حمل:
21 مارچ تا 21 اپریل
آپ کو جن بھی معاملات میں پریشانی کا سامنا ہے، انشاءاللہ وہ جلد ختم ہو جائیں گی۔ آپ تیزی سے اس طرف جانا شروع ہو گئے ہیں۔ بڑی امید ہے کہ اب روزگار سے لے کر صحت تک کے تمام امور میں بہتری نصیب ہوگی اور جن لوگوں نے آپ کی زندگی میں مشکلات پیدا کی ہوئی تھیں وہ بھی اب خودبخود پیچھے ہٹ جائیں گے،یہ آپ کے لئے بڑی آسانی ہے ۔
ثور:
22 اپریل تا 20 مئی
جن لوگوں نے ماضی میں جو نقصان اٹھایا اب انشاءاللہ اس کا ازالہ ممکن ہو سکے گا اور جو لوگ نئے کام کی تلاش میں ہیں ان کابھی سبب بن سکے گا۔ اب آپ کی مالی مشکلات کے خاتمے کا وقت بھی شروع ہو گیا ہے۔ جلد ہی آپ کو نیا سلسلہ بنتا ہوا دکھائی دے گا اور پرانے ناراض عزیزوں سے دوبارہ تعلقات بحال ہوں گے۔
جوزا:
21 مئی تا 21 جون
کسی بھی ایسے کام میں ہرگز ہاتھ نہ ڈالیں جو آپ کے لئے مشکل ہو اور جس کے بارے میں آپ جانتے نہ ہوں۔ اس وقت روزگار کا خانہ کھلا ہوا ہے۔ اس طرف توجہ دینے کی خاص ضرورت ہے۔ اس بار بڑا فائدہ حاصل ہوگا، راستے کی بڑی رکاوٹیں خود بخود دور ہوتی جائیں گی ۔جو لوگ عرصہ دراز سے بیماری میں تھے ، انشاءاللہ اب صحت یاب ہوں گے۔
سرطان:
22 جون تا 23 جولائی
ملازمت پیشہ افراد کے تبادلے کا امکان ہے اور جس پر کوشش کی جا رہی تھی امید ہے کہ وہ سلسلہ ہاتھ لگے گا ۔جو لوگ کافی دنوں سے مالی طور پر سخت پریشان چلے آرہے تھے وہ اب اس میں بہتری حاصل کر سکیں گے اور گھریلو ماحول میں جاری کشیدگی کا خاتمہ ہوگا۔ البتہ اپنوں کے ساتھ اب تعلقات خاتمے کی طرف چلے گئے ہیں، شاید دوبارہ صلح مشکل ہو سکے۔
اسد:
24 جولائی تا 23 اگست
جو لوگ عرصہ دراز سے کسی بیماری یابندش میں جکڑے ہوئے تھے وہ آزاد ہو سکیں گے اور جن لوگوں کے کاموں میں مسلسل رکاوٹیں آ رہی تھیں وہ بھی ان شاءاللہ اب دور ہو سکیں گی۔ اس ہفتے وہ کام بھی ہو جائے گا جوناممکن سا لگ رہا تھا۔ اولاد کا خانہ بھی بہتری ظاہر کررہا ہے، اب آپ کو ان کے سلسلے میں اہم فیصلے کرنے میں آسانی ہوگی۔
سنبلہ:
24 اگست تا 23 ستمبر
جن افراد نے روزگار کے لئے سفر کرنا ہے، اپنی کوشش شروع کر دیں،جلد ہی ان کو خوشخبری مل جائے گی اور ملازمت کی تلاش بھی ختم ہو سکے گی جو راستے بلاک سمجھ رہے تھے وہ اب کھل رہے ہیں۔ اب پرانے کام کے خاتمے کا امکان اور قدرتی نیا سلسلہ بن جانے کی بہت امید دکھائی دے رہی ہے اور حالات مالی لحاظ سے بہتری کی طرف جا رہے ہیں۔
میزان:
24 ستمبر تا 23 اکتوبر
جن لوگوں نے مالی لحاظ سے پچھلے کافی عرصے میں مشکلات برداشت کی ہیں، وہ اب انشاءاللہ اپنے حوالے سے اچھی خبریں سن سکیں گے ،اب یہ سلسلہ روزبروز بہتری کی جانب چلتا جائے گا اور جو معاملات خرابیاں پیدا کررہے تھے وہ ٹھیک ہو سکیں گے۔ اس وقت آپ کی صحت بھی بہتر ہوسکے گی ۔بلاک رقم کی واپسی اور نیا سلسلہ بھی بن جانے کے امکانات روشن نظر آتے ہیں۔
عقرب:
24 اکتوبر تا 22 نومبر
اس وقت گھریلوماحول کشیدگی کا شکار ہے، جیسے کسی کی نظر لگ گئی ہو، آپ سورة بقرہ کی تلاوت اونچی آواز میں روزانہ کم سے کم 40یوم تک ضرور لگائیں اور غریبوں کے لئے راشن کا بندوبست بھی کریں۔ جو لوگ کسی قانونی معاملے میں ہیں وہ خبردار رہیں یا پھر اپنے ہوں یا غیر دونوں کی شرارت کا امکان دکھائی دیتا ہے ،حسد کرنے والے بھی بہت قریب ہیں۔
قوس:
23 نومبر تا 22 دسمبر
جن امور میں کافی دنوں سے دشواریاں آ رہی ہیں، بحکم اللہ وہ اب ختم ہو سکیں گی اور جو لوگ عرصہ دراز سے مختلف قسم کی رکاوٹوں وغیرہ کا شکار ہیں وہ اب تیزی سے ان کو غیبی انداز سے ایک ایک کرکے خاتمے کی طرف جاتا دیکھیں گے۔ آپ کی زندگی میں ایک مرتبہ پھر تبدیلی کا عمل شروع ہونے والا ہے۔ یہ سلسلہ شائدبرسوں کے بعد بن رہا ہے اس کی قدرکریں۔
جدی:
23 دسمبر تا 20 جنوری
اس بار دشمن بحکم اللہ مدد کے لئے تیار ہوگا اور جو بات مسلسل آپ کے ڈپریشن میں اضافے کا سبب بن رہی تھی اس کا حل مل جائے گا، انشاءاللہ۔ جس مسئلے میں مخالفین نے آپ کو گرفتار کرنے کی کوشش کی، وہ بھی اس میں ناکام ہوں گے۔ ان دنوں آپ کی غیبی مدد کا سلسلہ چلتا رہے گا اور آپ کے معاملات میں آسانی رہے گی اور ضرورتیں بھی پوری ہوتی رہیں گی۔
دلو:
21 جنوری تا 19 فروری
ایک مشکل تنگ کررہی ہے۔ اس نے بھی چند یوم تنگ کرنا ہے۔ آپ حسبنا اللہ و نعیم الوکیل کا ورد زبان سے جاری رکھیں تاکہ کسی قسم کے نقصان سے بچا جا سکے۔ جو لوگ اپنے کام کو بدلنا چاہ رہے ہیں وہ تھوڑا صبر سے کام لیں۔ انشاءاللہ آپ کواس میں فائدہ ملے گا۔ آپ کی ایک دلی مراد پوری ہونے کے قریب ہے اور ضرورت کے تحت رقم بھی ہاتھ لگے گی۔
حوت:
20 فروری تا 20 مارچ
صحت پر توجہ دیں، اس کا صدقہ بھی ضروری ہے۔پٹھوں کے بعد معدے اور امراض خاص طور پر تنگ کر سکتے ہیں اور جو لوگ عرصہ دراز سے بے روزگار تھے، ان کا سلسلہ بن سکتا ہے۔ کچھ افراد کے سفر سے بھی ان کو فائدہ ملے گا۔ اولاد کا خانہ توجہ ضرور مانگ رہا ہے۔ اس میں ہرگز لاپروائی سے کام نہ لیں اور نیا رشتہ طے کرنے میں جلد بازی نہ کریں اور نہ ہی محبت وغیرہ کی شادی کا سوچیں۔
(نوٹ: یہ عام پیش گوئیاں ہیں اور ہر ایک پر لاگو نہیں ہوسکتی ہیں۔)
.ذریعہ: Express News
کلیدی لفظ: جو لوگ عرصہ دراز سے جن لوگوں سکیں گے ہو سکیں کے لئے گی اور گا اور اور جو
پڑھیں:
قارئین کو عید مبارک، پاکستان بھر میں عیدالاضحیٰ آج مذہبی عقیدت و احترام کے ساتھ منائی جا رہی ہے، جانور قربان کرنے کا سلسلہ جاری
اسلام آباد (ویب ڈیسک) ملک بھر میں عیدالاضحیٰ آج مذہبی عقیدت و احترام کے ساتھ منائی جا رہی ہے، سنتِ ابراہیمی کی یاد میں لاکھوں مسلمان نماز عید ادا کرنے کے بعد قربانی کی عبادت میں مصروف ہیں۔
صبح کا آغاز نمازِ عید کے بڑے بڑے اجتماعات سے ہوا، جو مساجد، عید گاہوں، امام بارگاہوں اور کھلے میدانوں میں منعقد کیے گئے۔
اسلام آباد میں عید الاضحی مذہبی عقیدت و احترام کے ساتھ منائی گئی۔ شاہ فیصل مسجد سمیت شہر کی مختلف مساجد، عید گاہوں اور امام بارگاہوں میں نمازِ عید کے روح پرور مناظر دیکھنے میں آئے۔ نماز کے اختتام پر افواجِ پاکستان، قومی سلامتی، اور ملک و قوم کی سلامتی و ترقی کے لیے خصوصی دعائیں کی گئیں۔
’’عید پر صفائی کی صورتحال کی خود مانیٹرنگ کروں گی،کوتاہی ہرگزبرداشت نہیں‘‘: وزیر اعلیٰ کی گزشتہ سال کی طرح فینائل اورعرق گلاب چھڑکنے کی ہدایت
لاہور میں دارالعلوم جامعہ نعیمیہ میں چیئرمین نظریاتی کونسل راغب نعیمی کی امامت میں عیدالاضحیٰ کی نماز ادا کی گئی، جامعہ میں بڑی اجتماعی قربانی کا انتظام کی گیا ہے۔
آئی جی پنجاب ڈاکٹر عثمان انور کے مطابق صوبے بھر میں اسپیشل پولیس، کیو آر ایف ٹیمیں سیکیورٹی کے فرائض انجام دے رہی ہیں جبکہ لاہور میں نماز عید کے 5 ہزار سے زائد اجتماعات کی سکیورٹی پر 6 ہزار سے زائد اہلکار و افسران تعینات کیے گئے ہیں۔
دارالعلوم جامعہ نعیمیہ میں پہلے روز 180 جانوروں کی قربانی کا آغاز ہو گیا ہے، دوسرے دن 100 جانور قربان کیے جائیں اور مجموعی طور پر 300 جانوروں کی قربانی کی جائے گی۔
قربانی کی عبادت کا مقصد تزکیہ نفس، تقویٰ، اللہ کی بندگی کا غالب آنا ہے: وزیر اعلیٰ مریم نواز کا عید الاضحیٰ پر پیغام
راولپنڈی ضلع بھر میں 604 مساجد ، 72 امام بارگاہوں اور 62 کھلے مقامات پر نماز عید کے اجتماعات.منعقد ہوئے، جبکہ ترجمان پولیس کے مطابق پولیس کے 2700 آفیسر اور جوان نماز عید کے اجتماعات کو سیکورٹی کی فراہمی پر معمور تھے۔
پشاور میں مرکزی عید گاہ چارسدہ روذ سمیت عید الاضحیٰ کی نماز کے متعدد چھوٹے بڑے اجتماعات منعقد ہوئے۔کراچی میں گرومندر پر واقع سبیل والی مسجد میں نماز عید ادا کی گئی، جہاں مولانا منیب کشمیری نے نماز کی امامت کی۔
اس موقع پر علمائے کرام نے خطبات میں حضرت ابراہیمؑ کی قربانی کی روح اور فلسفے پر روشنی ڈالی، اور امت مسلمہ کے اتحاد، وطن عزیز کی سلامتی، خوشحالی اور ترقی کے لیے خصوصی دعائیں کی گئیں۔
فتنہ الخوارج و ہندوستان کو کسی صورت کامیاب نہیں ہونے دیا جائیگا،وزیراعلیٰ مریم نواز کا 3 دہشتگردوں کی گرفتاری پر سی ٹی ڈی پنجاب کو خراجِ تحسین
ایکسپریس کے مطابق نمازعید کی ادائیگی کے بعد عالم اسلام کی سربلندی، ملکی ترقی و خوشحالی، فلسطینی اور کشمیری مسلمانوں کے لیےدعائیں کی گئیں۔
حیدرآباد و گردونواح میں عید الضحی مذہبی جوش و جزبے سے منائی جا رہی ہے، شہر بھر میں نماز عید کے ایک ہزار سے زائد چھوٹے و بڑے اجتماعات کا انعقاد کیا گیا۔
نماز عید کے بعد شہریوں نے قبرستانوں میں جا کر اپنے پیاروں کی قبروں پر فاتحہ خوانی کی جس کے بعد گائیں۔ بچھڑوں اور بکروں کی قربانی کا سلسلہ بھی شروع ہو چکا ہے۔
کراچی کی گلی جہاں جانوروں کا میلہ لگ گیا، ایک سے بڑھ کر ایک قربانی کا جانور آپ کو اس گلی میں ملے گا
نماز عید کے موقع پر سیکیورٹی کے سخت اقدامات کیے گئے ہیں، جن میں پولیس، رینجرز اور دیگر قانون نافذ کرنے والے ادارے ہائی الرٹ ہیں۔
ملک بھر کے چھوٹے بڑے شہروں، قصبوں اور دیہات میں تین روز تک لاکھوں افراد جانوروں کی قربانی کریں گے، جو سنتِ ابراہیمی کی یاد اور اللہ کی رضا کی علامت ہے۔
قربانی کے بعد لوگ قربانی کے بعد گوشت غرباء و مساکین میں تقسیم کر رہے ہیں تاکہ عید کی خوشیاں سب کے ساتھ بانٹی جا سکیں۔
صفائی و ستھرائی کے حوالے سے میونسپل اداروں نے خصوصی پلان ترتیب دیا ہے۔ قربانی کی آلائشیں اور کچرا بروقت ٹھکانے لگانے کے لیے خصوصی ٹیمیں تعینات کی گئی ہیں تاکہ صفائی کے نظام کو مؤثر رکھا جا سکے۔
عید الاضحیٰ فکر، قربانی اور اتحاد کا مقدس وقت ہے،دعا ہے یہ مبارک موقع ہمارے معاشرے میں ہم آہنگی کو فروغ دے: فیلڈ مارشل سید عاصم منیر اور پاک افواج کا پاکستانی عوام کے نام پیغام
مزید :
الخدمت فاؤنڈیشن کا لاکھوں مستحقین تک گوشت پہنچانے کا اعلان