عالمی سیاحت 357 ملین سے زائد افراد کو روزگار فراہم کر رہی ہے، سعودی وزیر سیاحت احمد الخطیب
اشاعت کی تاریخ: 11th, November 2025 GMT
.
.
سعودی وزیر سیاحت احمد الخطیب نے کہا ہے کہ عالمی سیاحت کا شعبہ اس وقت 357 ملین سے زائد افراد کو روزگار فراہم کر رہا ہے.
انہوں نے توقع ظاہر کی کہ 2034 تک مزید 90 ملین نئی نوکریاں پیدا ہوں گی، تاہم 40 ملین کی کمی فوری حل کی متقاضی ہے۔
یہ بھی پڑھیں:
ریاض میں Tourise کانفرنس کے افتتاحی اجلاس سے خطاب کرتے ہوے وزیر نے کہا کہ یہ مسئلہ حال ہی میں اقوامِ متحدہ کی جنرل اسمبلی میں بھی زیرِ بحث آیا، اور اسے حل کرنے کے لیے سرکاری ونجی شعبوں کے اشتراک سے عملی اقدامات ناگزیر ہیں۔
انہوں نے بتایا کہ کانفرنس میں 50 سے زائد ممالک کے وزرائے سیاحت شریک ہیں، جو سیاحت میں ٹیکنالوجی اور مصنوعی ذہانت کے مستقبل پر گفتگو کر رہے ہیں۔
ان کا کہنا تھا کہ مصنوعی ذہانت کا دور ضرور آئے گا، مگر بعض خدمات میں انسانی رابطے کا متبادل ممکن نہیں۔
مزید پڑھیں:
احمد الخطیب نے مزید کہا کہ سیاحت کا شعبہ خواتین کے لیے 40 فیصد اور نوجوانوں کے لیے 30 فیصد روزگار کے مواقع پیدا کر سکتا ہے۔
’اس لیے ضروری ہے کہ چھوٹے ممالک، جزائر اور ترقی پذیر خطے، خصوصاً افریقہ، لاطینی امریکا اور کیریبین کو بھی ترقی اور باعزت روزگار کے مساوی مواقع فراہم کیے جائیں۔‘
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
Tourise کانفرنس احمد الخطیب اقوام متحدہ جنرل اسمبلی روزگار سعودی وزیر سیاحت عالمی سیاحت مصنوعی ذہانت.ذریعہ: WE News
کلیدی لفظ: Tourise کانفرنس احمد الخطیب اقوام متحدہ جنرل اسمبلی روزگار سعودی وزیر سیاحت عالمی سیاحت مصنوعی ذہانت احمد الخطیب کے لیے
پڑھیں:
9 سے 12 نومبر: حج کانفرنس و نمائش 2025 کی تفصیلات جاری
وزارتِ حج و عمرہ اور شاہ عبدالعزیز فاؤنڈیشن برائے تحقیق و دستاویزات (دارہ) نے آج ایک مشترکہ پریس بریفنگ میں پانچویں حج کانفرنس و نمائش 2025 کی تفصیلات پیش کیں، جو 9 سے 12 نومبر تک جدہ میں منعقد ہوگی۔ اس سال کا موضوع ہے:
’مکہ سے عالم تک‘۔
یہ عظیم الشان کانفرنس 60,000 مربع میٹر پر محیط ہوگی اور 18 حج سے متعلقہ شعبوں پر مشتمل ہوگی۔ منتظمین کے مطابق، اس میں 1,50,000 سے زائد زائرین کی شرکت متوقع ہے جو گزشتہ سال کے 1,20,000 شرکاء سے کہیں زیادہ ہے۔
کانفرنس میں 143 خصوصی سیشنز ہوں گے جن میں 225 مقررین اور 270 نمائش کنندگان شریک ہوں گے، جبکہ 2,400 سے زائد بین الاقوامی شرکاء تربیتی پروگرامز میں حصہ لیں گے۔
وزارتِ حج و عمرہ کے ترجمان ڈاکٹر غسان النویمی نے بتایا کہ یہ کانفرنس بین الاقوامی سطح پر تجربات کے تبادلے اور عازمینِ حج کی خدمت میں بہتری کے لیے ایک کلیدی پلیٹ فارم ہے۔ ان کا کہنا تھا کہ اس کا مقصد سعودی وژن 2030 کے اہداف کے مطابق ٹیکنالوجی، انفراسٹرکچر، اور انسانی وسائل کے درمیان ہم آہنگی پیدا کرنا ہے۔
اس سال کا ایک بڑا مرکزِ توجہ ’انویشن زون‘ (Innovation Zone) ہوگا، جہاں مصنوعی ذہانت، پائیدار انجینئرنگ، اور ہجوم کے انتظام سے متعلق جدید حل پیش کیے جائیں گے۔
دارہ کے ترجمان سلطان الاویردی کے مطابق، پہلی بار فاؤنڈیشن کانفرنس کے علمی و ثقافتی پروگرام کو مزید جامع بنائے گی۔
دارہ کی نمایاں سرگرمیوں میں ’تاریخِ حج و حرمین شریفین فورم‘ شامل ہے، جس میں محققین تاریخی نکات پیش کریں گے اور یہ جائزہ لیں گے کہ ٹیکنالوجی نے حج کے ارتقاء کی دستاویزات میں کیا کردار ادا کیا۔
اس کے علاوہ، دو مقدس مساجد کی 100 سالہ خدمت کے عنوان سے ایک خصوصی نمائش بھی منعقد ہوگی، جس میں نادر تاریخی دستاویزات، تصاویر، اور نوادرات شامل ہوں گے جو مملکتِ سعودی عرب کی اسلامی ورثے کے تحفظ کے لیے مستقل وابستگی کو اجاگر کریں گے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
جدہ سعودی عرب حج کانفرنس و نمائش 2025
27ویں آئینی ترمیم: فیصل واوڈا کی مولانافضل الرحمن سے ملاقات