صائمہ قریشی نے طلاق کے تلخ تجربے پر خاموشی توڑ دی
اشاعت کی تاریخ: 8th, November 2025 GMT
پاکستانی ڈرامہ انڈسٹری کی معروف اداکارہ صائمہ قریشی نے حال ہی میں اپنے ازدواجی سفر کے بارے میں دل کی بات کی اور طلاق کے تلخ تجربے کا کھل کر ذکر کیا۔
صائمہ قریشی جو کئی سالوں سے پاکستانی ڈراموں کا حصہ رہی ہیں، خاص طور پر منفی کرداروں کی وجہ سے شہرت کی حامل ہیں، نے کہا کہ ان کی ازدواجی زندگی کبھی بھی آسان نہیں رہی۔ مشہور اداکار فیصل قریشی کی کزن ہونے کے ساتھ ساتھ، صائمہ قریشی نے “عشق بے پرواہ”، “نند”، “بندھے ایک ڈور سے”، “نکاح” اور “دنیا پور” جیسے کامیاب ڈراموں میں اپنے اداکاری کے جوہر دکھائے ہیں۔
حال ہی میں ایک ٹی وی شو میں شرکت کے دوران، صائمہ نے اپنی ذاتی زندگی اور طلاق کے بارے میں پہلی مرتبہ بات کی۔ اپنی ازدواجی زندگی کے بارے میں گفتگو کرتے ہوئے ان کا کہنا تھا کہ ہر عورت کی خواہش ہوتی ہے کہ اس کا خاندان خوشحال اور کامیاب ہو، لیکن بعض اوقات حالات انسان کی خواہشات کے برعکس بدل جاتے ہیں۔ صائمہ نے مزید کہا کہ خواتین اکثر یہ امید رکھتی ہیں کہ ان کے شوہر بدل جائیں گے، مگر بعض رویے ایسے ہوتے ہیں جو ہمیشہ ایک جیسے رہتے ہیں، اور ان کے رشتہ میں بھی ایسا ہی ہوا۔
صائمہ قریشی نے یہ بھی بتایا کہ طلاق ان کے لیے زندگی کا پہلا بڑا صدمہ نہیں تھا۔ ان کے لیے سب سے بڑا دکھ بچپن میں والد کا انتقال تھا، جو آج تک ان کے دل پر ایک گہرا اثر چھوڑے ہوئے ہے۔
واضح رہے کہ صائمہ قریشی تین بیٹوں کی والدہ ہیں، اور ان کے بڑے بیٹے نے حال ہی میں اداکاری کی دنیا میں قدم رکھا ہے۔
ذریعہ
ذریعہ: Daily Mumtaz
پڑھیں:
نواز شریف این او سی لے کر گلگت بلتستان گئے، راناثنا
وزیر اعظم کے مشیر برائے سیاسی امور رانا ثنا اللّٰہ نے کہا ہے کہ نواز شریف گلگت بلتستان کے الیکشن کمیشن سے این او سی لیکر وہاں گئے تھے، کوئی حکومتی وزیر گلگت بلتستان نہیں گیا نہ کسی نے وہاں مہم چلائی۔
پروگرام آج شاہ زیب خانزادہ کے ساتھ میں بات کرتے ہوئے رانا ثنا اللّٰہ نے کہا کہ پی ٹی آئی کے چیئرمین گوہر خان گلگت بلتستان میں جلسے کر رہے ہیں، میٹنگز کر رہے ہیں انہیں تو کوئی نہیں روک رہا۔
رانا ثنا نے کہا کہ اگر بیرسٹر گوہر خان اجازت لیکر جا سکتے ہیں تو سلمان اکرام راجا کو بھی ایسا ہی کرنا چاہیے۔
انہوں نے مزید کہا کہ گلگت بلتستان میں پی ٹی آئی کا کوئی اُمیدوار مقابلے میں ہے ہی نہیں، وہاں صاف، شفاف اور کریڈیبل انتخابات ہونگے۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ