موسمی تبدیلیوں سے متعلق تحقیق کو فروغ دینا ہوگا، ڈاکٹر الطاف سیال
اشاعت کی تاریخ: 12th, November 2025 GMT
data-id="863a0a8" data-element_type="widget" data-widget_type="theme-post-content.default">
ٹنڈوجام (نمائندہ جسارت) سندھ زرعی یونیورسٹی ٹنڈوجام کے وائس چانسلر انجینئر پروفیسر ڈاکٹر الطاف علی سیال نے کہا ہے کہ تدریسی اداروں اور محققین کو موسمی تبدیلیوں سے ہم آہنگ تحقیق کو فروغ دینا ہوگا کیونکہ بدلتے ہوئے موسمی حالات میں روزانہ نئے چیلنجز سامنے آ رہے ہیں انہوں نے کہا کہ تحقیق کا محور وقت، ماحول اور پودوں کو درپیش خطرات کے مطابق ہونا چاہیے تاکہ زراعت کے مستقبل کو محفوظ بنایا جا سکے۔وہ سندھ زرعی یونیورسٹی کے شعبہ پلانٹ بریڈنگ اینڈ جینیٹکس (PBG) میں بائیوانفارمیٹکس، سیکوینس ریٹریول، جن شناخت اور فائلو جینیٹک تجزیہ کے موضوع پر منعقدہ ایک روزہ ہینڈز آن تربیتی سیشن کی اختتامی تقریب سے خطاب کر رہے تھے انھوں نے کہا کہ آج کے دور میں سائنس اور ٹیکنالوجی کا امتزاج بالخصوص کمپیوٹر سائنس اور جینیاتی تحقیق کا ملاپ، ہمیں یہ سمجھنے میں مدد دیتا ہے کہ پودوں کے جینز کس طرح کام کرتے ہیں نئی خصوصیات کیسے پیدا ہوتی ہیں اور انہیں موسمیاتی تبدیلیوں کے مقابلے کے قابل بنانے والے جینز کون سے ہیں انہوں نے کہا کہ سندھ زرعی یونیورسٹی اس جدت کو تحقیق، تعلیم اور عملی تربیت کے ذریعے فروغ دے رہی ہے تاکہ نوجوان سائنس دان عالمی معیار کی تحقیق اور جدید آلات سے واقف ہو سکیں پروگرام کی منتظم اور ایسوسی ایٹ پروفیسر ڈاکٹر شبانہ میمن نے بتایا کہ یہ تربیت جدید حیاتیاتی تحقیق کے ایک اہم اور ابھرتے ہوئے میدان، بائیوانفارمیٹکس سے متعلق ہیجس میں کمپیوٹر کی مدد سے پودوں اور جانداروں کے جینز کی معلومات حاصل کی جاتی ہیں ان کی پہچان کی جاتی ہے اور ان کے باہمی تعلقات کا تجزیہ کیا جاتا ہے۔
ذریعہ: Jasarat News
کلیدی لفظ: نے کہا
پڑھیں:
آئینی عدالت کے چیف جسٹس کے تقرر کا اختیار وزیر اعظم کو دینا بڑا لمیہ ہوگا‘ حافظ نعیم
data-id="863a0a8" data-element_type="widget" data-widget_type="theme-post-content.default">
251112-01-16
لاہور (نمائندہ جسارت)امیر جماعت اسلامی پاکستان حافظ نعیم الرحمن نے کہا ہے کہ اس سے بڑا المیہ کیا ہوگا کہ اب آئینی عدالت کا چیف جسٹس وزیر اعظم مقرر کریں گے۔ چیف جسٹس پاکستان کا عہدہ چیف جسٹس عدالت عظمیٰ کردیا گیا۔حکومت اپنے مفادات کے لیے آئین کا حلیہ بگاڑ رہی ہے۔ جماعت اسلامی 26ویں ترمیم کے وقت بھی آئین کے ساتھ تھی اور آج بھی ہم آئین کے ساتھ کھڑے ہیں۔ان خیالات کا اظہار انہوں نے ایوان عدل لاہور میں خطاب کرتے ہوئے کیا۔اس موقع پر صدر لاہور بار ایسوسی ایشن چودھری مبشر رحمن ایڈووکیٹ،نائب صدر ملک سیف کھوکھر ایڈووکیٹ اور صدر اسلامک لائرز موومنٹ کلیم جاوید بھی موجود تھے۔ حافظ نعیم الرحمن نے کہا کہ ہم آئین کی بالادستی پر یقین رکھتے ہیں اور جماعت اسلامی کی جدوجہد ملک میں آئین و قانون کے تحفظ کے لیے ہے۔اگر متفقہ آئین کو اسی طرح بازیچہِ اطفال بنایا جاتا رہا تو یہ قومی یکجہتی کے لیے خطرناک ہوگا۔ملکی سلامتی اور فیڈریشن کی سا لمیت کے لیے ضروری ہے کہ آئین کی حفاظت کے لیے قوم متحد ہوجائے۔انہوں نے کہا کہ ہم ان شاء اللہ آئین پاکستان کو اصل شکل میں بحال کرا کر رہیں گے۔ 26 ویں آئینی ترمیم کے وقت بھی ہمارا موقف واضح تھا، اب 27 ویں ترمیم بارے بھی آنیاں جانیاں لگی رہیں لیکن جماعت اسلامی کا موقف وہی ہے جو26ویں ترمیم کے وقت تھا۔حافظ نعیم الرحمن نے کہا کہ آئین میں دو ٹوک انداز میں لکھا ہے حاکمیت اللہ تعالیٰ کی ہے۔آئین اور اسلام کسی شخص کو خواہ وہ کتنے ہی اعلیٰ منصب پر کیوں نہ ہو اسے استثنا نہیں دیتا۔ خلفائے راشدین نے عدالتوں میں پیش ہوکر آئین و قانون کی بالادستی کی بہترین مثال قائم کی۔اسلام بڑے سے بڑے طاقتور کو بھی استثنا نہیں دیتا۔ ہمارا مطالبہ ہے کہ آئین پاکستان کو اصل شکل میں بحال کیاجائے۔مسلط نظام پاکستانی عوام کے بچوں کو تعلیم نہیں دے رہا۔ امیر اورغریب میں خلیج وسیع ہورہی ہے اور یہ تقسیم اسکولوں میں بھی پہنچ گئے ہے۔تعلیم،صحت اور روزگار حکومت کی کسی ترجیح میں نہیں۔حکمران دعوے کرتے ہیں کہ معیشت بہتر ہورہی ہے جبکہ عام آدمی کی زندگی ابتر ہوگئی ہے۔اسٹاک ایکسچینج اوپر جارہی ہے اور عوام کی حالت بگڑتی جارہی ہے۔آدھی آبادی غربت کی لکیر سے نیچے زندگی گزانے پر مجبور ہے۔شہباز شریف اسٹاک ایکسچینج کے مطابق کہتے ہیں معیشت درست سمت جارہی ہے جبکہ محلے کی دکان پر جائیں تو اندازہ ہوگا کہ ملک میں مہنگائی کس قدر بڑھ چکی ہے اور عام آدمی کن مسائل سے دوچار ہے۔انہوں نے کہا کہ قوم ان شخصیات کے ہاتھوں دھوکا کھاتی ہے جن کو مصنوعی طور پرلیڈر بنایا جاتا ہے۔ ہمیں ظلم و جبر کے اس نظام کو بدلنے کے لیے طویل جہدوجہد کرنا ہوگی۔ کبھی نعروں اور کبھی کسی خاندان کے ہاتھوں قوم کو یرغمال بنا دیا جاتا ہے۔ یہاں خاندانوں کی جماعتیں ہیں اور چند خاندان عشروں سے عوام کا استحصال کررہے ہیں۔پیسے والا سینیٹر بنتا ہے پھر ان سینیٹرز کو خرید لیا جاتا ہے۔جس کے سر پر اسٹبلشمنٹ کا ہاتھ ہوتا ہے وہ زندہ باد اور باقی مردہ باد۔2015 سے پنجاب میں بلدیاتی الیکشن نہیں ہوئے۔اب لوکل گورنمنٹ ایکٹ لے کر آئے ہیں تاکہ غیر جماعتی الیکشن کرائے جاسکیں۔ یہ پُرفریب سیاست اور نظام عام آدمی نہیں اشرافیہ کے مفاد میں اس کو بدلنے کی تحریک نومبر کے آخری ہفتے مینار پاکستان سے شروع کریںگے۔اس لیے وکلا اور پوری قوم سے کہتے ہیں کہ وہ اجتماع عام میں شریک ہو کر تبدیلی کے ہمرکاب بن جائیں۔
لاہور: امیر جماعت اسلامی حافظ نعیم الرحمن بار ایسوسی ایشن کے زیراہتمام ایوان عدم میں قومی کانفرنس سے خطاب کررہے ہیں
قازقستان کا ‘ابراہیم معاہدوں’ میں شمولیت اور اسرائیل کے ساتھ تعلقات مضبوط بنانے کا عندیہ