میراتھن ریس رکوانے کیلیے جماعت اسلامی کے وفدکی کمشنر سے ملاقات
اشاعت کی تاریخ: 30th, January 2025 GMT
میرپورخاص(نمائندہ جسارت)جماعت اسلامی میرپورخاص کے نمائندہ وفد نے امیر جماعت اسلامی میرپورخاص شکیل احمد فہیم کی قیادت میں کمشنر میرپورخاص فیصل احمد عقیلی سے ڈویژنل انتظامیہ کے تحت خلاف شریعت مجوزہ خواتین میرا تھن ریس کو منعقد نہ کرنے کے حوالے سے کمشنر آفس میں ملاقات کی۔ اس موقع پر نائب امیر جماعت اسلامی ضلع میرپورخاص حاجی نور الٰہی مغل اور نیاز درانی بھی ان کے ساتھ تھے۔جماعت اسلامی کے وفد نے ملاقات کے دوران کہا کہ اسلام میں خواتین کا دائرہ کار اور ذمے داریاں واضح طور بیان ہے خواتین اسلام اور طالبات کو مردوں کے ہوتے ہوئے عام شاہراہوں پر دوڑانا اور ڈور کے مقابلے کروانا شریعت اسلامی کی کھلی خلاف ورزی اور مردوں کی ہوس بھری نظروں کا شکار کرنے کے مترادف ہے۔ڈویژنل انتظامیہ طالبات اور خواتین کی معیار زندگی کو بہتر کرنے انہیں جدید تعلیمی و ووکیشنل تربیتی سہولیات مہیا کرنے کے بجائے سڑکوں پر دوڑانے سے کیا حاصل کرنا چاہتی ہے۔ آج بھی میرپورخاص و قرب وجوار کی خواتین بنیادی طبی سہولیات سے محروم اور سول اسپتال میں زچگی کے دوران جدید سہولتیں نہ ہونے کے سبب جان سے ہاتھ دھو بیٹھتی ہیں مگر ڈویژنل انتظامیہ سب اچھا ہے کا راگ الاپتی ہے۔پرائیوٹ اور سرکاری اسکولز و کالج کی انتظامیہ کو سرکاری احکامات کے ذریعے خواتین میراتھن ریس میں شرکت کا کہا جارہا ہے۔وفدنے مزید کہا کہ میرپورخاص کے غیور مسلمان اس خلاف شریعت اور غیر اخلاقی خواتین میرا تھن ریس کو قبول نہیں کریں گے۔وفد نے کمشنر میرپورخاص سے مطالبہ کیا کہ مجوزہ خواتین میراتھن ریس کو فوری طور پر منسوخ کرے۔
.ذریعہ: Jasarat News
کلیدی لفظ: جماعت اسلامی
پڑھیں:
جماعتِ اسلامی کی ٹیم اختیار سے بڑھ کر کام کررہی ہے‘فرحان بیگ
data-id="863a0a8" data-element_type="widget" data-widget_type="theme-post-content.default">
250916-02-15
کراچی(اسٹاف رپورٹر)امیر جماعت اسلامی ضلع کورنگی مرزا فرحان بیگ آ ج مرحوم ڈاکٹر احمد شریف کے گھر گئے اور ان کے داماد عمیراور ڈاکٹر صاحب کے قریبی دوست ڈاکٹر عبد العلیم صدیقی سے اظہارِ تعزیت کرتے ہوئے دعا مغفرت کی۔امیر ضلع کے ہمراہ قیم ضلع نویداختر اور عبد الوحید خان بھی تھے۔مرزا فرحان بیگ نے ڈآکٹر احمد شریف کی خدمات کی تعریف کرتے ہوئے کہاکہ ڈاکٹر احمد شریف اپنے پیشے سے انتہائی مخلص تھے وہ ایک درد مند دل رکھنے والے فرد تھے انہیں تا دیر یاد رکھا جائے گا بعد ازاں وہ یوسی 10 لانڈھی ٹاؤن گیے اور انہوں نے وہاں جاری ترقیاتی کام کا جائزہ لیا اور کام کے معیار پر اطمینان کا اظہار کیا۔اس موقع پر انہوں نے یوسی 10 کے چیرمین عبد الحفیظ ،وائس چیرمین طارق صدیقی اور کونسلرو ناظم علاقہ صفدرعلی،زوہب ، انتخاب عالم کی تعریف کرتے ہوئے کہا کہ جماعتِ اسلامی کی ٹیم بھر وقت دے رہی ہے۔
کراچی میں متوقع شدید بارش کے پیش نظر انتظامیہ کو ہائی الرٹ رہنے کا حکم