تکبر بربادی جبکہ ہوش، عاجزی اور خود احتسابی ہی اصل راستہ ہے، آغا سید روح اللہ
اشاعت کی تاریخ: 15th, November 2025 GMT
ممبر پارلیمنٹ آغا سید روح اللہ نے اپنے ماموں اور این سی امیدوار آغا سید محمود کی انتخابی مہم میں حصہ نہیں لیا اور نہ ہی ووٹ ڈالا بلکہ انتخاب کے روز وہ سرکاری دورے پر جرمنی میں تھے۔ اسلام ٹائمز۔ بڈگام ضمنی انتخاب میں پیپلز ڈیموکریٹک پارٹی (پی ڈی پی) کے ہاتھوں نیشنل کانفرنس (این سی) کی شکست کے چند منٹ بعد ہی پارٹی کے رکن پارلیمان آغا سید روح اللہ مہدی نے ایک دوٹوک پیغام جاری کر دیا جس میں انہوں نے این سی کی ہار کو "تکبر" کے ساتھ جوڑتے ہوئے کہا "تکبر تباہی کی جڑ ہے"۔ آغا سید روح اللہ نے گزشتہ برس این سی کی ٹکٹ پر لوک سبھا الیکشن میں جیت حاصل کی تاہم ان کے اور پارٹی کے مابین رسہ کشی اب عوامی سطح پر عیاں ہو چکی ہے۔ سید روح اللہ نے قرآنی کی ایک آیت کا حوالہ دیتے ہوئے لکھا کہ تکبر انسان کو بربادی کی طرف لے جاتا ہے، جبکہ ہوش، عاجزی اور خود احتسابی ہی اصل راستہ ہے۔ اگرچہ انہوں نے نام لے کر نہ اپنی پارٹی کا ذکر کیا اور نہ وزیراعلیٰ کا، لیکن ان کا اشارہ صاف طور پر نیشنل کانفرنس اور اس کی قیادت ہی کی طرف سمجھا گیا۔
ممبر پارلیمنٹ آغا سید روح اللہ نے اپنے ماموں اور این سی امیدوار آغا سید محمود کی انتخابی مہم میں حصہ نہیں لیا اور نہ ہی ووٹ ڈالا بلکہ انتخاب کے روز وہ سرکاری دورے پر جرمنی میں تھے۔ گیارہ نومبر کو منعقد ہوئے ضمنی انتخابات کے نتائج جمعہ کو مشتہر ہوئے جس جس میں دونوں نشستوں پر ووٹرز کے بدلتے رجحانات صاف دکھائی دے رہے ہیں۔ بڈگام میں این سی کی شکست اور پی ڈی پی کی کامیابی کے فوراً بعد بڈگام ٹاؤن میں پی ڈی پی حامیوں کے ساتھ ساتھ آغا سید روح اللہ کے حامیوں نے بھی نہ صرف جشن منایا بلکہ آغا روح اللہ کے حق میں نعرے بازی بھی کی۔ وہیں آغا سید روح اللہ نے بھی فوری طور پر رد عامل ظاہر کرتے ہوئے سماجی رابطہ گاہ پر این کا نام لئے بغیر ان کی سخت مذمت کی۔
نیشنل کانفرنس کے نائب صدر اور وزیراعلیٰ عمر عبداللہ نے آغا سید روح اللہ کے اس طرز عمل کو "سیاسی خودکشی" سے تعبیر کرتے ہوئے پارٹی میں کئی تبدیلیوں کا عندیہ دیا۔ ادھر این سی حکومت کی ساجھے دار کانگریس پارٹی، کے جموں و کشمیر یونٹ صدر طارق حمید قرہ نے کہا کہ انتخابی نتیجہ اس ناراضگی کی عکاسی کرتا ہے جو عوام کو اس بات پر ہوئی کہ وزیراعلیٰ نے بڈگام چھوڑ کر گاندربل کی نشست برقرار رکھی۔ انہوں نے یہ بھی کہا کہ لوگ حکومت سے کارکردگی نہ دکھائے جانے پر ناراض ہیں۔ بھاجپا لیڈر اور اسمبلی میں لیڈر آف اپوزیشن سنیل شرما نے بھی بڈگام میں این سی کی شکوت کو "شیخ عبداللہ خاندان کی شکست" قرار دیا۔ انہوں نے کہا کہ صرف ایک سال میں ہی نوجوان، خواتین اور عام لوگ عمر عبداللہ سے ناراض ہو چکے ہیں کیونکہ اس خاندان نے صرف اقرباء پروری اور بدعنوانی کو فروغ دیا ہے۔
ذریعہ
ذریعہ: Islam Times
کلیدی لفظ: ا غا سید روح اللہ نے انہوں نے
پڑھیں:
آزاد کشمیر انتخابات: استحکام پاکستان پارٹی اور مسلم کانفرنس میں انتخابی اتحاد، سیٹ ایڈجسٹمنٹ پر اتفاق
آزاد کشمیر قانون ساز اسمبلی کے انتخابات سے قبل اہم سیاسی پیشرفت سامنے آئی ہے جہاں استحکام پاکستان پارٹی (آئی پی پی) اور آل جموں و کشمیر مسلم کانفرنس نے انتخابی اتحاد اور مختلف حلقوں میں سیٹ ایڈجسٹمنٹ کے اصولی فارمولے پر اتفاق کر لیا ہے۔
یہ بھی پڑھیں: آزاد کشمیر میں انتخابی عمل سبوتاژ کرنے کی کوششیں ناکام بنائیں گے، چیف الیکشن کمشنر کا واضح پیغام
یہ اتفاق رائے استحکام پاکستان پارٹی آزاد کشمیر کے صدر اور سابق وزیراعظم سردار تنویر الیاس خان اور آل جموں و کشمیر مسلم کانفرنس کے صدر و سابق وزیراعظم سردار عتیق احمد خان کے درمیان ملاقات کے دوران ہوا۔
ملاقات میں آزاد کشمیر کی مجموعی سیاسی صورتحال، آئندہ قانون ساز اسمبلی کے انتخابات اور دونوں جماعتوں کے درمیان انتخابی تعاون پر تفصیلی تبادلہ خیال کیا گیا۔
دونوں رہنماؤں نے مختلف انتخابی حلقوں میں سیٹ ایڈجسٹمنٹ کے اصولی فارمولے کی منظوری دے دی جبکہ انتخابات کے بعد بھی مشترکہ حکمت عملی کے تحت آگے بڑھنے پر اتفاق کیا گیا۔
مزید پڑھیے: تنویر الیاس کے قافلے پر حملہ، وزیراعظم آزاد کشمیر فیصل ممتاز راٹھور کی شدید مذمت
ملاقات میں فیصلہ کیا گیا کہ دونوں جماعتوں کی مشترکہ رابطہ کمیٹی جلد مختلف حلقوں میں امیدواروں کی حمایت اور سیٹ ایڈجسٹمنٹ سے متعلق حتمی اعلان کرے گی۔
سیاسی مبصرین کے مطابق اس اتحاد کو آزاد کشمیر کے انتخابات میں ایک اہم پیشرفت قرار دیا جا رہا ہے کیونکہ دونوں جماعتیں مشترکہ حکمت عملی کے ذریعے انتخابی میدان میں اپنا اثر و رسوخ بڑھانے کی کوشش کر رہی ہیں۔
مزید پڑھیں: آزاد کشمیر میں آئندہ حکومت استحکام پاکستان پارٹی کی ہوگی، تنویر الیاس کا دعویٰ
ملاقات کے موقع پر سابق معاون خصوصی سردار امتیاز شاہین، مسلم کانفرنس یوتھ ونگ کے چیئرمین سردار عثمان عتیق، کھائیگلہ پونچھ سے مسلم کانفرنس کے نامزد امیدوار ڈاکٹر عرفان اشرف، سابق امیدوار اسمبلی سردار منظور ایڈووکیٹ، سابق ڈی جی ہیلتھ سردار محمود خان، پولیٹیکل ایڈوائزر سردار افتخار رشید، ممبر میونسپل کارپوریشن باغ سردار شجاع منگول ایڈووکیٹ، سابق پولیٹیکل سیکرٹری سردار شبریز صابر، پیر عبدالقادر، سردار عفان عتیق، راجہ عبدالجبار اور اسٹاف آفیسر سردار حفیظ خان بھی موجود تھے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
آل جموں و کشمیر مسلم کانفرنس کے صدر و سابق وزیراعظم سردار عتیق احمد خان استحکام پاکستان پارٹی آزاد کشمیر تنویر الیاس اور سرادر عتیق احمد کی ملاقات سابق وزیراعظم سردار تنویر الیاس خان
رمضان میں سحر و افطار کے دوران لوڈشیڈنگ نہ کرنے کا حکم، گیس فراہمی کا بھی اعلان