مسائل کا حل مذاکرات ہیں مگر پی ٹی آئی سیاستدانوں کے ساتھ بیٹھنے پر آمادہ نہیں،شرجیل میمن
اشاعت کی تاریخ: 10th, December 2025 GMT
اسلام آباد: وزیر اطلاعات و ٹرانسپورٹ سندھ شرجیل انعام میمن نے کہا ہے کہ 9 مئی کے واقعات قوم کی یادداشت کا مستقل حصہ ہیں اور ہم چاہتے ہیں کہ سیاستدان اپنی غلطیاں قبول کریں۔
سندھ ہاؤس اسلام آباد میں پریس کانفرنس کرتے ہوئے انہوں نے کہا کہ 2018 کے انتخابات میں دھاندلی کے ذریعے پی ٹی آئی کو اقتدار دیا گیا، مگر ساڑھے تین سالہ دورِ حکومت میں کوئی بڑا منصوبہ سامنے نہ آ سکا اور اسی دور کو انسانی حقوق کی بدترین پامالی کا زمانہ قرار دیا جاتا ہے۔
انہوں نے کہا کہ بانی پی ٹی آئی اپنے اقتدار کے دوران اسٹیبلشمنٹ سے مثالی تعلقات کے دعوے کرتے رہے، مگر آج خود کو ہیرو بنا کر پیش کیا جا رہا ہے۔ شرجیل میمن نے کہا کہ سیاسی مخالفین کے خلاف مقدمات، میڈیا ٹرائل، اور آصف زرداری سمیت پیپلز پارٹی رہنماؤں کی گرفتاری اسی دور میں ہوئی۔ فریال تالپور کو عید کی رات گرفتار کر کے جیل بھیجا گیا، جو آمریت جیسا طرزِ حکمرانی تھا۔
انہوں نے الزام لگایا کہ بانی پی ٹی آئی بیرون ملک بیٹھ کر ریاست کے خلاف بیانیہ دیتے رہے، اور ان کی گرفتاری پر اسرائیل سمیت کچھ بین الاقوامی حلقوں نے ردعمل دیا، جبکہ ان کے اہل خانہ بھارتی میڈیا پر بیانات دیتے ہیں۔ انہوں نے کہا کہ ہم کسی کو غدار نہیں کہتے مگر چاہتے ہیں کہ سیاسی ماحول کو اشتعال انگیزی، گالم گلوچ اور تصادم سے بچایا جائے۔
شرجیل انعام میمن کا کہنا تھا کہ مسائل کا حل بات چیت میں ہے، لیکن پی ٹی آئی قیادت سیاستدانوں سے مذاکرات پر آمادہ نہیں۔ انہوں نے کہا کہ قائداعظم کے گھر پر حملہ اور قومی املاک کو نقصان ناقابلِ فراموش ہے اور قوم ایسے واقعات کو نظرانداز نہیں کر سکتی۔
.
ذریعہ: Al Qamar Online
کلیدی لفظ: پاکستان کھیل انہوں نے کہا کہ پی ٹی آئی
پڑھیں:
آمدن سے زاید اثاثے:شرجیل میمن، ان کی والدہ اور اہلیہ پر فرد جرم عاید
data-id="863a0a8" data-element_type="widget" data-widget_type="theme-post-content.default">
251211-08-14
کراچی (اسٹاف رپورٹر)اینٹی کرپشن کورٹ نے پیپلز پارٹی کے وزیر شرجیل میمن کے خلاف آمدن سے زاید اثاثوں کے کیس میں شرجیل میمن، ان کی والدہ زینت انعام میمن اور اہلیہ صدف شرجیل و دیگر ملزمان پر فرد جرم عاید کردی۔ملزم شرجیل میمن سمیت 8 ملزمان عدالت میں پیش ہوئے۔ملزم شرجیل میمن کی والدہ اور اہلیہ کو استثا حاصل ہے۔کمرہ عدالت میں موجود شرجیل میمن ودیگر ملزمان نے صحت جرم سے انکار کردیا۔عدالت نے 7گواہان کو نوٹسز جاری کردیے۔استغاثہ کے مطابق ملزمان پر 2ارب 27کروڑروپے سے زاید کے اثاثے بنانے کا الزام ہے۔نیب کا کہنا ہے کہ ملزمان نے سائٹ اور ڈی ایچ اے میں رہائشی و کمرشل پراپرٹیز خرید و فروخت کیں، مختلف محکموں سے غیر قانونی ماہانہ وصولیاں کی گئیں،منی ایکسچینج کمپنی کے ملازم محمد سہیل پر اربوں روپے منی لانڈرنگ کا الزام ہے۔نیب کے مطابق غیر قانونی رقوم دو ہزار بارہ سے یو اے ای منتقل کی گئیں،ہنڈی حوالہ کے ذریعے رقم بیرون ملک بھیجنے کا الزام بھی ریفرنس میں شامل ہے۔
سمری پر دستخط، عاصم منیرپہلے چیف آف ڈیفنس فورسز تعینات