقریبات کا اہتمام کیا گیا ہے، جن میں وزیر دفاع خواجہ آصف، یورپی یونین اور برطانیہ کے سفیروں سمیت حکومت اور پی آئی اے کے اعلیٰ حکام شرکت کریں گے۔
تقریب میں قومی ترانہ، کیک کاٹنے اور خصوصی قرعہ اندازی کا بھی اہتمام کیا گیا ہے، جس میں خوش قسمت مسافروں کے لیے موبائل فونز اور 1300 سی سی گاڑی کا انعام رکھا گیا ہے۔
ترجمان پی آئی اے کے مطابق فلائٹ آپریشن کی بحالی کے اعلان کے ساتھ ہی مسافروں کی جانب سے غیر معمولی دلچسپی دیکھنے میں آئی ہے اور صرف ابتدائی 3 ماہ میں ساڑھے 12 ہزار سے زائد مسافروں نے ایڈوانس بکنگ کروا لی ہے، جو قومی ایئر لائن پر عوام کے نئے اعتماد کا مظہر ہے۔
حکام کے مطابق مستقبل قریب میں اس آپریشن کو مزید وسعت دی جائے گی تاکہ لاہور اور کراچی سے بھی برطانیہ کے لیے پروازیں شروع کی جا سکیں۔
ابتدائی مرحلے میں اسلام آباد سے مانچسٹر کے لیے ہفتے میں 2 پروازیں چلائی جائیں گی۔ یہ پروازیں بوئنگ 777 طیارے سے آپریٹ ہوں گی جو تقریباً ساڑھے 300 مسافروں کو لے جانے کی صلاحیت رکھتا ہے۔ پی آئی اے نے افتتاحی پرواز کے لیے خصوصی مینو اور پر تکلف مہمان نوازی کا اہتمام بھی کیا ہے تاکہ مسافروں کو خوشگوار تجربہ فراہم کیا جا سکے۔
پی آئی اے کا برطانیہ آپریشن جولائی 2020ء میں یورپی سیفٹی ایجنسی (EASA) کی جانب سے عائد پابندیوں کے باعث معطل ہوا تھا۔ اب یہ بحالی اس بات کی علامت ہے کہ قومی ایئر لائن نے بین الاقوامی معیار کے تقاضے پورے کر لیے ہیں اور دوبارہ عالمی فضاؤں میں اپنا اعتماد بحال کر رہی ہے۔
.
ذریعہ
ذریعہ: Jasarat News
کلیدی لفظ: اسلام آباد ایئر لائن پی آئی اے گیا ہے کے لیے
پڑھیں:
دبئی ایئرپورٹ پر اے آئی امیگریشن سسٹم متعارف، 3.4 سیکنڈ میں کلیئرنس
دبئی: دبئی ایئرپورٹ اے آئی امیگریشن سسٹم کے ذریعے مسافروں کے لیے سفر کو مزید تیز اور آسان بنانے کی جانب ایک اہم قدم اٹھا لیا گیا ہے۔ مصنوعی ذہانت (AI) پر مبنی جدید بارڈر کنٹرول نظام کی آزمائش کامیاب رہی ہے، جس کے تحت مسافر صرف 3.4 سیکنڈ میں امیگریشن کا مرحلہ مکمل کر سکتے ہیں۔
دبئی کی جنرل ڈائریکٹوریٹ آف آئیڈینٹیٹی اینڈ فارنرز افیئرز (GDRFA) کے مطابق اس جدید نظام میں اے آئی سے لیس بایومیٹرک کیمرے بیک وقت 10 مسافروں کی شناخت کرنے کی صلاحیت رکھتے ہیں۔
بغیر پاسپورٹ دکھائے امیگریشن کلیئر
نئے سسٹم کے تحت “ریڈ کارپٹ لین” استعمال کرنے والے رجسٹرڈ مسافروں کو پاسپورٹ یا بورڈنگ پاس دکھانے کی ضرورت نہیں ہوگی۔ انہیں صرف اپنا چہرہ کھلا رکھ کر بایومیٹرک کیمرے پر موجود سبز اشارے کی طرف دیکھنا ہوگا، جس کے بعد شناخت کا عمل خودکار طور پر مکمل ہو جائے گا۔
ابتدائی مرحلے میں کن مسافروں کے لیے؟
ابتدائی طور پر اس جدید سسٹم کا آغاز دبئی ایئرپورٹ کے ٹرمینل 3 پر فرسٹ کلاس اور بزنس کلاس کے مسافروں کے لیے کیا گیا تھا، تاہم کامیاب آزمائش کے بعد اب اس سہولت کو مزید آنے والے مسافروں تک توسیع دی جا رہی ہے۔
اعداد و شمار کے مطابق 2025 کے دوران 5 لاکھ 28 ہزار سے زائد مسافروں نے دبئی کے “اسمارٹ کوریڈور” سے استفادہ کیا، جبکہ گزشتہ سال 2 کروڑ 60 لاکھ سے زیادہ مسافروں نے اسمارٹ گیٹس کے ذریعے سفر کیا۔
کن افراد کو یہ سہولت حاصل ہوگی؟
حکام کے مطابق متحدہ عرب امارات اور خلیجی ممالک کے شہری، یو اے ای کے رہائشی اور بایومیٹرک پاسپورٹ رکھنے والے ویزا آن ارائیول مسافر اس سہولت سے خودکار طور پر فائدہ اٹھا سکیں گے۔ تاہم 1.2 میٹر سے کم قد رکھنے والے بچوں کے لیے یہ نظام فی الحال دستیاب نہیں ہوگا۔
دبئی ایئرپورٹس کے چیف ایگزیکٹو پال گریفتھس کا کہنا ہے کہ اس جدید ٹیکنالوجی کا مقصد سیکیورٹی کو برقرار رکھتے ہوئے امیگریشن کے عمل کو زیادہ تیز، آسان اور مؤثر بنانا ہے۔ ان کے مطابق مستقبل میں دبئی ایئرپورٹ اے آئی امیگریشن سسٹم تمام مسافروں کے لیے دستیاب ہوگا، جس سے ہوائی سفر کا تجربہ مزید بہتر ہونے کی توقع ہے۔
تحریکِ تحفظِ آئینِ پاکستان کا پارلیمنٹ ہائوس سے دھرنا ختم