کندھکوٹ،نامورادیب پروفیسر عبدالخالق کی یاد میں تعزیتی ریفرنس
اشاعت کی تاریخ: 27th, January 2025 GMT
کندھکوٹ(نمائندہ جسارت)ایوان علم و ادب کی جانب سے نامور ادیب پروفیسر عبدالخالق کی یاد میں تعزیتی ریفرنس کا انعقاد۔پروفیسر عبدالخالق کے علمی و ادبی خدمات کو فراموش نہیں کیا جاسکتا: مقررین۔ ایوان علم و ادب کی جانب سے نامور علمی و ادبی شخصیت مرحوم پروفیسر عبدالخالق سہریانی کی یاد میں ایک تعزیتی ریفرنس کا انعقاد کیا گیا؛جس میں علمی و ادبی شخصیات سمیت سیاسی و سماجی رہنمائوں اور وکلا سمیت شہریوں کی بڑی تعداد نے شرکت کی۔کانفرنس سے خطاب کرتے ہوئے نامور سماجی رہنما اور پروفیسر عبدالخالق مرحوم کے صاحبزادے ڈاکٹر امان اللہ بلوچ نے کہا کہ ہمارے مرحوم والد پورے سماج کیلیے ایک روشن چراغ تھے جس نے ہمیں ہمیشہ خدمت انسانیت کا درس دیا اور اس معاشرے میں اپنے قلم کی جنبش سے علم کا دیا جلا رکھا۔اس موقع پر خطاب کرتے ہوئے جماعت اسلامی سندھ کے نائب امیر پروفیسر نظام الدین میمن نے کہا کہ پروفیسر عبدالخالق علمی و ادبی شخصیت ہونے کے ساتھ اصلاح معاشرہ کیلے ہمیشہ فکرمند رہتے تھے،نامور ادیب عذیر احمد علوی،حافظ سندھی ، نوید قمر اور عدیل مہر نے کہا کہ پروفیسر عبدالخالق کی علمی خدمات سے ہمیں اس معاشرے میں انقلاب برپا کرنے کی نوید ملتی ہے وہ ایک ہمہ گیر شخصیت تھے جس نے ملک بھر میں علمی و ادبی خدمات سرانجام دیے؛اس موقع پر نامور سماجی شخصیت اور الخدمت اسپتال کشمور کے سرپرست ڈاکٹر عبدالرزاق کھوسہ، پریس کلب کندھ کوٹ کے سابق صدر نیک محمد خان سہریانی،جماعت اسلامی ضلع کشمور کے رہنما مولانا رفیع الدین چنا،سندھ بار کونسل کے ممبر و صدر ڈسٹرکٹ بار کشمور عبدالغنی بجارانی اور میونسپل کمیٹی کندھکوٹ کے سابق چیئرمین سردار میر ملگزار خان سہریانی نے کہا کہ پروفیسر عبدالخالق مرحوم علم و ادب کے حوالے سے اس شہر کی پہچان تھے جس کی رہنمائی سے ہم ہمیشہ مستفید ہوتے رہے،ان کی جدائی سے ایک نہ ختم ہونے والا خلا پیدا ہوا ہے جس کا بھرنا شاید ناممکن ہے مگر پھر بھی امید ہے کہ ان کے علمی و ادبی طالب اور فرزندگان پروفیسر عبدالخالق مرحوم کی علمی و سماجی خدمات کی تسلسل کو جاری رکھیں گے۔
.ذریعہ: Jasarat News
کلیدی لفظ: پروفیسر عبدالخالق نے کہا کہ
پڑھیں:
فضائی آلودگی کا وبال، لاہور دنیا کے آلودہ شہروں میں پھر سرفہرست
سٹی42: باغوں کا شہر لاہور فضائی آلودگی کے شدید نرغے میں آ گیا ہے۔ دنیا کے آلودہ ترین شہروں میں لاہور نے پہلے نمبر کا مقام حاصل کر لیا ہے اور ایئر کوالٹی انڈیکس (AQI) کی مجموعی شرح 339 ریکارڈ کی گئی ہے۔
سی ای آر پی آفس میں آلودگی کی شرح 623، سول سیکرٹریٹ میں 610، اقبال ٹاؤن 607 جبکہ ساندہ روڈ پر 486 ریکارڈ کی گئی۔برکی روڈ پر آلودگی کی سطح 478، سید مراتب علی روڈ پر 471، پیراگون میں 455 اور جی سی یونیورسٹی کے اطراف 447 ریکارڈ ہوئی۔
بھارتی نژاد دنیا کی معروف کمپنی کو اربوں کا چونا لگا کر فرار
محکمہ موسمیات کے مطابق شہر کا زیادہ سے زیادہ درجہ حرارت 30 ڈگری سینٹی گریڈ تک جانے کا امکان ہے جبکہ آئندہ 24 گھنٹوں میں بارش کا کوئی امکان نہیں ہے۔شہر میں 3 کلومیٹر فی گھنٹہ کی رفتار سے ہوائیں چل رہی ہیں اور ہوا میں نمی کا تناسب 85 فیصد ریکارڈ کیا گیا ہے۔
دوسری جانب موسمی تبدیلی اور بڑھتی ہوئی فضائی آلودگی کے باعث سانس اور جلد کے امراض میں خطرناک حد تک اضافہ ہونے لگا ہے۔ معروف ماہرِ طب پروفیسر ڈاکٹر جاوید اکرم کا کہنا ہے کہ لاہور دنیا کے آلودہ ترین شہروں میں شامل ہو چکا ہے، جس کے باعث شہریوں کی صحت بری طرح متاثر ہو رہی ہے۔
پاکستان اور جنوبی افریقہ کے درمیان فیصلہ کن ٹی ٹونٹی میچ آج ہوگا
پروفیسر جاوید اکرم نے خصوصی گفتگو میں بتایا کہ بزرگ افراد اور بچے فضائی آلودگی سے سب سے زیادہ متاثر ہوتے ہیں جبکہ پہلے سے بیمار افراد کے لیے یہ آلودگی انتہائی مہلک ثابت ہو سکتی ہے۔
ان کا کہنا تھا کہ شہری کھلی فضا میں نکلتے وقت لازمی ماسک استعمال کریں اور آلودگی کے منفی اثرات سے بچنے کے لیے پانی کا زیادہ استعمال کریں۔پروفیسر جاوید اکرم نے مشورہ دیا کہ بوڑھے اور بیمار افراد کو نمونیا سے بچاؤ کی ویکسین ضرور لگوانی چاہیے تاکہ موسمی بیماریوں کے اثرات کو کم کیا جا سکے۔
نئے بھرتی کنٹریکٹ ملازمین کو ریگولر ہونے پر بھی پنشن نہیں ملے گی
صیہونی فوج نے جنین میں تین فلسطینیوں کو شہید کر دیا