ٹنڈو ولی محمد سے جشنِ مولودِ کعبہ کے سلسلہ میں چادر مبارک کا قدیمی جلوس برآمد
اشاعت کی تاریخ: 14th, January 2025 GMT
عزادار رابطہ کمیٹی حیدرآباد کے اعلامیہ کے مطابق حیدرآباد شہر، لطیف آباد، قاسم آباد اور تعلقہ دیہی کی جملہ امام بارگاہوں، پِڑوں اور گلی محلوں میں جشن مولودِ کعبہ کی محافل، جشن اور ریلیوں کا سلسلہ بڑے زور و شور سے جاری رہیں جن میں نذر نیاز کا بھی بڑے پیمانے پر اہتمام کیا گیا۔ اسلام ٹائمز۔ شیرِ خدا، فاتحِ خیبر و خندق، امام المتقین حضرت علی ابنِ ابی طالب کی خانہ کعبہ میں ولادتِ باسعادت کی مناسبت سے دنیا بھر کی طرح حیدرآباد کے چاروں تعلقہ جات شہر، لطیف آباد، قاسم آباد اور تعلقہ دیہی میں بھی جشنِ مولودِ کعبہ کی شاندار، پروقار اور پرنور محافلوں کا سلسلہ گذشتہ رات سے جاری ہے اور 13 رجب المرجب کو بعد نمازِ ظہرین ٹنڈو ولی محمد سے چادر مبارک کا قدیمی جلوس بھی برآمد ہوا۔ عزادار رابطہ کمیٹی حیدرآباد کے سرپرست زوار عبدالستار درس کے جاری کردہ اعلامیہ کے مطابق 13 رجب المرجب کو حیدرآباد شہر، لطیف آباد، قاسم آباد اور تعلقہ دیہی کی جملہ امام بارگاہوں، پِڑوں اور گلی محلوں میں جشن مولودِ کعبہ کی محافل، جشن اور ریلیوں کا سلسلہ بڑے زور و شور سے جاری رہیں جن میں نذر نیاز کا بھی بڑے پیمانے پر اہتمام کیا گیا۔
اس سلسلہ میں روضہ اطہر بی بی معصومہ سندھ اگھم کوٹ میں 3 روز سے جاری جشن و محافل کی تقریبات کی اختتامی تقریبات ہوئیں جن میں سندھ بھر سے ہزاروں عقیدتمند شریک تھے جبکہ حیدرآباد شہر میں بعد نمازِ ظہرین محفلِ شاہِ نجف ٹنڈو ولی محمد سے جشنِ مولودِ کعبہ کے سلسلہ میں چادر مبارک کا مرکزی جلوس برآمد ہوا جو شہر کے مختلف علاقوں سے گشت کرتا ہوا رات کے آخری وقت قدم گاہ مولا علی ع پر پہنچ کر اختتام پذیر ہوا۔ جشنِ مولودِ کعبہ کے سلسلہ میں گذشتہ 2 روز سے شہر کے اکثر علاقوں اور جملہ امام بارگاہوں پر شاندار چراغاں بھی کیا گیا ہے۔
ذریعہ: Islam Times
کلیدی لفظ: سلسلہ میں
پڑھیں:
چیئرمین سی ڈی اے محمد علی رندھاوا نے اسلام آباد کے لیے کون کون سے منصوبوں کی منظوری دی؟
چیئرمین کیپیٹل ڈویلپمنٹ اتھارٹی (سی ڈی اے) و چیف کمشنر اسلام آباد محمد علی رندھاوا کی زیر صدارت جمعرات کو سی ڈی اے بورڈ کا 16واں اجلاس منعقد ہوا، جس میں بورڈ کے ممبران اور متعلقہ افسران نے شرکت کی۔ اجلاس میں شہری سہولت، اسپتالوں کی بہتری اور انتظامی امور سے متعلق متعدد اہم منصوبوں کی منظوری دی گئی۔
اجلاس میں فیصلہ کیا گیا کہ قبر کھدائی اور میت بس کے چارجز معاف کیے جائیں گے اور قبرستانوں میں اضافی میت بسیں فراہم کی جائیں گی تاکہ شہریوں کو دکھ کی گھڑی میں سہولت فراہم کی جا سکے۔
مزید پڑھیں: شاہ اللہ دتہ میں اسپورٹس انکلیو بنایا جائے گا، چیئرمین سی ڈی اے
کیپیٹل اسپتال کے معیار کو بہتر بنانے اور آمدن بڑھانے کے لیے انسٹیٹوشنل بیسڈ پرائیویٹ پریکٹس (آئی بی پی پی) کے تحت پرائیویٹ مریضوں کی فیسوں پر نظر ثانی کی جائے گی۔ چیئرمین نے اسپتال کے لیے جدید کمپیوٹرز اور کیش لیس نظام کے آلات فراہم کرنے کی بھی ہدایت دی۔
سی ڈی اے انٹرنشپ پالیسی 2025 کی منظوری دی گئی، جس کے تحت پاکستان کی بہترین یونیورسٹیوں سے فارغ التحصیل گریجویٹس کو شفاف اور میرٹ پر مبنی انٹرنشپ فراہم کی جائے گی تاکہ ادارے میں جدید مہارتوں سے لیس افرادی قوت میسر ہو۔
مزید پڑھیں: اللہ نے پاکستان کی عزت رکھی، چیئرمین پی سی بی محسن نقوی
اجلاس میں نیو اسلام آباد انٹرنیشنل ایئرپورٹ کے قریب اے این ایف آفس کے قیام اور اسلام آباد میں پولیس اسٹیشن کی تعمیر کے لیے زمین کی منظوری دی گئی۔ سیکٹر F-10 کی سروس روڈ (ایسٹ) کا نام قومی کھلاڑی ’ارشد ندیم روڈ‘ رکھنے کی تجویز وفاقی حکومت کو بھیجی جائے گی۔
اسلام آباد میونسپل سالڈ ویسٹ مینجمنٹ کی لینڈ فل سائٹ کے استعمال کے لیے راولپنڈی ویسٹ مینجمنٹ کمپنی (آر ڈبلیو ایم سی) کے ساتھ کرایہ اور خدمات کی مدت میں توسیع کی منظوری بھی دی گئی۔
مزید پڑھیں: اسلام آباد: دکھ کے لمحات میں شہری سہولت، قبر کھدائی اور میت بس سروس اب بلا معاوضہ
علاوہ ازیں، گریڈ 15 اور 16 میں تعینات سٹیٹسکل اسسٹنٹ ملازمین کے اپ گریڈیشن کے طریقہ کار کی منظوری فنانس ڈویژن کے رولز کے مطابق دی گئی۔
چیئرمین سی ڈی اے محمد علی رندھاوا نے تمام فیصلہ جات پر شفاف اور مؤثر عملدرآمد کو یقینی بنانے کی ہدایت کی تاکہ اسلام آباد کی تعمیر و ترقی اور شہری سہولت کی فراہمی بہترین انداز میں ممکن ہو۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
اسلام اباد چیئرمین سی ڈی اے محمد علی رندھاوا
لاہور سے جدہ جانے والی 2 پروازوں کی ہنگامی لینڈنگ؛ طیارے گراؤنڈ کردیے گئے