آج بھارت بھر میں 79واں یوم آزادی کا جشن جوش و خروش کیساتھ منایا جا رہا ہے
اشاعت کی تاریخ: 15th, August 2025 GMT
لال قلعہ پر یوم آزادی کی تقریبات دیکھنے کیلئے عام شہریوں کے بیٹھنے کے انتظامات کو احتیاط سے ترتیب دیا گیا ہے تاکہ اس بات کو یقینی بنایا جاسکے کہ تمام شرکاء تقریب کا صحیح نظارہ کرسکیں۔ اسلام ٹائمز۔ بھارت آج اپنا 79واں یوم آزادی شان و شوکت اور جوش و خروش کے ساتھ منانے کے لئے تیار ہے۔ اس موقعے پر جہاں ملک بھر میں اسکولوں، کالجوں اور تمام سرکاری اداروں میں رنگا رنگ تقریبات کا انعقاد کیا جا رہا ہے وہیں دہلی میں مرکزی تقریبات کے لئے تاریخی لال قلعہ کو بہترین طریقے سے سجایا گیا ہے۔ لال قلعہ پر پروگرام کا آغاز صبح سویرے مسلح افواج اور دہلی پولیس کی جانب سے وزیراعظم نریندر مودی کو گارڈ آف آنر پیش کرنے کے ساتھ ہوگا جو قومی پرچم لہرائیں گے۔ اس کے بعد قومی ترانہ پیش کیا جائے گا۔ بعد ازاں بھارتی فضائیہ کے ہیلی کاپٹروں کے ذریعہ 21 توپوں کی سلامی کے ساتھ پھولوں کی بارش کی جائے گی۔ اس کے بعد وزیراعظم اپنی تقریر کریں گے۔ بعد ازاں قومی ترانہ گایا جائے گا اور ہوا میں سہ رنگی غبارے چھوڑے جائیں گے۔
لال قلعہ پر یوم آزادی کی تقریبات دیکھنے کے لئے عام شہریوں کے بیٹھنے کے انتظامات کو احتیاط سے ترتیب دیا گیا ہے تاکہ اس بات کو یقینی بنایا جا سکے کہ تمام شرکاء تقریب کا صحیح نظارہ کر سکیں۔ بیٹھنے کے انتظام کو عام طور پر کئی حصوں میں تقسیم کیا گیا ہے۔ دہلی ٹریفک پولیس نے لال قلعہ پر یوم آزادی کے جشن سے قبل ٹریفک ایڈوائزری بھی جاری کی ہے۔ ایڈیشنل سی پی ٹریفک، دہلی پولیس، دنیش کمار گپتا نے کہا "گذشتہ رات 10 سے دہلی کی سرحدوں پر پابندیاں عائد کر دی گئی ہیں، جس کے تحت ہم کسی بھی کمرشیل گاڑی کو دہلی میں داخل ہونے کی اجازت نہیں ہوگی۔ یہ پابندیاں اس وقت تک برقرار رہیں گی جب تک کہ لال قلعہ کی تقریبات مکمل نہیں ہوجاتیں۔
ذریعہ
ذریعہ: Islam Times
کلیدی لفظ: لال قلعہ پر یوم آزادی گیا ہے
پڑھیں:
افغان ٹیم پہلی بار بھارت میں ٹی ٹوئنٹی سیریز کی میزبانی کرے گی
افغانستان کرکٹ ٹیم(Afghanistan Cricket Team) اپنی آئندہ ٹی ٹوئنٹی سیریز کی میزبانی بھارت کے دارالحکومت دہلی میں کرے گی، جس کا باضابطہ شیڈول سامنے آگیا ہے۔
رپورٹس کے مطابق افغانستان کرکٹ بورڈ اور بھارتی کرکٹ بورڈ کے درمیان طویل مشاورت کے بعد اس سیریز کے انعقاد پر اتفاق کیا گیا ہے، جس کے تحت تین ٹی ٹوئنٹی میچز 13، 16 اور 19 ستمبر کو کھیلے جائیں گے۔
ذرائع کے مطابق یہ پہلا موقع ہوگا کہ افغانستان بھارت میں ٹی ٹوئنٹی سیریز کی میزبانی کرے گا، جو دونوں کرکٹ بورڈز کے درمیان مضبوط ہوتے ہوئے تعلقات کی عکاسی کرتا ہے۔
اس سے قبل افغانستان کی ٹیم بھارت کے خلاف ایک ٹیسٹ میچ اور تین ون ڈے میچز کی سیریز بھی کھیل رہی ہے، جس سے دونوں ٹیموں کے درمیان بین الاقوامی کرکٹ روابط مزید مستحکم ہو رہے ہیں۔
مزیدپڑھیں:پنجاب میں مفت سفری سہولت ختم کرنے پر غور
بھارتی میڈیا کے مطابق افغانستان کرکٹ بورڈ نے اس سیریز کے لیے جوابی دورے کی خواہش ظاہر کی تھی، جس پر بھارتی بورڈ نے مثبت ردعمل دیا۔ دونوں بورڈز کے درمیان پہلے سے اچھے تعلقات موجود ہیں، جس کی بنیاد پر اس سیریز کو ممکن بنایا گیا۔
یہ بھی یاد رہے کہ افغانستان کرکٹ ٹیم ماضی میں اپنی ہوم سیریز بھارت اور متحدہ عرب امارات میں کھیلتی رہی ہے۔ بھارت میں افغانستان نے اس سے قبل آئرلینڈ، بنگلہ دیش اور نیوزی لینڈ جیسی ٹیموں کی میزبانی بھی کی ہے۔
کرکٹ ماہرین کے مطابق افغانستان کی جانب سے بھارت میں مسلسل ہوم سیریز کھیلنا اس بات کی علامت ہے کہ وہ عالمی کرکٹ میں اپنی موجودگی اور انتظامی صلاحیتوں کو مزید مضبوط کر رہا ہے۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ