سعودی عرب میں ’درعیہ ناول میلہ‘ 16 نومبر سے شروع ہوگا، تیاریاں جاری
اشاعت کی تاریخ: 13th, November 2025 GMT
سعودی عرب میں درعیہ کا ادبی موسم 2025-26 کے تحت درعیہ ناول میلہ آئندہ اتوار 16 نومبر سے 29 نومبر تک تاریخی محلے البجیری میں منعقد ہوگا۔
یہ میلہ (بیان کا گھر اور کہانی کی جگہ) کے عنوان سے پیش کیا جا رہا ہے، اور اس کا مقصد درعیہ کی اس علمی اور فکری میراث کو دوبارہ نمایاں کرنا ہے جو سعودی پہلی ریاست کے دور میں پروان چڑھی۔
مزید پڑھیں: سعودی عرب میں یورپی سینما کا میلہ، ثقافتی تبادلے کا نیا باب
اس زمانے میں البجیری علم و دانش کا اہم مرکز تھا جہاں امام محمد بن سعود کی سرپرستی میں اہلِ علم جمع ہوتے تھے۔
اس سالانہ میلے کا بنیادی مقصد سعودی عرب میں ادبی شعور کو مضبوط بنانا اور درعیہ کو تخلیقی وثقافتی مکالمے کی نمایاں جگہ کے طور پر پیش کرنا ہے۔
میلہ زائرین کو ایسا تجربہ فراہم کرتا ہے جس میں تفریح، شناخت اور کہانی ایک ہی فضا میں یکجا ہو جاتی ہیں۔ یہاں آنے والے افراد مقامی اور عالمی انسانی تجربات سے جڑی کہانیوں اور بیانیوں کو مختلف زبانوں اور اسالیب میں دریافت کر سکیں گے۔
میلے میں عربی اور انگریزی دونوں زبانوں میں پیش کیے جانے والے ثقافتی پروگرام، ادبی نشستیں، مشاعرے، تخلیقی ورکشاپس اور مختلف قسم کی تعارفی تقاریب شامل ہیں۔
اس کے ساتھ ساتھ (انٹر ایکٹیو) سرگرمیوں اور فنونِ روایت سے مزین مقامات نے اس میلے کو ایک ہمہ جہتی ادبی تجربہ بنا دیا ہے۔
اسٹیج پر پیش کیے جانے والے شعری اور ثقافتی پروگرام سعودی ادب کی تنوع بھری روایات اور جمالیات کی نمائندگی کرتے ہیں، جس سے یہ میلہ درعیہ کی حیثیت کو بحیثیت ثقافتی ورثے کے مرکز کے طور پر مزید مضبوط کرتا ہے۔
مزید پڑھیں: سعودی عرب: جازان میں سردیوں کے آغاز کے ساتھ باز شکاری کا موسم شروع
اس ادبی موسم کے ذریعے زائرین کو سعودی میزبانی اور نجدی روایات کا قریب سے تجربہ ملتا ہے، اور درعیہ خود کو ایک عالمی ثقافتی اور ادبی مقام کے طور پر منواتا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews تیاریاں جاری سعودی عرب میلہ وی نیوز.ذریعہ: WE News
کلیدی لفظ: تیاریاں جاری میلہ وی نیوز
پڑھیں:
2026 فٹبال ورلڈکپ میرا آخری ہوگا: کرسٹیانو رونالڈو کا اعلان
پرتگال کے عالمی شہرت یافتہ فٹبالر کرسٹیانو رونالڈو نے اعلان کیا ہے کہ 2026 کا فیفا ورلڈکپ ان کے کیریئر کا آخری عالمی مقابلہ ہوگا۔
40 سالہ اسٹار فٹبالر جنہوں نے کلب اور بین الاقوامی سطح پر 950 سے زائد گولز اسکور کیے۔ انہوں نے کہا کہ میں ایک یا دو سال کے اندر فٹبال سے ریٹائرمنٹ لے لوں گا۔
رونالڈو نے ایک سعودی فورم میں ویڈیو لنک کے ذریعے گفتگو کرتے ہوئے تصدیق کی کہ جی بالکل 2026 کا فیفا ورلڈکپ میرا آخری ہوگا، اُس وقت میری عمر 41 سال ہوگی اور مجھے لگتا ہے یہی مناسب وقت ہے۔
پانچ مرتبہ ’بیلن ڈی اور‘ ایوارڈ جیتنے والے رونالڈو نے مزید کہا کہ جب میں نے پچھلے ہفتے کہا تھا کہ ریٹائرمنٹ جلد لینے والا ہوں، تو میرا مطلب یہی تھا شاید ایک یا دو سال کے اندر۔
حالیہ انٹرویو میں رونالڈو نے اعتراف کیا کہ ریٹائرمنٹ میرے لیے آسان نہیں ہوگی، یہ مشکل ہوگا۔ ہاں شاید میں رو بھی دوں، یہ لمحہ بہت بھاری ہوگا۔
رونالڈو 2023 سے سعودی عرب کے کلب النصر کی نمائندگی کر رہے ہیں، انہوں نے امید ظاہر کی ہے کہ اگلے سال اپنے چھٹے ورلڈکپ میں حصہ لوں گا۔
واضح رہے کہ پرتگال کی ٹیم ابھی 2026 ورلڈکپ کے لیے کوالیفائی نہیں کر سکی، تاہم وہ جمعرات کو آئرلینڈ کے خلاف میچ جیت کر اپنی جگہ پکی کر سکتی ہے۔
گزشتہ ماہ رونالڈو نے ورلڈکپ کوالیفائرز کی تاریخ میں سب سے زیادہ گول کرنے کا ریکارڈ بھی قائم کیا، رونالڈو اس وقت بھی بین الاقوامی سطح پر سب سے زیادہ گول کرنے والے کھلاڑی ہیں، ان کے گولز کی تعداد 143 ہے۔
گزشتہ ماہ بلومبرگ نے انہیں کھیلوں کی تاریخ کا پہلا ارب پتی کھلاڑی قرار دیا، جب کہ فوربز کی فہرست میں وہ دس سال میں چھٹی مرتبہ دنیا کے سب سے زیادہ معاوضہ لینے والے فٹبالر ٹھہرے تھے۔
پیپلز پارٹی 27 ویں ترمیم پر لین دین کے چکر میں ہے، اسد قیصر