سائنسدانوں کا پہلی بار ستارے پر طوفان کا مشاہدہ
اشاعت کی تاریخ: 13th, November 2025 GMT
data-id="863a0a8" data-element_type="widget" data-widget_type="theme-post-content.default">
واشنگٹن: سائنسدانوں نے پہلی بار سورج کے علاوہ کسی اور ستارے پر بھی طوفان کے مشاہدے کا انکشاف کیا ہے۔
عالمی میڈیا کی رپورٹ کے مطابق ماہرین فلکیات نے پہلی بار سورج کے علاوہ کسی دوسرے ستارے پر بھی طوفان کے مشاہدے کا انکشاف کیا ہے۔ رپورٹ کے مطابق ماہرین کا مذکورہ حوالے سے کہنا تھا کہ ایک ایسا دھماکا جو اتنا طاقتور تھا کہ اگر اس کے اردگرد کوئی سیارہ موجود ہوتا تو اس کا ماحول تباہ ہو جاتا۔ انہوں نے کہا کہ ایسے شمسی طوفان اکثر بڑے دھماکوں کی شکل میں جنم لیتے ہیں، جنہیں کورونل ماس ایجیکشنز کہا جاتا ہے۔
جب یہ زمین تک پہنچتے ہیں تو سیٹلائٹ نظام میں خلل ڈال سکتے ہیں اور آسمان پر خوبصورت رنگ برنگی روشنیوں کا نظارہ پیدا کرتے ہیں۔ امریکی ادارے نیشنل اوشیانک اینڈ ایٹموسفیرک ایڈمنسٹریشن (ناسا) کے مطابق گزشتہ روز ایک غیر معمولی طاقتور شمسی طوفان کے باعث امریکا کی ریاست ٹینیسی تک آرورا دیکھی گئی۔ اسی طرح نیوزی لینڈ کے آسمان پر بھی روشنیاں دیکھی گئیں اور ماہرین کے مطابق اس ہفتے مزید ایسے مناظر دیکھے جا سکتے ہیں۔
ذریعہ: Jasarat News
کلیدی لفظ: کے مطابق
پڑھیں:
وٹامن ڈی قلبی امراض سے تحفظ میں مددگار ثابت ہوسکتا ہے، طبی ماہرین
data-id="863a0a8" data-element_type="widget" data-widget_type="theme-post-content.default">
حالیہ سائنسی تحقیق میں ایک دلچسپ اور پرامید انکشاف سامنے آیا ہے کہ وٹامن ڈی کا باقاعدہ اور متوازن استعمال دل کے امراض خصوصاً ہارٹ اٹیک کے خطرات کو نمایاں حد تک کم کر سکتا ہے۔
ماہرین صحت کے مطابق وٹامن ڈی کوئی عام غذائی جز نہیں بلکہ ایک ایسا قدرتی ہارمون ہے جو سورج کی روشنی کے ذریعے جلد میں بنتا ہے اور جسم میں سوزش کم کرنے، دورانِ خون بہتر بنانے اور دل کے عضلات کو مضبوط رکھنے میں کلیدی کردار ادا کرتا ہے۔
تحقیق کے مطابق دنیا بھر میں وٹامن ڈی کی کمی تیزی سے بڑھ رہی ہے اور اسی کے ساتھ قلبی امراض، ہائی بلڈ پریشر، اور شریانوں کی بندش جیسے مسائل میں اضافہ دیکھا جارہا ہے۔ ماہرین کا کہنا ہے کہ سادہ اور سستے ذرائع سے وٹامن ڈی حاصل کرنا جیسے دھوپ میں وقت گزارنا یا سپلیمنٹ کا متوازن استعمال ، دل کی بیماریوں سے بچاؤ کے لیے ایک مؤثر اور قابلِ عمل طریقہ ہوسکتا ہے۔
سائنس دانوں نے اس تحقیق میں ہزاروں افراد کے اعداد و شمار کا جائزہ لیا جن میں پہلے سے دل کے امراض یا ہارٹ اٹیک کا خطرہ موجود تھا۔ ان افراد کو وٹامن ڈی سپلیمنٹ دیا گیا اور ایک طویل مدت تک ان کی صحت کا مشاہدہ کیا گیا۔
نتائج سے یہ بات سامنے آئی کہ جن افراد کے خون میں وٹامن ڈی کی سطح متوازن رہی، ان میں دل کے دورے کے امکانات اُن افراد کے مقابلے میں کم تھے جن میں اس وٹامن کی کمی پائی گئی۔
محققین کا کہنا ہے کہ اگرچہ ماضی میں وٹامن ڈی اور قلبی صحت کے درمیان تعلق پر مختلف مطالعوں کے نتائج ایک جیسے نہیں رہے، تاہم اس نئی تحقیق نے واضح کیا ہے کہ خون میں موجود وٹامن ڈی کی مقدار کو درست سطح پر برقرار رکھنا نہ صرف جسمانی تندرستی بلکہ دل کے لیے بھی بے حد فائدہ مند ثابت ہوسکتا ہے۔
تحقیق کے مطابق وٹامن ڈی جسم میں کیلشیم کے توازن، شریانوں کی صحت اور مدافعتی نظام کی بہتری کے لیے ضروری ہے۔ اس کی کمی سے دل کے پٹھے کمزور، شریانیں سخت اور بلڈ پریشر غیر متوازن ہوسکتا ہے۔
ماہرین نے زور دیا کہ قدرتی طور پر سورج کی روشنی وٹامن ڈی کا سب سے محفوظ اور مؤثر ذریعہ ہے، تاہم ایسے افراد جنہیں سورج کی روشنی کم میسر آتی ہے، انہیں ماہرِ طب کے مشورے سے سپلیمنٹ کا استعمال کرنا چاہیے۔
سائنس دانوں نے کہا کہ اگر عوام میں وٹامن ڈی کے حوالے سے شعور بیدار کیا جائے تو نہ صرف ہارٹ اٹیک کے کیسز میں کمی لائی جا سکتی ہے بلکہ مجموعی صحت کے نظام پر بھی مثبت اثرات مرتب ہوں گے۔ اس تحقیق نے ایک مرتبہ پھر اس حقیقت کو اجاگر کیا ہے کہ چھوٹے اور سستے اقدامات بھی انسانی زندگی بچانے میں بڑا کردار ادا کرسکتے ہیں۔
سینیٹ: پی ٹی آئی پارلیمانی پارٹی نے 27 ویں ترمیم کا مسودہ مسترد کر دیا