سندھ بلڈنگ ،پی ای سی ایچ ایس میں غیر قانونی تعمیرات،علاقہ برباد
اشاعت کی تاریخ: 20th, November 2025 GMT
مقامی شہریوں کا احتجاج، تجاوزات اور غیر قانونی عمارات سے روزمرہ زندگی متاثر
آصف شیخ کا سسٹم فعال، بلاک 2 رہائشی پلاٹ 132Bپر غیر قانونی تعمیر جاری
شہر قائد کے مرکزی علاقے پی ای سی ایچ ایس میں اسسٹنٹ ڈائریکٹر آصف شیخ کا رائج کردہ سسٹم فعال ہے، جس کے تحت بلڈنگ قوانین کی دھجیاں اُڑائی جا رہی ہیں،اور شہر کی شان کو زبردست دھچکا پہنچ رہا ہے ۔یہاں نہ صرف غیر قانونی عمارات کی تعمیر ہو رہی ہے بلکہ سڑکوں پر تجاوزات نے زندگی کو مفلوج کر دیا ہے ۔مقامی شہری اس بات پر احتجاج کر رہے ہیں کہ حکام کی خاموشی اور غفلت کی وجہ سے ان کا روزمرہ کا معمول متاثر ہو رہا ہے ۔پی ای سی ایچ ایس کے رہائشیوں کے مطابق،تجاوزات کی وجہ سے سڑکوں پر ٹریفک جام ہونا ایک معمول بن چکا ہے ،اور غیر قانونی عمارتوں کی تعمیر نے علاقے کے قدرتی حسن کو برباد کر دیا ہے ۔ان کا کہنا ہے کہ جب بھی انہوں نے اس مسئلے کے حل کے لیے حکام سے رابطہ کیا،ان کی طرف سے کوئی مناسب ردعمل سامنے نہیں آیا۔اسوقت بھی بلاک 2 کے رہائشی پلاٹ 132 B پر کمرشل پورشن یونٹ کی خلاف ضابطہ تعمیر جاری ہے ، جسے انتظامیہ کی مکمل سرپرستی حاصل ہے ،غیر قانونی تعمیرات نہ صرف شہر کی خوبصورتی کو متاثر کر رہی ہیں، بلکہ ان کی وجہ سے کئی ترقیاتی منصوبے بھی رک گئے ہیں۔شہر کے منصوبہ سازوں کی غفلت کی وجہ سے ایک طویل عرصے سے تعمیرات کے ضابطے محض کاغذی رہ گئے ہیں۔کیا حکام آخرکار جاگیں گے ؟ یہ سوال اس وقت مقامی لوگوں کے ذہنوں میں شدت سے اُٹھ رہا ہے کہ آیا پی ای سی ایچ ایس جیسے خوبصورت علاقے میں غیر قانونی تعمیرات کا سلسلہ کبھی ختم ہوگا؟جرأت سروے ٹیم کے توسط سے علاقہ مکینوں کا وزیر بلدیات سے پر زور مطالبہ ہے کہ جاری خلاف ضابطہ تعمیرات کے خلاف فوری کارروائی عمل میں لائی جائے ۔
.ذریعہ: Juraat
کلیدی لفظ: پی ای سی ایچ ایس کی وجہ سے
پڑھیں:
پنجاب پولیس کانسٹبل عمر فاروق کا کارنامہ: باڈی بلڈنگ چیمپیئن شپ میں 2 گولڈ میڈل جیت لیے
پنجاب پولیس کے کانسٹبل عمر فاروق نے مسٹر پنجاب پولیس انٹر رینج باڈی بلڈنگ چیمپیئن شپ 2025 میں 2 کیٹیگریز میں پہلی پوزیشن حاصل کرکے 2 گولڈ میڈل جیت لیے۔
سماجی رابطے کی ویب سائٹ پر آر پی او نے کہا کہ شیخوپورہ ریجن پولیس کا ایک اور اعزاز، ڈسٹرکٹ ننکانہ کے کنسٹیبل عمر فاروق نے مسٹر پنجاب پولیس انٹر رینج باڈی بلڈنگ چیمپیئن شپ 2025 میں دو کیٹیگریز میں پہلی پوزیشن حاصل کرتے ہوئے2 گولڈ میڈل جیت لیے۔
شیخوپورہ ریجن پولیس کا ایک اور اعزاز
ڈسٹرکٹ ننکانہ کے کنسٹیبل عمر فاروق کی مسٹر پنجاب پولیس انٹر رینج باڈی بلڈنگ چیمپیئن شپ 2025 میں دو کیٹیگریز میں پہلی پوزیشن، 2 گولڈ میڈل جیت لیے،
آر پی او شیخوپورہ ریجن اطہر اسماعیل کی کنسٹیبل عمر فاروق سے ملاقات،
پولیس کا نام روشن کرنے پر… pic.twitter.com/XyOK7zjGpr
آر پی او شیخوپورہ ریجن اطہر اسماعیل نے کانسٹبل عمر فاروق سے ملاقات کی اور پولیس کا نام روشن کرنے پر مبارکباد اور تعریفی سند دی اور آئندہ بھی محنت جاری رکھنے کی ہدایت کی۔
دہلی دھماکا: بھارت کی الزام تراشی پر ترکیہ کا سخت ردعمل