مجھے اردو یونیورسٹی کے حقوق کیلئے آواز اٹھانے پر عہدے سے ہٹایا گیا: جمیل احمد خان
اشاعت کی تاریخ: 20th, November 2025 GMT
— فائل فوٹو
وفاقی اردو یونیورسٹی کی سینیٹ کے ڈپٹی چیئر جمیل احمد خان کا عہدے سے برطرفی کے بعد ردعمل سامنے آگیا۔
سینیٹ کے سابق ڈپٹی چیئر جمیل احمد خان نے کہا ہے کہ مجھے اردو یونیورسٹی کے حقوق کے لیے آواز اٹھانے کی پاداش میں عہدے سے ہٹایا گیا ہے۔
انہوں نے کہا کہ وزارت تعلیم مجھ سے خوش نہیں تھی کیونکہ میں ہمیشہ اردو یونیورسٹی کے مسائل اور گرانٹ کے لیے آواز اٹھاتا تھا۔ میں نے سیکریٹری تعلیم و پیشہ ور تربیت ندیم محبوب کو کہا تھا کہ اگر مسائل حل نہ ہوئے تو میں میڈیا کے سامنے پریس کانفرنس کروں گا۔
وفاقی اردو یونیورسٹی کے ڈپٹی چیرمین سینیٹ جمیل احمد خان کو انکے عہدے سے ہٹا دیا گیا ہے۔
جنگ سے خصوصی گفتگو کرتے ہوئے انہوں نے کہا کہ ندیم محبوب میرا جونیئر تھا اور وہ اردو یونیورسٹی کی فائلیں کئی کئی ماہ تک اوپر نہیں بھیجا کرتا تھا جس پر میں اس کو کہتا تھا کہ اردو یونیورسٹی غریبوں کی جامعہ ہے اس پر خصوصی توجہ کی ضرورت ہے لیکن اردو یونیورسٹی کو نظر انداز کیا جاتا رہا۔
عہدے سے برطرفی کے بعد جمیل احمد خان نے کہا کہ وہ اردو یونیورسٹی کی تاریخ میں پہلے پی ایچ ڈی ڈپٹی چیئر ہیں جنہیں 10 برس اقوام متحدہ میں رہنے کا تجربہ بھی ہے۔ میں نے ہمیشہ اردو یونیورسٹی کے لیے رضاکارانہ خدمات انجام دیں لیکن ایسا لگتا ہے کہ وزارت تعلیم کو اردو یونیورسٹی سے کوئی دلچسپی نہیں، اگر یہ سلسلہ جاری رہا تو اردو یونیورسٹی کی حالت مزید خراب ہوجائے گی یا پھر ممکنہ طور پر چند برس میں یونیورسٹی بند یا کسی اور جامعہ کے ساتھ ضم ہوجائے گی۔
.
ذریعہ
ذریعہ: Jang News
کلیدی لفظ: اردو یونیورسٹی کے اردو یونیورسٹی کی جمیل احمد خان نے کہا
پڑھیں:
پاکستان مشرق وسطیٰ میں امن و استحکام کیلئے فعال سفارتی کردار جاری رکھے ہوئے ہے، اسحاق ڈار
نائب وزیر اعظم اور وزیرخارجہ اسحاق ڈار نے کہا ہے کہ پاکستان آسیان ریجنل فورم کے ذریعے علاقائی امن، استحکام اور تعاون کے لیے پرعزم ہے اور مشرق وسطیٰ میں امن کے لیے فعال سفارتی کردار جاری رکھا ہوا ہے۔
فلپائن کے دارالحکومت منیلا میں آسیان ریجنل فورم کے وزارتی اجلاس سے خطاب میں نائب وزیراعظم اسحاق ڈار نے کہا کہ پاکستان نے مشرق وسطیٰ میں امن و استحکام کے لیے فعال سفارتی کردار جاری رکھے ہو ئے ہے۔
انہوں نے زور دیا کہ تمام فریق تحمل کا مظاہرہ کریں اور سفارت کاری کے ذریعے مسائل حل کریں۔
نائب وزیراعظم اسحاق ڈار نے کہا کہ جموں و کشمیرکے تنازع کا حل ہی جنوبی ایشیا میں پائیدار امن کی بنیاد ہے، بھارت کا سندھ طاس معاہدہ معطل کرنا تشویش ناک اور اشتعال انگیز اقدام ہے۔
اسحاق ڈار نے فلسطینی عوام کے حق خودارادیت کے لیے غیرمتزلزل حمایت کا اعادہ کیا اور کہا کہ افغان سرزمین سے دہشت گردی پاکستان کے لیے سنگین خطرہ ہے۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار