اُردن : خطرناک ملزمان کیخلاف آپریشن میں روبوٹ کا استعمال
اشاعت کی تاریخ: 27th, November 2025 GMT
data-id="863a0a8" data-element_type="widget" data-widget_type="theme-post-content.default">
عمان (انٹرنیشنل دیسک) اردن میں سیکورٹی فورسز نے رمثا کے علاقے میں کارروائیوںکے دوران روبوٹ کا استعمال کیا۔ یہ روبوٹ خطرناک ملزمان کے ساتھ ممکنہ جھڑپ کے دوران سیکورٹی اہلکاروں کے لیے خطرات کم کرنے کے مقصد سے موقع کا معائنہ اور تلاشی لینے میں مدد کرتا رہا۔ اس روبوٹ کا نام پیرابوٹ ہے، جسے پیراماؤنٹ نامی دفاعی صنعت سے وابستہ گروپ نے تیار کیا ہے۔ مقامی میڈیا کے مطابق اسے پہلی بار سوفکس نمائش میں پیش کیا گیا تھا۔ پیرابوٹ تقریباً 10 میٹر لمبا اور ایک ٹن وزنی ہے، جبکہ اسے جدید بکتر بند مواد سے محفوظ بنایا گیا ہے تاکہ گولیوں سے بچاؤ ممکن ہو۔اس میں تھرمَل کیمرے، اسلحہ و بارودی مواد کا پتا لگانے والے سینسرز اور لائیو ویڈیو فیڈ کے لیے کنٹرول روم سے براہِ راست رابطہ موجود ہے۔یہ روبوٹ ریموٹ کنٹرول سے ماہر ٹیموں کے ذریعے چلایا جاتا ہے اور بعض کاموں میں نیم خودکار طریقے سے بھی عمل کرتا ہے۔ بدھ کی صبح اردنی محکمہ امنِ عامہ نے اعلان کیا کہ ایک خصوصی فورس کی جانب سے لوا الرمثا’ میں کی گئی کارروائی کے دوران فکر تکفیری سے تعلق رکھنے والے 2مطلوب بھائیوں کو ہلاک کر دیا گیا۔بیان کے مطابق دونوں مطلوب افراد نے مکان کے اندر اپنی والدہ کو انسانی ڈھال کے طور پر استعمال کرکے گرفتاری سے بچنے کی کوشش بھی کی تھی۔ روبوٹ کے استعمال نے اس کارروائی کے دوران اہلکاروں کی زندگیوں کو ممکنہ خطرات سے بچانے میں اہم کردار ادا کیا۔
ذریعہ
ذریعہ: Jasarat News
کلیدی لفظ: کے دوران
پڑھیں:
ویپنگ کے نقصانات: نئی تحقیق میں صحت کے سنگین خطرات سے خبردار
اسلام آباد: ویپنگ کے نقصانات سے متعلق سامنے آنے والی نئی تحقیق نے ای سگریٹ استعمال کرنے والوں کے لیے خطرے کی گھنٹی بجا دی ہے۔ ماہرین صحت کا کہنا ہے کہ ویپنگ کو عام سگریٹ کا محفوظ متبادل سمجھنا ایک غلط فہمی ہے، کیونکہ اس کے استعمال سے بھی انسانی صحت پر سنگین منفی اثرات مرتب ہو سکتے ہیں۔
تحقیقی رپورٹ کے مطابق ویپ استعمال کرنے والے افراد کے منہ اور پھیپھڑوں کے خلیوں میں ڈی این اے کو نقصان پہنچنے کے شواہد ملے ہیں۔ ماہرین کے مطابق ڈی این اے میں خرابی مختلف بیماریوں، خصوصاً کینسر کے خطرات میں اضافے کا باعث بن سکتی ہے۔
ماہرین کا کہنا ہے کہ اگرچہ ویپ میں روایتی تمباکو موجود نہیں ہوتا، لیکن اس میں شامل مختلف کیمیکلز اور فلیورز انسانی خلیوں پر منفی اثرات مرتب کر سکتے ہیں۔ تحقیق میں یہ بھی سامنے آیا ہے کہ پوڈ سسٹم پر مبنی ویپ استعمال کرنے والے افراد میں خلیاتی نقصان نسبتاً زیادہ دیکھا گیا۔
سائنس دانوں کے مطابق ویپنگ اور روایتی سگریٹ نوشی کا طریقہ کار مختلف ضرور ہے، تاہم دونوں صورتوں میں جسم کو نقصان پہنچنے کا خطرہ موجود رہتا ہے۔ بعض مطالعات میں ویپ استعمال کرنے والوں کے خلیوں میں ہونے والے ڈی این اے نقصان کی سطح سگریٹ نوش افراد کے قریب پائی گئی۔
ماہرین صحت نے خبردار کیا ہے کہ نوجوانوں میں ویپنگ کا بڑھتا ہوا رجحان مستقبل میں صحت عامہ کے لیے ایک بڑا چیلنج بن سکتا ہے۔ ان کا کہنا ہے کہ ای سگریٹ کو محفوظ متبادل سمجھ کر استعمال کرنے کے بجائے اس سے مکمل اجتناب اختیار کرنا زیادہ بہتر ہے۔
ماہرین نے عوام کو مشورہ دیا ہے کہ وہ ویپنگ کے نقصانات کو سنجیدگی سے لیں اور اپنی صحت کے تحفظ کے لیے ایسی تمام مصنوعات سے حتیٰ الامکان دور رہیں، کیونکہ نئی سائنسی تحقیقات کے نتائج اس بات کی نشاندہی کرتے ہیں کہ ویپنگ بھی انسانی جسم کے لیے خطرناک ثابت ہو سکتی ہے۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار