ایک ارب روپے سے اچھرہ بازار کو ماڈرن مارکیٹ میں تبدیل کیا جائے گا، عون چوہدری
اشاعت کی تاریخ: 1st, December 2025 GMT
پنجاب حکومت نے لاہور کے تاریخی بازار اچھرہ کی تزئین نو کا آغاز کردیا ہے، جسے 5 ماہ کی مدت میں مکمل کیا جائے گا۔
لاہور میں میڈیا سے گفتگو کرتے ہوئے وزیرِ مملکت برائے اوورسیز پاکستانیز عون چوہدری نے کہا ہے کہ حکومت نے آج تاریخی اچھرہ بازار کی ری ویمپنگ کا آغاز کردیا ہے۔
انہوں نے بتایا کہ یہ لاہور کا پہلا بازار ہے جسے مکمل طور پر ماڈرن ڈیزائن میں تبدیل کیا جارہا ہے اور 5 ماہ میں اس منصوبے کو مکمل کرلیا جائے گا۔
یہ بھی پڑھیں:پنجاب میں کچرا ٹھکانے لگانے کا جدید منصوبہ، رنگدار کوڑے دان لازمی قرار
عون چوہدری کا کہنا تھا کہ اچھرہ بازار تقریباً 100 سال پرانا ہے اور وزیرِاعلیٰ پنجاب کے وژن کے مطابق اسے ایک مثالی مارکیٹ میں تبدیل کیا جائے گا۔
انہوں نے کہا کہ ایک ارب روپے کی لاگت سے اس بازار کو نئے انداز میں تعمیر کیا جارہا ہے اور یہ منصوبہ لاہور ہی نہیں بلکہ پورے پنجاب کے لیے نمونہ بنے گا۔
انہوں نے وزیرِاعلیٰ مریم نواز کے اقدامات کی تعریف کرتے ہوئے کہا کہ وہ لاہور اور پنجاب کے لیے وہ فیصلے کر رہی ہیں جو ماضی میں کسی نے نہیں کیے۔
مزید پڑھیں:وزیراعلیٰ مریم نوازشریف کا ’میگنیفیسنٹ پنجاب‘ میگا ٹورسٹ منصوبہ کیا ہے؟
انہوں نے کہا کہ اپنے ووٹرز کے لیے ایسے ترقیاتی منصوبے لانا ان کے لیے باعثِ خوشی ہے۔
عون چوہدری نے خیبر پختونخوا کے عوام کا ذکر کرتے ہوئے کہا کہ ان کی خواہش ہے کہ پشاور بھی ایسے ہی ترقیاتی منصوبے اور معیاری سڑکیں دیکھے۔
انہوں نے کہا کہ شرانگیزی، گالی گلوچ اور دھونس کی سیاست کو ختم کرکے ترقی کے راستے کو اپنانا ہوگا۔
مزید پڑھیں:پنجاب میں کوئی منصوبہ محکمہ ماحولیات کی منظوری کے بغیر شروع نہیں ہوگا، لاہور ہائیکورٹ کاحکم
وزیر مملکت کا کہنا تھا کہ پاکستان کا مستقبل محفوظ ہاتھوں میں ہے اور ہمیں ایک فرد واحد کے لیے انتشار پیدا کرنے کے بجائے ملک کی مجموعی ترقی پر توجہ دینی چاہیے۔
انہوں نے کہا کہ خیبرپختونخوا کے عوام ان کے دل کے بہت قریب ہیں، اور وہ چاہتے ہیں کہ خیبر پختونخوا کا ہر بچہ معیاری تعلیم، صحت اور بہتر ترقی کے مواقع حاصل کرے۔
مزید پڑھیں: دھی رانی پروگرام، اب تک پنجاب حکومت کتنے جوڑوں کی شادیاں کروا چکی ہے؟
ایک سوال پر عون چوہدری نے کہا کہ آئی ایم ایف کی رپورٹ پر وہ کوئی تبصرہ نہیں کرسکتے۔
گورنر راج سے متعلق سوال کے جواب میں انہوں نے کہا کہ خیبر پختونخوا میں گورنر راج کے حوالے سے انہیں کوئی معلومات نہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
آئی ایم ایف اچھرہ بازار پشاور پنجاب خیبر پختونخوا عون چوہدری گورنر راج لاہور وزیر مملکت برائے اوورسیز پاکستانیز وزیراعلیٰ مریم نواز.
ذریعہ
ذریعہ: WE News
کلیدی لفظ: ا ئی ایم ایف اچھرہ پشاور خیبر پختونخوا عون چوہدری گورنر راج لاہور وزیراعلی مریم نواز انہوں نے کہا کہ خیبر پختونخوا اچھرہ بازار عون چوہدری جائے گا ہے اور کے لیے
پڑھیں:
حکومت کا بڑا ریلیف، الیکٹرک بائیکس پر سبسڈی اور بلاسود قرض کا اعلان
اسلام آباد(نیوز ڈیسک)وزیراعظم کے اپنا گھر پروگرام کے تحت اپنا ذاتی گھر حاصل کرنے کے خواہشمند شہریوں کے لیے بڑی پیش رفت سامنے آئی ہے۔ حکومت نے اعلان کیا ہے کہ پروگرام کے تحت کمرشل بینک اب تک 160 ارب روپے مالیت کے ہاؤسنگ قرضے منظور کر چکے ہیں جبکہ کامیاب درخواست گزاروں کو قرضوں کی فراہمی کا عمل بھی تیزی سے جاری ہے۔
یہ بات وزیر خزانہ کے مشیر عدنان پاشا نے کراچی میں منعقدہ فرسٹ انٹرنیشنل انشورنس کانفرنس سے خطاب کرتے ہوئے بتائی۔ انہوں نے کہا کہ وزیراعظم کا اپنا گھر پروگرام ملک میں تقریباً ایک کروڑ (10 ملین) گھروں کی کمی کو پورا کرنے کی جانب ایک اہم قدم ہے اور اس کے ذریعے کم آمدنی والے خاندانوں کو رعایتی شرائط پر اپنے گھر کا مالک بننے کا موقع فراہم کیا جا رہا ہے۔
عدنان پاشا نے بتایا کہ اس اسکیم کے تحت شہریوں کو صرف 5 فیصد رعایتی مارک اپ پر ہاؤسنگ قرض فراہم کیا جا رہا ہے جبکہ وزارت خزانہ اس منصوبے میں شامل بینکوں کے ممکنہ قرض نقصان کا 10 فیصد تک بوجھ خود برداشت کر رہی ہے۔ اس کے علاوہ حکومت پہلے 10 سال تک مارک اپ سبسڈی بھی فراہم کر رہی ہے تاکہ ہاؤسنگ فنانس زیادہ سے زیادہ سستا اور عوام کی پہنچ میں رہ سکے۔
انہوں نے کہا کہ حکومت کی کوشش ہے کہ زیادہ سے زیادہ مستحق خاندان اس سہولت سے فائدہ اٹھائیں، جس سے نہ صرف رہائشی مسائل میں کمی آئے گی بلکہ تعمیراتی شعبے، سیمنٹ، اسٹیل، ٹائلز، الیکٹریکل مصنوعات اور دیگر متعلقہ صنعتوں میں بھی معاشی سرگرمیوں کو فروغ ملے گا۔
اس موقع پر عدنان پاشا نے حکومت کے الیکٹرک موٹرسائیکل پروگرام پر بھی روشنی ڈالی۔ انہوں نے بتایا کہ حکومت آئندہ برسوں میں 20 لاکھ الیکٹرک موٹرسائیکلیں متعارف کرانے کا منصوبہ رکھتی ہے۔ ان کے مطابق پاکستان میں تقریباً 30 لاکھ رجسٹرڈ موٹرسائیکلیں ہر سال قریب 8 ارب ڈالر مالیت کا درآمدی پٹرول استعمال کرتی ہیں، جس سے نہ صرف قیمتی زرمبادلہ خرچ ہوتا ہے بلکہ ماحولیاتی آلودگی میں بھی اضافہ ہوتا ہے۔
انہوں نے کہا کہ حکومت شہریوں کو الیکٹرک بائیکس کی خریداری پر سبسڈی اور بلاسود فنانسنگ فراہم کر رہی ہے تاکہ ایندھن پر انحصار کم کیا جا سکے، تاہم ملک میں الیکٹرک بائیکس کی پیداوار اور سپلائی کے مسائل اب بھی موجود ہیں، جنہیں دور کرنے کے لیے اقدامات کیے جا رہے ہیں۔
عدنان پاشا نے زرعی شعبے کے حوالے سے بتایا کہ حکومت نے حال ہی میں زرخیزی اسکیم بھی متعارف کرائی ہے جس کے تحت 21 بینکوں پاکستان بینکس ایسوسی ایشن اور سپارکو کے تعاون سے کسانوں کو ڈیجیٹل زرعی قرضے فراہم کیے جا رہے ہیں۔ انہوں نے کہا کہ اس منصوبے میں سیٹلائٹ مانیٹرنگ اور ریئل ٹائم ڈیٹا کے ذریعے قرضوں کے استعمال کی نگرانی کی جائے گی تاکہ شفافیت کو یقینی بنایا جا سکے اور زرعی پیداوار میں اضافہ ہو۔
حکومتی حکام کے مطابق اپنا گھر پروگرام اور دیگر مالیاتی اسکیموں کا مقصد کم آمدنی والے طبقات کو سہولت فراہم کرنے معیشت کو متحرک کرنے، تعمیراتی سرگرمیوں کو فروغ دینے اور ملک میں پائیدار ترقی کی راہ ہموار کرنا ہے۔
مزید پڑھیں۔سرکاری ملازمین کی تنخواہوں کے بعد پنشن میں بھی اضافہ
پاکستان نے ورلڈ کپ 2028 کیلیے براہ راست کوالیفائی کر لیا