پاک بھارت میچ؛ ریونیو شیئرنگ پر پاکستان اور اماراتی بورڈ معاہدے کے قریب
اشاعت کی تاریخ: 16th, January 2025 GMT
کراچی:
چیمپیئنز ٹرافی کے حوالے سے پاکستان اور امارات بورڈ جلد ریونیو شیئرنگ معاہدے کے قریب ہیں، سی او او سبحان احمد کے مطابق ٹکٹوں کی فروخت اور دیگر تفصیلات تقریباً مکمل ہو چکی ہیں، پاک بھارت شائقین کیلیے الگ اسٹینڈز مختص کرنے کی کوئی ضرورت نہیں ہے۔
انہوں نے یو اے ای میں پاکستان اور بھارت کے مزید دو طرفہ میچز کی میزبانی میں بھی دلچسپی ظاہر کر دی۔
تفصیلات کے مطابق امارات کرکٹ بورڈ کے سی او او سبحان احمد نے دبئی میں ’’ایکسپریس‘‘ کو خصوصی انٹرویو میں کہا کہ پی سی بی کے ساتھ ریونیو شیئرنگ اور دیگر معاملات پر بات چیت مثبت انداز میں جاری ہے، اس حوالے سے آخری مراحل میں ہیں، مجھے کسی ایشو کی توقع نہیں ہے، دونوں فریقین باہمی فوائد کو یقینی بنانے کے لیے پْرعزم ہیں۔
تعاون کی اہمیت کو اْجاگر کرتے ہوئے انہوں نے کہا کہ کسی بھی شراکت داری کی کامیابی کے لیے ضروری ہے کہ دونوں فریقین خود کو اہم محسوس کریں، پی سی بی نے ہماری باتوں کو سمجھا اور ہمارے درمیان خیالات کا مثبت تبادلہ ہوا، ہم جلد ہی معاملات کو حتمی شکل دینے کا ارادہ رکھتے ہیں۔
سبحان احمد نے یقین دہانی کرائی کہ ٹکٹوں کی فروخت اور دیگر تفصیلات تقریباً مکمل ہو چکی ہیں، جلد شائقین کو قیمت اور خریداری کے عمل کے بارے میں مطلع کیا جائے گا، ٹکٹ پہلے آئیں پہلے پائیں کی بنیاد پر دستیاب ہوں گے تاکہ پاکستان اور بھارت کے شائقین سمیت دیگر افراد بھی اس ایکشن کا لطف اٹھا سکیں۔
امارات کرکٹ بورڈ کے سی او او نے متحدہ عرب امارات میں بھارت اور پاکستان کے شائقین میں ہم آہنگی کے جذبے کو اجاگر کرتے ہوئے کہا کہ یہاں شائقین بغیر کسی مسئلے کے ایک ساتھ بیٹھتے ہیں، الگ اسٹینڈز مختص کرنے کی کوئی ضرورت نہیں ہے۔
انہوں نے یو اے ای میں پاکستان اور بھارت کے مزید دو طرفہ میچز کی میزبانی میں دلچسپی کا اظہار کرتے ہوئے کہا کہ ہمارے وینیوز اور انفرا اسٹرکچر ہمیں انٹرنیشنل کرکٹ کے لیے مثالی انتخاب بناتے ہیں، اگر ٹیمیں تیار ہوں تو ہم میزبانی کے لیے تیار ہوں گے، یو اے ای کا منفرد کثیر الثقافتی ماحول ان میچز میں جوش و خروش کا نیا رنگ بھر دیتا ہے، چونکہ یہاں بہت سے بھارتی اور پاکستانی رہتے ہیں، اس لیے پاک بھارت میچ صرف کرکٹ نہیں بلکہ ایک جشن ہے، دونوں طرف کے شائقین اپنی ٹیموں کی حمایت کے لیے جمع ہوتے اور کھیل کا لطف اٹھاتے ہیں جس سے شاندار ماحول پیدا ہوتا ہے۔
سبحان احمد نے حالیہ ایونٹس جیسے ایشیا کپ اور 2021 ورلڈ کپ میں عوامی دلچسپی کا حوالہ دیتے ہوئے اس بار چیمپیئنز ٹرافی میں مزید جوش و خروش کی امید ظاہر کر دی۔ انہوں نے کہا کہ ہم توقع کرتے ہیں یہ میچز بہت دلچسپ ہوں گے اور شائقین کی ریکارڈ توڑ حمایت دیکھنے کو ملے گی، ٹکٹس سب کے لیے قابلِ رسائی ہوں گے۔
پاکستانی شائقین کو درپیش ویزا چیلنجز کے حوالے سے سبحان احمد نے انکشاف کیا کہ یو اے ای حکومت کے ساتھ اس حوالے سے بات چیت جاری ہے، ہم اس بات کے لیے پْرعزم ہیں کہ کرکٹ کے شائقین کسی غیر ضروری رکاوٹ کے بغیر میچز میں شریک ہو سکیں، یو اے ای شاندار سہولیات اور حکومتی تعاون فراہم کرتا ہے، یہ اسے ایونٹس کے لیے قلیل مدت کے نوٹس پر بھی بہترین مقام بناتا ہے۔
.ذریعہ: Express News
کلیدی لفظ: پاکستان اور کے شائقین حوالے سے انہوں نے یو اے ای کہا کہ کے لیے ہوں گے
پڑھیں:
اماراتی ایئرپورٹس پر مسافروں کی آمد کا نیا ریکارڈ قائم
متحدہ عرب امارات نے عالمی ہوابازی کے شعبے میں ایک اور اہم سنگِ میل عبور کرلیا۔ سال 2025 کی پہلی ششماہی میں 75.4 ملین مسافروں نے امارات کے ایئرپورٹس کا رخ کیا، جو کہ ایک نیا ریکارڈ ہے۔
یہ اعداد و شمار جنرل سول ایوی ایشن اتھارٹی کی رپورٹ میں سامنے آئے ہیں، جس کے مطابق گزشتہ سال اسی عرصے کے دوران 71.7 ملین مسافر امارات پہنچے تھے — یعنی اس سال 5 فیصد سے زائد اضافہ ریکارڈ کیا گیا۔
ہوائی ٹریفک اور کارگو میں بھی واضح اضافہ
جی سی اے اے کے مطابق ہوائی ٹریفک کی نقل و حرکت میں 6.2 فیصد اضافہ ہوا،531,000 پروازیں رجسٹرڈ ہوئیں،کارگو کا حجم 4 فیصد بڑھ کر 2.2 ملین ٹن سے تجاوز کر گیا،سب سے مصروف مہینہ جنوری رہا، جب لاکھوں افراد چھٹیوں سے واپسی یا نئے سال کے سفر پر روانہ ہو رہے تھے۔
یہ ترقی ہمارے وژن کا ثمر ہے
ولی عہد دبئی شیخ ہمدان بن محمد بن راشد آل مکتوم نے کہا کہ یہ کامیابی متحدہ عرب امارات کی قیادت کے وژن، منصوبہ بندی اور عالمی سطح پر کھلے رابطے کی پالیسیوں کا ثمر ہے۔
دبئی کی سیاحت بھی عروج پر
اسی دوران دبئی نے 2025 کی پہلی ششماہی میں 9.88 ملین بین الاقوامی سیاحوں کا خیرمقدم کیا، جو گزشتہ سال کے مقابلے میں 6 فیصد زیادہ ہے۔
دبئی کے محکمہ معیشت و سیاحت کے مطابق، یہ اعداد و شمار شہر کی عالمی سیاحتی مرکز کے طور پر بڑھتی ہوئی مقبولیت کو ظاہر کرتے ہیں۔
وزیرِ معیشت و چیئرمین جی سی اے اے عبداللہ بن طوق المری () نے کہاکہ ہم فضائی رابطوں کو مزید وسعت دے کر متحدہ عرب امارات کو عالمی ہوابازی میں مرکزی مقام دلانے کے لیے پرعزم ہیں۔
75.4 ملین مسافر: 2025 کی پہلی ششماہی میں کی تاریخ کا نیا ریکارڈ
531,000 پروازیں اور2.2 ملین ٹن کارگو
دبئی: 9.88 ملین سیاحوں کے ساتھ سیاحت میں 6فیصد اضافہ
معرکہ حق جشن آزادی کی تقاریب میں راحت فتح علی، عاطف اسلم اور علی ظفر پرفارم کریں گے، گورنر سندھ