کراچی آنیوالی امریکی خاتون نے شادی سے متعلق سوال پر ہزاروں ڈالرز مانگ لیے
اشاعت کی تاریخ: 29th, January 2025 GMT
کراچی آنیوالی امریکی خاتون نے شادی سے متعلق سوال پر ہزاروں ڈالرز مانگ لیے۔
کراچی کے لڑکے سے شادی کےلیے آئی ہوئی امریکی خاتون اونیجا اینڈریو رابنس لڑکے کے گھر پہنچ گئی جہاں صحافی کی جانب سے سوال کیا گیا، ’آپ کس نوجوان سے شادی کرنا چاہتی ہیں؟‘ جس کے جواب میں امریکی خاتون بولیں ’3 ہزار ڈالرز دیں، پھر بتاؤں گی۔‘
امریکی خاتون گارڈن میں واقع لڑکے کے گھر پہنچنے کے بعد اپارٹمنٹ کی پارکنگ میں بیٹھ گئی، اپارٹمنٹ کی یونین نے اسے واپس جانے کا کہا، مگر اس نے جانے سے انکار کر دیا۔
پولیس کا کہنا ہے کہ نوجوان کے اہل خانہ گھر بند کرکے چلے گئے، خاتون عمارت کی پارکنگ میں بیٹھی ہے، عمارت کی انتظامیہ نے فلیٹ کے دروازے بند کردیے۔
خیال رہے کہ اونیجا اینڈریو رابنس نامی خاتون کو کراچی کے علاقے گارڈن کے رہائشی 19 سالہ ندال میمن سے محبت ہوگئی تھی۔
اپارٹمنٹ کی یونین نے خاتون کو واپس جانے کا کہا، مگر خاتون نے جانے سے انکار کر دیا۔
یہ خاتون سوشل میڈیا پر محبت میں مبتلا ہوئی تھیں، یہ 2 بچوں کی ماں 11 اکتوبر 2024ء کو کراچی پہنچی تھی۔
19 سالہ نوجوان شادی کےلیے راضی تھا تاہم گھر والوں نے امریکی خاتون سے شادی سے انکار کردیا، امریکی خاتون کئی ماہ کراچی میں دربدر رہی اور اس کی واپسی کا ٹکٹ ختم ہوگیا تھا۔
پولیس ذرائع کے مطابق امریکی خاتون کو حکام نے ایئرپورٹ پولیس کے حوالے کردیا تھا، این جی او نے خاتون کی امریکا واپسی کےلیے ٹکٹ دیا اور مالی مدد بھی کی۔
سردی اور فلو کی وجہ سے خاتون کو ایئرپورٹ کے ایمرجنسی کلینک میں داخل بھی کیا گیا تھا۔
امریکی خاتون نے آج صبح واپس امریکا جانے سے انکار کر دیا تھا اور اس کی خلیجی ایئر لائن کی پرواز اسے لیے بغیر ہی نیویارک روانہ ہوگئی تھی۔
ذرائع نے بتایا کہ امریکی خاتون کو قطر ایئر لائن کی پرواز میں سوار کروانے کی کوشش کی گئی تھی تاہم اس نے پرواز میں بیٹھنے سے انکار کر کے ایئر پورٹ پر ناچنا شروع کردیا تھا۔
ایئرپورٹ ذرائع کے مطابق محبت میں ناکامی پر مایوس خاتون کو پولیس کی مدد سے جہاز تک پہنچایا گیا تھا، تاہم امریکی خاتون حیلے بہانے کر کے کراچی ایئر پورٹ پر وطن واپسی سے کتراتی رہی۔
.ذریعہ: Jang News
کلیدی لفظ: جانے سے انکار امریکی خاتون سے انکار کر خاتون نے خاتون کو
پڑھیں:
صدر ٹرمپ کا خاتون صحافی کو ’بیوقوف‘ قرار دینے پر نیا تنازع
امریکی صدر ڈونلڈ ٹرمپ نے جمعرات کے روز ایک خاتون صحافی کو ’بیوقوف‘ قرار دے دیا، جو میڈیا میں خواتین کے بارے میں اُن کی توہین آمیز گفتگو کی ایک اور مثال بن گئی ہے، جس کا وہ اکثر ناگوار سوالات پر استعمال کرتے ہیں۔
فلوریڈا میں اپنے رہائشی کمپاؤنڈ میں صحافیوں سے گفتگو کے دوران، جب اُن سے امریکا میں افغان شہریوں کی اسکریننگ کے حوالے سے سوال کیا گیا، تو ٹرمپ نے خاتون رپورٹر کی بات کاٹتے ہوئے انہیں بیوقوف کہہ ڈالا۔
یہ بھی پڑھیں: صدر ٹرمپ کی خاتون صحافیوں سے بدتمیزی، ایئر فورس ون کی ویڈیو وائرل
یہ سوال اس واقعے کے تناظر میں پوچھا گیا تھا جس میں بدھ کے روز وائٹ ہاؤس کے قریب نیشنل گارڈ کے 2 اہلکاروں کو گولی مار کر زخمی کیا گیا، حملہ آور مبینہ طور پر وہ افغان شہری تھا جسے 2021 میں امریکی افواج کے اچانک انخلا کے بعد امریکا میں آباد کیا گیا تھا۔
Another Word Added To Trump's Insult Of Women Journalists: "Stupid"https://t.co/hECuiSq8nj pic.twitter.com/7hVvy6bzny
— NDTV WORLD (@NDTVWORLD) November 28, 2025
رپورٹر نے پوچھا کہ جب ٹرمپ کی اپنی ہی انتظامیہ کے کچھ اہلکاروں نے کہا ہے کہ آباد کیے گئے افغانوں کی مکمل جانچ پڑتال کی گئی تھی، تو وہ اس کا الزام اپنے پیشرو صدر جو بائیڈن پر کیوں عائد کررہے ہیں؟
مزید پڑھیں:ٹرمپ کی قریبی ساتھی امریکی صدر کا ساتھ چھوڑ گئیں، سبب کیا بنا؟
ٹرمپ نے برہمی سے جواب دیتے ہوئے کہا کیونکہ انہوں نے انہیں ملک میں داخل ہونے دیا گیا۔ اس موقع پر ٹرمپ نے وہ مشہور تصویر بھی اٹھا رکھی تھی جس میں امریکی فوجی طیارہ طالبان کے دوبارہ اقتدار میں آنے کے بعد فرار ہونے والے افراد سے بھرا ہوا دکھائی دیتا ہے۔
خاتون رپورٹر کو مخاطب کرتے ہوئے ٹرمپ نے کہا کہ وہ لوگ ہزاروں ان افراد کے ساتھ آئے جنہیں یہاں نہیں ہونا چاہیے تھا۔ ’تم صرف اس لیے سوال کر رہی ہو کیونکہ تم ایک بیوقوف انسان ہو۔‘
مزید پڑھیں: امریکی صدر ٹرمپ کا بی بی سی کے خلاف 5 ارب ڈالر تک ہرجانے کا مقدمہ دائر کرنے کا اعلان
صدر ٹرمپ کے دور میں تند و تیز گفتگو اور طعن و تشنیع عام رہی ہے، لیکن خواتین صحافیوں کے لیے اُن کا رویّہ اکثر خاص طور پر تلخ ہوتا ہے۔
بدھ کے روز بھی ٹرمپ نے نیویارک ٹائمز کی ایک رپورٹ پر شدید غصے کا اظہار کیا، جس میں اُن کی عمر اور بڑھتی تھکن کا ذکر کیا گیا تھا، اور مضمون تحریر کرنے والی خاتون صحافی کو ’بدصورت‘ کہہ کر پکارا۔
اس سے قبل رواں ماہ میں وہ ایک خاتون صحافی کو ’سور جیسی‘ اور دوسری کو ’ایک خوفناک انسان‘ بھی کہہ چکے ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
افغانستان امریکی صدر بیوقوف جو بائیڈن خاتون رپورٹر ڈونلڈ ٹرمپ فلوریڈا واشنگٹن
عام انتخابات کے مقابلے میں ضمنی انتخابات میں ن لیگ نے کتنے زائد ووٹ حاصل کیے؟