اداکارہ رمشا خان نے چہرے کی کون سی سرجری کرائی؟ ڈاکٹر نے تفصیل بتادی
اشاعت کی تاریخ: 1st, December 2025 GMT
پاکستانی شوبز انڈسٹری کی معروف اداکارہ رمشا خان حال ہی میں ایک 15 سال پرانی ویڈیو سوشل میڈیا وائرل ہونے کے بعد خبروں میں آئیں۔ اس ویڈیو میں ان کی موجودہ شکل و صورت میں نمایاں فرق نظر آیا، جس کے بعد مداحوں نے قیاس آرائیاں کیں کہ اداکارہ نے ممکنہ طور پر کچھ کاسمیٹک پروسیجرز کروائے ہیں، جن میں دانتوں کی درستگی، ناک کی سرجری اور ہونٹوں کے فلرز شامل ہیں۔
دبئی میں مقیم ڈرماٹولوجسٹ ڈاکٹر سمن ذیشان نے ان تبدیلیوں پر تبصرہ کرتے ہوئے کہا ہے کہ سب سے واضح تبدیلی ہونٹوں میں ہے۔ پہلے رمشا کے ہونٹ پتلے تھے لیکن اب وہ بھرے بھرے اور دلکش نظر آتے ہیں۔ اس کے علاوہ ان کے گالوں میں چیک کانٹورنگ بھی دیکھی جا سکتی ہے، جو ان کے چہرے کی خوبصورتی میں اضافہ کرتی ہیں۔ جبکہ اب ان کا ناک بھی سیدھا نظر آتا ہے۔
View this post on Instagram
A post shared by Dr Saman Zeeshan | Aesthetic Dermatology Dubai (@drsamanzeeshan)
ان کا کہنا تھا کہ میری رائے میں یہ تمام بہتریاں بڑی سرجری کے بغیر کی گئی ہیں اور رمشا خان فطری طور پر بہت خوبصورت ہیں۔
رمشا خان نے شوبز کیرئیر کا آغاز فلم ’تھوڑا جی لے‘ سے کیا، جس میں ان کے ہمراہ بلال عباس خان تھے۔ ان کے قابل ذکر ڈرامے میں مہِ تمام، خود پرست، کیسا ہے نصیبہ، شاہ رخ کی سالیاں، وہ ایک پل، شہنائی، عشقیہ، ہم تم، صنفِ آہن، دُنیا پور اور دیگر شامل ہیں۔ اپنی شاندار اداکاری اور خوبصورت شکل و صورت کی وجہ سے رمشا کو بے حد پسند کیا جاتا ہے۔ اس وقت وہ ڈرامہ سیریل ’بریانی‘ میں اپنی اداکاری کے لیے سراہائی جا رہی ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
بریانی پاکستانی ڈرامے رمشا خان رمشا خان سرجری لپ فلرز.
ذریعہ
ذریعہ: WE News
کلیدی لفظ: بریانی پاکستانی ڈرامے لپ فلرز
پڑھیں:
پاکستان کا بنگلہ دیش کے ساتھ تعلیمی تعاون بڑھانے کا عزم، ڈھاکہ یونیورسٹی کے شعبہ اردو میں کمپیوٹر لیب قائم
پاکستان نے بنگلہ دیش کے ساتھ تعلیمی اور علمی تعاون کو مزید مضبوط بنانے کے عزم کا اعادہ کرتے ہوئے ڈھاکہ یونیورسٹی کے شعبہ اردو کو نئے کمپیوٹر عطیہ کر دیے، جبکہ پاکستانی ہائی کمیشن کے تعاون سے قائم جدید کمپیوٹر لیبارٹری اور تزئین و آرائش شدہ کلاس رومز کا بھی افتتاح کر دیا گیا۔
تقریب میں بنگلہ دیش میں پاکستان کے ہائی کمشنر عمران حیدر اور ڈھاکہ یونیورسٹی کے وائس چانسلر پروفیسر ڈاکٹر اے بی ایم عبیدالاسلام نے مشترکہ طور پر کمپیوٹر لیب کا افتتاح کیا۔ اس موقع پر دونوں رہنماؤں نے تعلیم، تحقیق، ثقافتی روابط اور انسانی وسائل کی ترقی کے شعبوں میں تعاون کو مزید وسعت دینے پر اتفاق کیا۔
ہائی کمشنر عمران حیدر نے افتتاحی تقریب سے خطاب کرتے ہوئے کہا کہ کمپیوٹر لیب کا قیام صرف نئی سہولیات کی فراہمی نہیں بلکہ پاکستان اور بنگلہ دیش کے درمیان تعلیم، ثقافتی ہم آہنگی اور نئی نسل کے روشن مستقبل کے لیے مشترکہ عزم کی علامت ہے۔ انہوں نے امید ظاہر کی کہ جدید لیبارٹری طلبہ اور اساتذہ کی صلاحیتوں میں اضافے، تحقیق کے فروغ اور معیاری تعلیم کے حصول میں اہم کردار ادا کرے گی۔
انہوں نے کہا کہ تعلیم باہمی اعتماد، تعاون اور عوامی روابط کو فروغ دینے کا مؤثر ذریعہ ہے، اسی مقصد کے تحت پاکستانی ہائی کمیشن مختلف تعلیمی اور علمی تعاون کے منصوبوں پر کام کر رہا ہے۔ ان کے مطابق دونوں ممالک کی جامعات کے درمیان مشترکہ تحقیقی منصوبوں، اساتذہ اور طلبہ کے تبادلہ پروگرام، سمسٹر ایکسچینج، مشترکہ ڈگری پروگرامز اور قلیل مدتی تربیتی کورسز شروع کرنے کے وسیع امکانات موجود ہیں۔
اس سے قبل ہائی کمشنر عمران حیدر نے وائس چانسلر پروفیسر ڈاکٹر اے بی ایم عبیدالاسلام سے ملاقات کی، جس میں ڈھاکہ یونیورسٹی اور پاکستان کی مختلف جامعات کے درمیان تعلیمی روابط بڑھانے اور مشترکہ تحقیقی سرگرمیوں کو فروغ دینے پر تبادلہ خیال کیا گیا۔
یہ بھی پڑھیں:بنگلہ دیش میں طارق رحمان کی وزراتِ عظمیٰ: پاک بنگلہ دیش تعلقات میں تاریخی پیشرفت کے مواقع
وائس چانسلر نے پاکستانی ہائی کمیشن کی جانب سے شعبہ اردو کی ترقی کے لیے فراہم کیے گئے تعاون پر شکریہ ادا کرتے ہوئے کہا کہ 1921 میں قائم ہونے والا شعبہ اردو یونیورسٹی کے قدیم اور ممتاز شعبوں میں شمار ہوتا ہے، جہاں اس وقت بی ایس (آنرز)، ماسٹرز، ایم فل اور پی ایچ ڈی کی سطح پر تعلیم دی جا رہی ہے۔ انہوں نے امید ظاہر کی کہ پاکستان کا تعاون مستقبل میں بھی جاری رہے گا، جس سے دونوں ممالک کے درمیان تاریخی، ثقافتی اور تعلیمی تعلقات مزید مستحکم ہوں گے۔
تقریب میں فیکلٹی آف آرٹس کے ڈین پروفیسر ڈاکٹر محمد ابوالکلام سرکار، شعبہ اردو کے چیئرمین ایسوسی ایٹ پروفیسر محمد غلام مولا، پروفیسر ڈاکٹر محمد غلام ربانی، پاکستانی ہائی کمیشن کے ڈپٹی ہائی کمشنر محمد واصف سمیت اساتذہ، طلبہ اور دونوں ممالک کے حکام نے بھی شرکت کی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
پاک بنگلہ دیش پاکستان پروفیسر ڈاکٹر محمد ابوالکلام سرکار ڈھاکہ یونیورسٹی کمپیوٹر لیب
بھارت سے جنگ اور افغانستان میں کارروائی خارج ازامکان نہیں، وزیردفاع