امریکہ: ٹرمپ کا شکریہ، ٹک ٹاک سروسز بحال
اشاعت کی تاریخ: 21st, January 2025 GMT
اسلام آباد (اُردو پوائنٹ ۔ DW اردو۔ 21 جنوری 2025ء) یاد رہے کہ ماضی میں سابق صدر جو بائیڈن کی انتظامیہ نےکہا تھا کہ وہ ٹک ٹاک پر کوئی پابندی نہیں لگائے گی۔
ٹک ٹاک جو کہ چین کی کمپنی بائٹ ڈانس کی ملکیت ہے نے کہا ، ''ٹرمپ کے بیان سے وضاحت اور یقین دہانی ملتی ہے کہ امریکہ کے سترہ کروڑ صارفین کے لیے ٹک ٹاک کے سروس فراہم کرنے والوں کو کسی بھی جرمانے کا سامنا نہیں کرنا پڑے گا۔
‘‘پابندی کے بارے میں، ٹک ٹاک کا کہنا تھا، ''پچھلے ہفتے کے آخر میں پلیٹ فارم کو بند کر دیا گیا تھا، کیونکہ ایک وفاقی قانون کے تحت پیرنٹ کمپنی بائٹ ڈانس کو اتوار (19 جنوری) تک اپنے امریکی آپریشنز فروخت کرنے کے لیے جو وقت مقرر کیا گیا تھا وہ گزر چُکا تھا۔
(جاری ہے)
ٹرمپ نے وفاقی قانون کے تحت لگائی گئی پابندی کے بارے میں کہا کہ وہ ایک ایگزیکٹیو آرڈر جاری کریں گے، جس سے ٹک ٹاک کو کسی خریدار کو ڈھونڈنے کے لیے مناسب وقت مل سکے گا۔
انہوں نے اپنے سوشل میڈیا پلیٹ فارم 'ٹروتھ سوشل ‘ پر امریکا کے لوگوں سے اس کی ملکیت میں حصہ لینے کے لیے کہا۔ٹرمپ نے کہا کہ مشترکہ منصوبے کا پچاس فیصد حصہ امریکہ کا ہونا چاہیے، جس سے ٹک ٹاک کی قیمت سینکڑوں ڈالرز تک بڑھ سکتی ہے۔
ٹک ٹاک نے ایپ کی امریکی ملکیت کے بارے میں ٹرمپ کی بیان پر کوئی تبصرہ نہیں کیا۔
ٹک ٹاک پر غلط معلومات پھیلائی جارہی ہیں، تحقیق
ٹک ٹاک کی پیرنٹ کمپنی، بائٹ ڈانس، نے پہلے اس قانون کو نظر انداز کیا تھا، جس میں پابندی سے بچنے کے لیے اسے اپنے امریکی آپریشنز کو فروخت کرنے کی ضرورت تھی۔
اس حوالے سے سترہ جنوری کو سپریم کورٹ نے اس قانون کو برقرار رکھا اور یہ اتوار انیس جنوری سے نافذ ہو گیا۔واضح رہے کہ ماضی میں ٹرمپ نے ٹک ٹاک پر پابندی عائد کرنے کی حمایت کی تھی۔ پہلی بار امریکی صدر بننے کے بعد انہوں نے ٹک ٹاک کو بند کرنے کی کوشش بھی کی تھی۔
ٹرمپ کے بیان کے بعد، ٹک ٹاک نے سوشل میڈیا پلیٹ فارم ایکس پر لکھا ''سروس بحال ہونے کے مراحل میں ہے۔
ہم اپنے سروس فراہم کنندگان کو ضروری وضاحت اور یقین دہانی فراہم کرنے پر صدر ٹرمپ کا شکریہ ادا کرتے ہیں۔‘‘امریکہ میں ٹک ٹاک کے ایک سو پچاس ملین صارفین ہیں۔ یہ نوجوان ووٹروں تک پہنچنے کے لیے امریکی سیاسی مہمات کا ایک قیمتی ذریعہ بھی ثابت ہوا ہے۔ تاہم یہ غلط معلومات سے بھی بھرپور ہے اور اس کی چینی ملکیت نے طویل عرصے سے اندرون اور بیرون ملک قومی سلامتی کے خدشات کو جنم دیا ہے۔
ٹرمپ نے اس بات کی طرف بھی اشارہ کیا کہ ٹک ٹاک کہ ساتھ بہت سے لوگوں کا روزگار جُڑا ہوا ہے۔
چین کو نشانہ بناتے ہوئے ٹرمپ نے کہا، ''ہم نہیں چاہتے کہ ہمارا کاروبار چین یا کسی اور کو دیا جائے۔‘‘
سال2020ء میں بائٹ ڈانس پر فروخت کا دباؤ بڑھانے کے ایگزیکٹیو آرڈر پر دستخط کرنے کے بعد ٹرمپ نے کہا کہ ٹک ٹاک کے ذریعے نوجوان ووٹرز تک پہنچنے کا سہرا اس ایپ کے سر ہے۔
ٹک ٹاک پر پابندی رکوانے کے لیے ٹرمپ سپریم کورٹ پہنچ گئے
تاہم جب تک بائٹ ڈانس فروخت نہیں ہوتا، یہ کہنا مشکل ہوگا کہ نیا صدر پابندی کو ختم کرنے کے لیے کیا کر سکتا ہے۔ اگر وائٹ ہاؤس قابل عمل معاہدے کی طرف پیش رفت کا مظاہرہ کرتا ہے، تو قانون سازی پابندی میں 90 دن کی تاخیر کی اجازت دیتی ہے۔ تاہم بائٹ ڈانس نے اب تک واضح طور پر اس طرح کے کسی بھی لین دین کی تردید کی ہے۔
پابندی پر ردعمل
ٹک ٹاک پر پابندی عائد ہونے کے حوالے سے چین کی وزارت خارجہ کے ترجمان ماؤ ننگ نے کہا تھا کہ''چین پرائیویسی اور ڈیٹا کی حفاظت کو بہت اہمیت دیتا ہے اور واشنگٹن کو اپنی پابندی کے بارے میں معقول خیالات سننا چاہیں۔‘‘
ماؤ ننگ کا مزید کہنا تھا، ''ہم کبھی بھی دوسرے ممالک میں موجود افراد یا کمپنیوں سے اس ملک کا ڈیٹا اس طرح فراہم کرنے کے لیے نہیں کہیں گے، جس سے اُس کے قوانین کی خلاف ورزی ہو۔
‘‘’چینی حکام کا ٹک ٹاک، ایلون مسک کو فروخت کرنے پر غور‘
ایسٹونیا کے وزیر خارجہ مارگس تسیہاکانہ نے ٹک ٹاک پر پابندی عائد ہونے کی تعریف کرتے ہوئے کہا کہ ''یورپ کو بھی اس ایپ پر پابندی لگانے پر غور کرنا چاہیے۔‘‘
میلبورن میں آسٹریلین اوپن ٹینس میچ کے دوران، امریکی ٹینس کھلاڑی کوکو گاف نے کورٹ سائیڈ کیمرے پر "RIP TikTok USA" لکھا، جس سے ٹک ٹاک پابندی کے بارے میں ایک گرما گرم بحث چھڑ گئی۔
فونڈ دولاک پولیس کی جانب سے جاری کردہ بیان کے مطابق امریکی شہر وسکونسن میں ایک شخص پر ویڈیو شیئرنگ ایپ پر پابندی کے سلسلے میں اتوار انیس جنوری کی صبح ایک خالی عمارت کو آگ لگانے کا الزام عائد کیا گیا تھا۔ پولیس کے مطابق اس عمارت میں کانگریس کے ایک رکن کا دفتر بھی تھا۔
ع ف/ ک م(اے ایف پی)
.ذریعہ: UrduPoint
کلیدی لفظ: تلاش کیجئے پابندی کے بارے میں ٹک ٹاک پر پابندی بائٹ ڈانس کرنے کے کہا کہ نے کہا کے لیے
پڑھیں:
اینٹی ٹیرف اشتہار پر صدر ٹرمپ سے معافی مانگ لی، کینیڈین وزیرِاعظم
کینیڈین وزیرِاعظم مارک کارنی نے ہفتے کے روز تصدیق کی کہ انہوں نے امریکی صدر ڈونلڈ ٹرمپ سے ایک ’اینٹی ٹیرف اشتہار‘ پر معافی مانگی ہے، جس میں سابق امریکی صدر رونالڈ ریگن کو دکھایا گیا تھا جب کہ انہوں نے اونٹاریو کے وزیرِاعلیٰ ڈگ فورڈ کو یہ اشتہار نشر نہ کرنے کا مشورہ دیا تھا۔
غیر ملکی خبررساں اداروں ’اے ایف پی‘ اور ’رائٹرز‘ کے مطابق ڈونلڈ ٹرمپ نے اس اشتہار کو ’جعلی اینٹی ٹیرف مہم‘ قرار دیتے ہوئے کینیڈین اشیا پر مزید 10 فیصد ٹیرف عائد کرنے اور تمام تجارتی مذاکرات ختم کرنے کا اعلان کیا تھا۔
مارک کارنی نے جنوبی کوریا کے شہر گیونگجو میں صحافیوں سے بات کرتے ہوئے کہا کہ میں نے امریکی صدر سے معافی مانگی تھی کیوں کہ وہ اس اشتہار سے ناراض تھے۔
صحافی کی جانب سے پوچھے گئے سوال کے جواب میں ان کا کہنا تھا کہ تجارتی مذاکرات اس وقت دوبارہ شروع ہوں گے جب امریکا تیار ہوگا۔
کینیڈا کے وزیراعظم نے اس بات کی بھی تصدیق کی کہ انہوں نے اشتہار نشر ہونے سے پہلے ڈگ فورڈ کے ساتھ اس کا جائزہ لیا تھا مگر اسے استعمال کی مخالفت کرتے ہوئے کہا تھا کہ میں اس اشتہار کو نشر کرنے کے حق میں نہیں ہوں۔
یاد رہے کہ یہ اشتہار کینیڈا کی ریاست اونٹاریو کے وزیرِاعلیٰ نے تیار کرایا تھا، جو ایک قدامت پسند سیاستدان ہیں اور جن کا موازنہ اکثر ٹرمپ سے کیا جاتا ہے، اس اشتہار میں ریگن کا ایک بیان شامل کیا گیا ہے، جس میں وہ کہتے ہیں کہ ’ٹیرف تجارتی جنگوں اور معاشی تباہی کا باعث بنتے ہیں‘۔
مارک کارنی نے مزید کہا کہ چینی صدر شی جن پنگ کے ساتھ ان کی گفتگو دوطرفہ تعلقات میں ایک اہم موڑ ثابت ہوئی، اور انہوں نے اس دوران غیر ملکی مداخلت جیسے حساس معاملات پر بھی بات کی۔
کینیڈا کے چین کے ساتھ تعلقات مغربی ممالک میں سب سے زیادہ کشیدہ رہے ہیں، تاہم اب دونوں ممالک ٹرمپ کی جانب سے عائد کردہ ٹیرف کے دباؤ کا سامنا کر رہے ہیں، حالانکہ شی اور ٹرمپ نے جمعرات کے روز کشیدگی کم کرنے پر اتفاق کیا تھا۔
چین اور کینیڈا نے جمعے کو 2017 کے بعد پہلی بار اپنے رہنماؤں کے درمیان باضابطہ مذاکرات کیے۔
کینیڈین وزیراعظم کا صحافیوں سے گفتگو میں مزید کہنا تھا کہ ہم نے اب ایک ایسا راستہ کھول لیا ہے جس کے ذریعے موجودہ مسائل کو حل کیا جا سکتا ہے۔
انہوں نے مزید کہا کہ شی جن پنگ کی طرف سے ’نئے سال میں‘ چین کے دورے کی دعوت قبول کر لی ہے۔
ان کا کہنا تھا کہ میں نے اپنے وزرا اور حکام کو ہدایت دی ہے کہ وہ باہمی تعاون سے موجودہ چیلنجز کے حل تلاش کریں اور ترقی و اشتراک کے نئے مواقع کی نشاندہی کریں۔
صیہونی فوج نے جنین میں تین فلسطینیوں کو شہید کر دیا